ەلوردادا مەكتەپ وقۋشىلارى 31 قاڭتارعا دەيىن قاشىقتان وقيدى
نۇر-سۇلتان قالاسىندا مەكتەپ وقۋشىلارى، كوللەدج جانە جوو ستۋدەنتتەرى ونلاين وقۋعا كوشىرىلدى. بۇل تۋرالى نۇر-سۇلتان قالاسىنىڭ باس مەملەكەتتىك سانيتار دارىگەرى سارحات بەيسەنوۆا ءمالىم ەتتى.
«ءبىلىم ورتالىقتارى، ەرەسەكتەر مەن بالالارعا ارنالعان ۇيىرمەلەر، بالالاردى دامىتۋ ورتالىقتارىنىڭ قىزمەتى ونلاين فورماتقا كوشىرىلسىن. مەملەكەتتىك ورگان جانە ۇلتتىق كومپانيا قىزمەتكەرلەرىنىڭ كەم دەگەندە 80 پايىزى قاشىقتان جۇمىس ىستەۋگە كوشىرىلسىن. ۇجىمنىڭ ۆاكسينا العانىنا قاراماستان»، - دەدى سارحات بەيسەنوۆا قالا اكىمدىگىندە ونلاين وتكەن باسپا ءسوز ءماسليحاتىندا.
سونداي-اق، باس سانيتار دارىگەر مەكتەپ جانە جوعارى وقۋ ورىندارىنىڭ جۇمىسىنا قاتىستى توقتالىپ ءوتتى.
«مەكتەپ وقۋشىلارى 31 قاڭتارعا دەيىن قاشىقتان وقىتۋ جۇيەسىنە كوشسىن. ال كوللەدج جانە جوو ستۋدەنتتەرى 6 اقپانعا دەيىن ونلاين وقۋ فورماتىنا اۋىستىرىلسىن. سونداي-اق، ىندەتتىڭ تارالۋىنا جول بەرمەي ماقساتىندا قالاداعى قوعامدىق كولىك سانىن كوبەيتىلسىن»، - دەيدى ول.
You Might Also Like
-
پەداگوگ تاپشى وڭىرلەرگە بارعان ماماندارعا پاتەر جالداۋ جانە كوممۋنالدىق شىعىندار بويىنشا وتەم بەرىلەدى.
-
شاكىرت – مەنىڭ مارتەبەم. مەن – باسپالداق، مەن ارقىلى شارىقتاسىن ول اسپانداپ!
