باتىس وڭىرلەردە تەحنيكالىق ماماندىق گرانتتارىنىڭ سانى ارتادى
باتىس وڭىرلەردە تەحنيكالىق ماماندىق گرانتتارىنىڭ سانى ارتادى. ق ر پرەمەر-مينيسترى ءاليحان سمايىلوۆ ۇكىمەت وتىرىسىندا وسىنداي تاپسىرما بەردى.
«الەۋمەتتىك بلوك بويىنشا. ءبىرىنشى، ەڭبەك مينيسترلىگى جۇمىسقا ورنالاستىرۋدى جانە الەۋمەتتىك قولداۋدى قاجەت ەتەتىن ازاماتتاردىڭ ناقتى سانىن انىقتاپ، ەڭبەك سالاسىن ساپالى جاڭارتۋ جۇمىسىن جۇرگىزسىن. مۇددەلى مەملەكەتتىك ورگاندارمەن بىرلەسىپ، بيزنەس-يدەيالاردى ىسكە اسىرۋعا ارنالعان گرانتتار مەن ەڭبەكاقى مولشەرىن ۇلعايتۋ، «جاستار پراكتيكاسىنا»، «العاشقى جۇمىس ورنى» جوباسىنا قاتىسۋ مەرزىمىن ارتتىرۋ بويىنشا شارالار قابىلداسىن. ۇلتتىق ەكونوميكا جانە ەڭبەك مينيسترلىكتەرى ءبىر اي مەرزىمدە «حالىق تابىسىن ارتتىرۋ» باعدارلاماسىنىڭ جوباسىن ازىرلەپ ۇكىمەتكە ەنگىزسىن»، - دەدى پرەمەر-مينيستر.
ال ءبىلىم مينيسترلىگىنە مۇددەلى مەملەكەتتىك ورگاندارمەن بىرلەسىپ، مۇعالىمدەر جەتپەيتىن وڭىرلەرگە ۇستازداردى تارتۋ باعدارلاماسىن ازىرلەپ، ولاردى ءتيىستى الەۋمەتتىك قولداۋ شارالارىن قاراستىرۋ جۇكتەلدى.
«بۇعان قوسا بەدەلدى شەتەلدىك جوعارى وقۋ ورىندارىنىڭ بەس فيليالىن ونىڭ ەكەۋىن باتىس وڭىردە اشۋ شارالارىن قابىلداسىن. سونداي-اق، مەملەكەتتىك ءبىلىم بەرۋ تاپسىرىسىنىڭ جوباسىندا ءبىرىنشى كەزەكتە باتىس وڭىرلەردە تەحنيكالىق باعىتتار بويىنشا گرانتتار سانىن ارتتىرۋ قاجەت. حالىق تىعىز قونىستانعان ءوڭىر جاستارىنىڭ جوعارى وقۋ ورىندارىندا ءبىلىم الۋى ءۇشىن نىسانالى گراتتاردى كوزدەۋ قاجەت»، - دەدى ۇكىمەت باسشىسى.
سونداي-اق، ول «قازاقستان حالقىنا» قورى قاشان قۇرىلاتىنىن ايتتى.
«ءۇشىنشى، دەنساۋلىق ساقتاۋ، ءبىلىم، مادەنيەت، قورعانىس، قارجى، ۇلتتىق ەكونوميكا مينيسترلىكتەرى 1 اقپانعا دەيىن «قازاقستان حالقىنا» قوعامدىق الەۋمەتتىك قورىن قۇرۋ ماسەلەسىن قاراستىرسىن. بۇگىنگى جاعدايدىڭ قانشالىقتى كۇردەلى ەكەنىن ءبارىڭىز ءبىلىپ وتىرسىزدار. بارىنشا ءبىر كىسىدەي جۇمىلىپ، ۇيلەسىمدى جۇمىس ىستەۋىمىز قاجەت. ورىنباسارلارىم ءوز سالاسى بويىنشا جانە مەملەكەتتىك ورگانداردى ناقتى ۇيلەستىرۋ مەن باقىلاۋدى ۇيىمداستىرسىن»، - دەدى ءاليحان سمايىلوۆ.
You Might Also Like
-
كانيكۋل اياقتالعان سوڭ الماتىلىق وقۋشىلار ونلاين وقۋعا كوشەدى.
-
ادەتتەگى كۇندەردىڭ ءبىرى ەدى. قويشى شايعا تويىپ الىپ، تەرلەپ، كەيىن بارىپ وتىرعان سوڭ، اباي:
