پەريزات قايراتتىڭ ءىسى: نزم اتا-انالارى دا جابىرلەنۋشى رەتىندە تانىلدى
پەريزات قايراتتىڭ ءىسى: نزم اتا-انالارى دا جابىرلەنۋشى رەتىندە تانىلدى
قايىرىمدىلىققا دەپ اۋدارعان 900 مىڭ تەڭگەدەن استام قارجى ۇستازدىڭ ەمىنە جۇمسالۋى ءتيىس ەدى
استانادا پەريزات قايراتقا قاتىستى سوت پروسەسى جالعاسىپ جاتىر. بۇگىنگى وتىرىستا جابىرلەنۋشىلەر قاتارىندا نازاربايەۆ زياتكەرلىك مەكتەبىنىڭ وقۋشىلارىنىڭ اتا-انالارى دا بار ەكەنى بەلگىلى بولدى.
2024 جىلدىڭ كوكتەمىندە نزم اتا-انالار كوميتەتى تاسقىننان زارداپ شەككەندەرگە كومەك رەتىندە 901 855 تەڭگە جيناپ، پەريزات قايرات باسقاراتىن «Biz Birgemiz Qazaqstan 2030» قورىنىڭ شوتىنا اۋدارعان. كوميتەت وكىلىنىڭ ايتۋىنشا، الەۋمەتتىك جەلىدەگى قور جايلى اقپارات پەن جارناماسى سەنىمدى ءارى رەسمي سيپاتتا بولعاندىقتان، ولار الاڭسىز قاراجات جىبەرگەن.
الايدا كەيىنىرەك قورعا اۋدارىلعان قارجىنىڭ قايدا جۇمسالعانى بەلگىسىز بولىپ، اتا-انالار ءوز قاراجاتىنىڭ قايتارىلۋىن تالاپ ەتە باستادى. ولاردىڭ سوزىنشە، بۇل سوما نزم-دە دەنساۋلىعى سىر بەرگەن ءبىر ۇستازدىڭ ەمىنە جۇمسالۋى ءتيىس ەدى.
قازىرگى تاڭدا پەريزات قايراتتىڭ قورى ارقىلى جينالعان جۇزدەگەن ميلليون تەڭگەنىڭ باسىم بولىگى جەكە ماقساتتارعا جۇمسالعانى تەرگەۋ بارىسىندا انىقتالعان. سوت ءىسى جالعاسىپ جاتىر.
You Might Also Like
-
قارجى مونيتورينگى اگەنتتىگى بۇرىنعى جوعارى لاۋازىمدى تۇلعالاردىڭ ءىرى كولەمدە پارا الۋ دەرەگى بويىنشا تەرگەۋ جۇرگىزىلىپ جاتقانىن راستادى. قىلمىستىق ىسكە «ەڭبەك رەسۋرستارىن دامىتۋ ورتالىعى» اق مەن «ب...
-
ەۆروپا وداعىنىڭ 18ء-شى سانكسيالار پاكەتى رەسمي تۇردە بەكىتىلمەدى – بۇل جولى دا سلوۆاكيا ءالى كۇنگە دەيىن ۆەتو قويۋدا. 9 شىلدەدە EU ەلشىلەر كوميتەتىنىڭ (Coreper) جيىنىندا پاكەتتىڭ ماقۇلدانباعانى حابارل...
