InfoHub Logo

تايلاندتا بىرنەشە جىل بويى يتتەرمەن بىرگە ءومىر سۇرگەن بالا تابىلدى
اناسى جاردەماقى الىپ تۇرعان، ءبىراق بالا مەكتەپكە بارماعان

تايلاندتا ادام سەنگىسىز جاعداي ورىن الدى: بىرنەشە جىل بويى يتتەرمەن بىرگە ءومىر سۇرگەن بالا قۇتقارىلدى. جەرگىلىكتى بيلىكتىڭ مالىمەتىنشە، بالانىڭ اناسى مەن 23 جاستاعى اعاسى ەسىرتكىگە تاۋەلدى بولعان. ايەل مەملەكەتتەن بالانىڭ وقۋىنا ارنالعان 400 بات (شامامەن 6 500 تەڭگە) كولەمىندەگى جاردەماقىنى ۇنەمى الىپ وتىرعان، الايدا بالا مەكتەپكە بارماعان.

قۇتقارىلعان كەزدە بالا سويلەمەگەن، تەك يتشە ءۇرىپ، ءتورت اياقتاپ جۇرگەن. ول جانۋارلاردىڭ ادەتتەرىن تولىقتاي ءسىڭىرىپ، ادامداردان قاشىپ، يتتەرمەن عانا ۋاقىت وتكىزگەن.

قازىرگى تاڭدا بالا بالالار ورتالىعىنا جەتكىزىلىپ، ارنايى مامانداردىڭ قامقورلىعىنا الىنعان. مامانداردىڭ ايتۋىنشا، ول بەيىمدەلۋ كەزەڭىنەن ءوتىپ جاتىر، بۇل – ۇزاق ءارى كۇردەلى پروسەسس بولۋى مۇمكىن.

بۇل وقيعا تايلاند قوعامىندا ۇلكەن رەزونانس تۋدىرىپ، الەۋمەتتىك قىزمەتتەردىڭ السىزدىگىن، اسىرەسە بالالاردى باقىلاۋ تەتىكتەرىنىڭ جەتكىلىكسىزدىگىن كورسەتىپ وتىر.