InfoHub Logo

سۇلەيمان دەميرەل ۋنيۆەرسيتەتىنىڭ ءپانارالىق زەرتتەۋلەر ورتالىعىندا «وتاندىق ءبىلىم بەرۋدى مودەرنيزاسيالاۋ جاعدايىندا كوپتىلدى ءىت مامانىنىڭ قۇزىرەتتى يننوۆاسيالىق مودەلىن ازىرلەۋ جانە ەنگىزۋ» گرانتتىق جوباسى اياسىندا «قازىرگى ITء-بىلىم بەرۋدەگى قۇزىرەتتىلىككە نەگىزدەلگەن تاسىلدەمە» پراكتيكالىق سەمينارى ءوتتى. جوبانىڭ عىلىمي جەتەكشىسى – استانا IT ۋنيۆەرسيتەتىنىڭ رەكتورى قانات قوجاحمەت جانە جوبانىڭ بىرلەسكەن اۆتورى جانە اتقارۋشى ديرەكتورى – راحيما جۋمالييەۆا.

وتكىزىلگەن سەمينار «سيفرلىق قازاقستان» مەملەكەتتىك باعدارلاماسىن جانە «رۋحاني جاڭعىرۋ» قوعامدىق سانانى جاڭعىرتۋعا ارنالعان باعدارلاماسىن ىسكە اسىرۋعا باعىتتالعان. سەمينار بولاشاق IT-مامانىنىڭ قۇزىرەتتىلىكتەرىن قالىپتاستىرۋ جانە دامىتۋ تۇرعىسىنان ITء-بىلىم بەرۋدەگى قۇزىرەتتىلىككە نەگىزدەلگەن تاسىلدەمەنى تالقىلاۋ ماقساتىندا ۇيىمداستىرىلدى.

سەمينارعا ستۋدەنتتەر، ماگيسترانتتار، دوكتورانتتار جانە سدۋ وقىتۋشىلارى قاتىستى.

سەمينار جۇمىسىن قۇتتىقتاۋ سوزدەرىمەن سدۋ عىلىم دەپارتامەنتىنىڭ ديرەكتورى، PhD شيرالي كادىروۆ اشتى.

قاۋىمداستىرىلعان پروفەسسور، PhD جۋمالييەۆا ر.ز. «كوپتىلدى IT-مامانىنىڭ يننوۆاسيالىق قۇزىرەتتىلىك مودەلىن قۇرۋدىڭ تۇجىرىمدامالىق نەگىزدەرى» تاقىرىبىندا بايانداما جاسادى جانە دە كوپتىلدى IT-مامانىنىڭ يننوۆاسيالىق قۇزىرەتتىلىك مودەلىن، IT-مامانىنىڭ قۇزىرەتتىلىكتەرىن قالىپتاستىرۋ مەن دامىتۋدىڭ نەگىزگى قاعيدالارى، سونداي-اق تىلدەردى دەڭگەيلىك وقىتۋ تۇجىرىمداماسى ۇسىنىلدى. سونداي-اق، قازاقستاندىق ءبىلىمنىڭ مودەرنيزاسياسى جاعدايىندا قۇزىرەتتىلىكتىڭ قالىپتاسۋى مەن دامۋى ونىڭ مىناداي قۇرىلىمدىق ەلەمەنتتەرىنىڭ سيكلدىك تۇتاسۋى نەگىزىندە جۇزەگە اسىرىلادى: تانىمدىق بەلسەندىلىك (تانىمدىق)، ىنتالاندىرۋشى بەلسەندىلىك (ىنتالاندىرۋشى) جانە رەفلەكسيالىق بەلسەندىلىك (رەفلەكسيالىق) كومپونەنتتەر.

قاۋىمداستىرىلعان پروفەسسور، PhD يزەكەنوۆا ا.ك. كاسىپكەرلىك ويلاۋدى دامىتۋدىڭ ماڭىزدىلىعى تۋرالى «قازىرگى ءبىلىم بەرۋدەگى كاسىپكەرلىك داعدىلار (قۇزىرەتتىلىكتەر)» ترەنينگىن وتكىزدى. كاسىپكەرلىك داعدىلاردى وقىتۋ پراكتيكاسى، سونداي-اق ايتىلعان پروسەستى جۇرگىزۋگە قاجەتتى وقىتۋ قۇرالدارى ۇسىنىلدى. جاھاندانۋ، وزگەرمەلىلىك جانە اقپاراتتىق تەحنولوگيانىڭ تەز ءوسىپ كەلە جاتقان ءرولى جاعدايىندا ۋنيۆەرسيتەت كلاسسيكالىق الەۋمەتتىك ينستيتۋتتان ءبىلىم ەكونوميكاسىنىڭ سۋبەكتىسىنە اۋىسۋدا. جاڭا بۋىن ۋنيۆەرسيتەتتەرىندەگى (U 3.0) زاماناۋي ءبىلىم بەرۋ باعدارلامالارى ءداستۇرلى ادىستەر مەن ويىنداندىرۋ ءبىلىم بەرۋدى ۇيلەستىرىپ ستۋدەنتتەرگە كاسىپكەرلىك ويلاۋ داعدىلارىن قالىپتاستىرۋعا جانە كەز-كەلگەن تاپسىرمانى جان-جاقتى شەشۋگە كومەكتەسەدى. ترەنينگ ستۋدەنتتەرگە «جۇمساق داعدىلاردى» ودان ءارى دامىتۋعا مۇمكىندىك بەرەتىن زاماناۋي ۋنيۆەرسيتەتتەگى كاسىپكەرلىك ويلاۋدى دامىتۋدىڭ قۇزىرەتتىلىك ءتاسىلىن قاراستىردى.

تەحنيكالىق عىلىمدار كانديداتى، اسسيستەنت پروفەسسور تۋلەميسوۆا گ.ە. «IT-مەنەدجەرىنىڭ قۇزىرەتتىلىكتەرىن قالىپتاستىرۋ» اتتى ۇيىمداستىرىلعان  ماستەر-كلاسستا سيفرلىق ەكونوميكاداعى IT-مامانداردى Chief Digital Officer اتتى لاۋازىمعا دايىنداۋ ءادىسناماسى ۇسىنىلدى. بۇل ماسەلە بەيىندى ماماندارعا (Chief Digital Officer) سۇرانىستىڭ ارتۋىنا بايلانىستى تۋىندادى. سوندىقتان، IT-مامانداردى دايىنداۋ كەزىندە مامانداندىرۋ پاندەرى بويىنشا «hard skills»-تەردى وقىتۋمەن قاتار، توپتى باسقارۋ، شەشىم قابىلداۋ جانە ۋاقىتتى باسقارۋ سياقتى بيزنەستى باسقارۋ («soft skills») داعدىلارىن ىلگەرىلەتۋ قاجەت. اتالعان دايىندىق كاسىبي دەڭگەيدە جۇرگىزىلىپ، «IT-ينفراقۇرىلىم» كۋرسىندا بيزنەس باسقارۋدى وقىتۋ ادىستەمەسى سدۋ-دەگى العاشقى كاسىبي قادام بولىپ تابىلادى.

PhD دوكتورانت سۋلتانوۆا ن.ج. «نەيروندىق جەلىلەردى قولدانا وتىرىپ، قازاق ءتىلىنىڭ ءسوز فورمالارىنا مورفولوگيالىق تالداۋ جانە ونى ماشينالىق اۋدارماعا قولدانۋ» تاقىرىبىنداعى ترەنينگتە ماشينالىق اۋدارمانىڭ اناعۇرلىم دۇرىس بولۋى ماقساتىندا قازاق تىلىندەگى ءماتىندى وڭدەۋدىڭ وزەكتىلىگى قاراستىرىلدى. پرەزەنتاسيا بارىسىندا كومپيۋتەرلىك عىلىمدارداعى اگگليۋتيناتيۆتى تىلدەرگە مورفولوگيالىق تالداۋ جاساۋدىڭ نەگىزگى تەحنولوگيالارى تالقىلاندى. سونىمەن قاتار، نەيروندىق جەلىلەردى پايدالانۋ، سونىمەن قاتار ماشينالىق اۋدارما ءۇشىن مورفولوگيالىق تالداۋ جۇيەلەرىن قولدانۋ ۇسىنىلدى. ناتيجەلەر نەيروندىق جەلى ءتاسىلىنىڭ تيىمدىلىگىن دالەلدەدى. ۇسىنىلعان تەحنولوگيا زاماناۋي IT-مامانداردى دايارلاۋدا قاجەتتى جانە ماڭىزدى ەكەندىگى تۋرالى ايتىلدى.

«قازىرگى ITء-بىلىم بەرۋدەگى قۇزىرەتتىلىككە نەگىزدەلگەن تاسىلدەمە» سەمينارىنىڭ سوڭىندا قاتىسۋشىلار مەن بايانداماشىلار ITء-بىلىم بەرۋدىڭ وزەكتى ماسەلەلەرى بويىنشا پىكىر الماستى.

سەمينار دوستىق، شىعارماشىلىق، ىسكەرلىك اتموسفەرادا ءوتتى، اشىق سۇحبات قۇرۋعا مۇمكىندىك بەردى، ءارى قاراي جۇمىس ىستەۋگە جانە وقۋعا، سونىمەن قاتار العان ءبىلىمدى ءىس جۇزىندە قولدانۋعا ىنتالاندىردى.

قاۋىمداستىرىلعان پروفەسسور، PhD جۋمالييەۆا ر.ز.

ءپانارالىق زەرتتەۋلەر ورتالىعى، سدۋ

---