قازاقستانداعى ءبىلىم بەرەتىن ۇيىمدار قاشىقتان وقىتۋ جۇيەسىنە كوشۋى مۇمكىن بە
قازاقستان رەسپۋبليكاسىنىڭ باس سانيتار دارىگەرى جانداربەك بەكشين كوروناۆيرۋس ينفەكسياسىنان ساقتانۋ ءۇشىن قاشىقتان وقىتۋ جۇيەسىن ەنگىزۋ ماسەلەسىنە قاتىستى پىكىر ءبىلدىردى.
«بۇل رەتتە ءبىلىم جانە عىلىم مينيسترلىگى قۇجاتتار پاكەتىن دايىنداعانىن اتاپ ءوتۋ كەرەك. ونىڭ اراسىندا قاشىقتان وقىتۋ تۋرالى دا ۇسىنىس بار. كەي وقۋ ورىندارىندا مۇنداي رەجىم بۇرىن دا قولدانىلعانىن بىلەمىز. اسىرەسە رەفەرات دايىنداۋ، ەمتيحان تاپسىرۋ كەزىندە ونداي بولادى. ساقتىق شارالارىنىڭ ءبىر تارماعى رەتىندە ءبىلىم مينيسترلىگىنىڭ جوسپارىندا قاشىقتىقتان وقىتۋ قاراستىرىلعان»، — دەدى جانداربەك بەكشين وكق-دا وتكەن باسپا ءسوز ءماسليحاتىندا.
ونىڭ ايتۋىنشا، جوعارى وقۋ ورىندارىندا عانا ەمەس، كوللەدجدەر مەن كەي مەكتەپتەردى دە قاشىقتان وقىتۋ جۇيەسىنە كوشىرۋگە بولادى.
«ەگەر تەحنيكالىق جابدىقتالۋ دەڭگەيى مۇمكىندىك بەرسە، ءبىز البەتتە قارسى ەمەسپىز. بۇل — قالىپتى قۇبىلىس. ءبىز ءححى عاسىردا ءومىر ءسۇرىپ جاتىرمىز. زامانعا ساي اقپاراتتىق تەحنولوگيالاردىڭ يگىلىگىن پايدالانا ءبىلۋىمىز كەرەك»، — دەدى ول.
You Might Also Like
-
مامىر ايىنىڭ مامىراجاي كۇنىنىڭ ءبىرى بولسا كەرەك. اۋىل جانىنداعى كوكتوبەنىڭ باسىنا شىعىپ، ءبىرى اڭگىمە ايتىپ، ەكىنشى توبى توعىزقۇمالاق ويناپ وتىرعان جىگىتتەر الىستان جورتىپ كەلە جاتقان ەكى اتتىعا كوز...
-
پرەزيدەنت كادر رەزەرۆى مەن «بولاشاق» باعدارلاماسىنىڭ قاتىسۋشىلارىنا ءبىلىم بەرۋ ۇيىمىنىڭ ديرەكتورىن تاڭداۋدا باسىمدىق بەرىلمەك. بۇل تۋرالى ق ر بعم مەكتەپكە دەيىنگى جانە ورتا ءبىلىم كوميتەت...
