اقوردا
پرەزيدەنت توقايەۆ قازاقستان حالقىنىڭ بىرلىگى كۇنىمەن قۇتتىقتادى
پرەزيدەنت توقايەۆ قازاقستان حالقىنىڭ بىرلىگى كۇنىمەن قۇتتىقتادى،دەپ جازادى Infohub.kz ءتىلشىسى.
مەملەكەت باسشىسى قاسىم-جومارت توقايەۆ 1 مامىر – قازاقستان حالقىنىڭ بىرلىگى مەرەكەسىنە وراي ەلىمىزدىڭ بارلىق ازاماتتارىن قۇتتىقتاپ، جۇرەكجاردى لەبىزىن ءبىلدىردى.
پرەزيدەنت بۇل مەيرامنىڭ ەلىمىز ءۇشىن ەرەكشە ماڭىزعا يە ەكەنىن اتاپ ءوتىپ، قازاقستاندا ءتۇرلى ەتنوستاردىڭ ءوزارا تاتۋلىق پەن كەلىسىمدە ءومىر ءسۇرىپ جاتقانىن ايتتى. قوعامداعى ىنتىماق پەن بىرلىك – تاۋەلسىز قازاقستاننىڭ باستى تىرەگى ەكەنىن جەتكىزدى.
– بيىل قازاقستان حالقى اسسامبلەياسىنىڭ قۇرىلعانىنا 30 جىل تولىپ وتىر. بۇل بىرەگەي ينستيتۋت ەل ىشىندەگى تۇراقتىلىق پەن قوعامدىق كەلىسىمدى نىعايتۋعا ەلەۋلى ۇلەس قوسىپ كەلەدى. حالقىمىزدىڭ اۋىزبىرشىلىگى مەن ءوزارا قولداۋىنىڭ ارقاسىندا مەملەكەتىمىز دايەكتى دامۋ جولىمەن العا باسىپ كەلەدى. ءبىز تەڭدىك، سەنىم جانە مادەني ارتۇرلىلىكتى قۇرمەتتەۋ ارقىلى ەل بىرلىگىن ودان ءارى بەكەمدەي تۇسەمىز، – دەدى قاسىم-جومارت توقايەۆ.
پرەزيدەنت ءوز ۇندەۋىندە ەل ازاماتتارىن ادىلەتتى جانە قۋاتتى قازاقستاندى بىرگە قۇرۋعا شاقىرىپ، ءار وتباسىعا اماندىق پەن بەرەكە تىلەدى.
– ەگەر جۇرت بولىپ بىرىگە بىلسەك، كەز كەلگەن قيىندىقتى جەڭىپ، ۇلكەن جەتىستىكتەرگە قول جەتكىزەمىز. بىرلىگىمىز بەكەم، اسپانىمىز اشىق بولسىن! – دەپ تۇيىندەدى مەملەكەت باسشىسى.
You Might Also Like
-
قازاقستاندا 27 ءساۋىر مەن 3 مامىر ارالىعىندا ەۋروپالىق يممۋنداۋ اپتالىعى وتۋدە. بيىل شارا «بارلىعىن يممۋنداۋعا قول جەتكىزۋ – ءبىزدىڭ قولىمىزدا» ۇرانىمەن ۇيىمداستىرىلىپ وتىر.
-
قازاقستاندا 737 مىڭنان استام مۇگەدەكتىگى بار ادام تۇرادى. ەرەكشە قاجەتتىلىكتەرى بار ادامداردىڭ ءومىر ساپاسىن جاقسارتۋ مەن الەۋمەتتىك قولداۋ كورسەتۋ – مەملەكەت ساياساتىنىڭ نەگىزگى باعىتتارىنىڭ ءبىرى سا...
