قابىلدانعان دۇرىس شەشىمدەرىم - مەنىڭ ومىرلىك ۇستانىمىم!
مەنىڭ ومىرلىك ۇستانىمىم-شاكىرتىمە شىنايى ءبىلىم مەن تاربيە بەرەتىن ۇستازدىق ماماندىق. بۇل ماماندىق مەنىڭ موينىما تاعىلعان قاسيەتتى تۇمارىم.
شاكىرت اتاۋلىنى ءوز جانىنا سەرىك ەتكەن مامان يەسىن ياعني، ۇستازداردى بىلايعى جۇرت قوعامدىق ويدىڭ كوشباسشىسى دەپ قابىلدايتىنى ءسوزسىز. ءيا، شاكىرتىنىڭ جۇرەگىنە ءبىلىم مەن تاربيەنىڭ ۇياسىن سالا بىلگەن قارلىعاشتاردىڭ قوعامداعى ءرولى دە وزگەشە. جۇرت «شاكىرتتىڭ ساناسىنا ءبىلىم مەن تاربيەنىڭ شامىن جاعىپ، قاراڭعىلىقتا جارىق ساۋلە بەرۋشى كۇن» دەپ قۇرمەت تۇتاتىن ولاردى جاقسىلىققا جاق بولىپ، جاماندىققا قاس بولاتىن، ادىلدىكتىڭ تۋىن كوتەرەتىن جانە سول جولدا ۇشقىر ويى، پاتريوت مىنەزىن قاسقايىپ تۇراتىن بەلسەندى توپقا قوسىپ، ونى وزىنشە ءقادىر تۇتادى. وسىنداي ۇستاز اتتى ىزگىلىكتىڭ يەسى بولۋ كەز كەلگەنگە بۇيىرا بەرمەيدى. ءبىلىمدى دە تاربيەلى ۇرپاقتى ءوسىرۋ ءوزىنىڭ جۇرىس-تۇرىسىمەن ، ادەپتى دە سىپايى مىنەزىمەن ،ساۋاتتى ساباعىمەن شەبەرلىك تانىتۋ تاۋداي تالاپتى قاجەت ەتەدى.
مەنىڭ ومىرلىك ۇستانىمىم – تاۋداي تالاپتى قاجەت ەتەتىن ماماندىق ، ۇستازدىق ماماندىق جانە وسى ماماندىق بويىنشا شاكىرت جۇرەگىنەن ورىن تاۋىپ تاربيە مەن ءبىلىمنىڭ ءدانىن ەگىپ كوگەرگەن جاسىل اعاشقا اينالدىرۋ،جاقسى ادام بولىپ شىعۋعا تاربيەلەۋ، ومىردەگى قابىلداعان دۇرىس شەشىمدەرىمنىڭ ەڭ باستىسى بولىپ تابىلادى.
شاكىرت تاربيەلەگەن ۇستاز بەن اعاش وسىرگەن باعباننىڭ ىس-ارەكەتتى بىردەي. باقشا اعاشتارىنا قاراپ تۇرسام ەگىلگەن اعاشتاردىڭ باپتاۋمەن، قاداعالاۋمەن وسكەن ءتۇزۋى دە، قاراۋسىز وسكەن قيسىعى دا بار. بۇل اعاشتاردى دۇرىس باپتاپ ، قاداعالاپ ءوسىرۋ باعباننىڭ قولىنداعى ءىس. ول تاڭنىڭ اتىسىمەن كەشتىڭ باتىسىنا قاراماي ،ماڭداي تەرىن توگىپ قاداعالاپ وسىرسە جاپىراعىن جايعان كويلەڭكەلى ءتۇزۋ اعاش وسەرى انىق. ال قاراۋسىز قالسا قيسىق اعاش تا قيسىق ءوسىپ، قاراۋسىز دۇنيەگە كەلەدى. ۇستازدا ءوز شاكىرتىنە كەلگەن كۇننەن باستاپ ،پارتاعا وتىرعىزىپ، قالامدى قولىنا ۇستاتىپ،ءبىلىم مەن تاربيەنىڭ ساۋلەسىن دۇرىس شاشىپ، باعىپ-قاعىپ وسىرسە اعاش سەكىلدى ءتۇزۋ ءوسىپ ،جايقالعان جاپىراقتى اعاشتىڭ كويلەڭكەسىندە جانى سايا تابادى. باعباننىڭ اعاشتى باپتاۋداعى قۇرالى –ۇشكىر كۇرەگى مەن تىنىمسىز ەڭبەگى بولسا، ءمۇعالىمنىڭ شاكىرتتى تاربيەلەۋدەگى باستى ءقۇرالى-وز بويىنداعى جاقسى مىنەز-قۇلقى مەن ادامگەرشىلىك قاسيەتى، ساپالى ءبىلىمى بولۋى كەرەك.
ۇستاز ەڭ اۋەلى ءبىلىم مەن تاربيەدەن بۇرىن،ءوز شاكىرتىن ءوز بالاسىنداي جاقسى كورە ءبىلۋ جانە جۇرەگىنىڭ جىلۋىن، ءوز بويىنداعى جاقسى قاسيەتتەرىن سەزىندىرە ءبىلۋى لازىم. سوندا عانا شاكىرت ۇستازىنىڭ تاربيەسى مەن ءبىلىمىن جاتىرقاماي ساناسىنا سىڭدىرە الادى. وسى ءسوزىم دالەلدى بولۋ ءۇشىن مىنا اڭگىمەنى ايتا كەتكەندى ءجون سانادىم.
ءبىر پروفەسسور ، ءوز ستۋدەنتتەرىن بالتيمور قالاسىنىڭ كىشكەنتاي ءبىر اۋىلىنا جىبەرەدى. سونداعى تاپسىرما – ول اۋىلدا تۇراتىن 200 ەر بالانىڭ مىنەز-قۇلقىن زەرتتەپ، ءاربىر بالانىڭ كەلەشەگى جايلى ءوز تۇجىرىمىن جازۋ بولاتىن. تاپسىرمانى ورىنداپ كەلگەن ستۋدەنتتەردىڭ بەرگەن باعاسى ءبىر بولدى – بالالاردىڭ ەشبىرى “ادام” بولاتىن ەمەس دەپ تۇجىرىمدايدى.
25 جىلدان كەيىن سوسيولوگيا ءپانىڭ باسقا ءبىر پروفەسسورى وسى زەرتتەۋ جۇمىسىن تاۋىپ، ءوز ستۋدەنتتەرىنە جوبانى جالعاستىرىپ، جوباداعى بالالار تۇراتىن اۋىلعا بارىپ، بالالاردىڭ قانداي ادام بولىپ وسكەنىن قاراپ كەلۋىن تاپسىرادى. ستۋدەنتتەر ول اۋىلدان كوشىپ كەتكەن نە بولماسا قايتىس بولعان 20 شاقتى بالادان باسقاسىنىڭ ءبارىن تاۋىپ الادى. قالعان 176 بالانىڭ ءبارى دە كەرەمەت جەتىستىكتەرگە جەتىپ، ادۆوكات، دارىگەر، بيزنەسمەن بولعانىن كورەدى.
پروفەسسور قاتتى تاڭقالىپ، 25 جىل بۇرىن زەرتتەۋ ناتيجەلەرىنىڭ نەلىكتەن قاتە بولعانىن بىلگىسى كەلەدى. ەرجەتكەن بالالاردىڭ ءبارى ءالى سول ءوز اۋىلدارىندا تۇرعاندىقتان، ول جەرگە بارىپ ارقايسىسىمەن جەكە-جەكە سويلەسكىسى كەلەدى. «كىشكەنتاي كەزدەرىندەگى قيىن جاعدايلارعا قاراماستان، جاقسى ازامات بولىپ وستىڭدەر. جەتىستىكتەرىڭدى قالاي تۇسىندىرەر ەدىڭدەر؟» سۇراعىنا بارىنەن دە بىردەي جاۋاپ الادى: «اۋىلىمىزدىڭ مەكتەبىندە ءبىر ءمۇعالىمىمىز بار ەدى. ءبارى دە سونىڭ ارقاسى.» دەپ جاۋاپ بەرەدى.
پروفەسسور ءمۇعالىمدى تاۋىپ الىپ، ونىمەن دە سويلەسكىسى كەلىپ، ۇيىنە دەيىن بارادى. بەتىن ءاجىم باسقان قۇرمەتتى ۇستازدان جاسوسپىرىمدەردى كوشەنىڭ تەرىس اسەرىنەن قالاي قۇتقارىپ، ولاردىڭ جاقسى ازامات بولۋلارى ءۇشىن قانداي تاربيە بەرگەندىگىن سۇرايدى.
كوزدەرىنەن مەيىرىم توگىلگەن ۇلاعاتتى ۇستاز، كۇلىمدەپ قانا: «وپ-وڭاي»،- دەيدى – «مەن ول بالالاردىڭ ءبارىن جۇرەگىممەن، شىنايى جاقسى كوردىم» دەگەن ەكەن.
ءيا، ءوز ءسوزىمدى قورىتىندىلاي كەلە: «ەگەر ءبىر جىلىڭدى ويلاساڭ، ءدان سەپ؛ ون جىلىڭدى ويلاساڭ، اعاش ەك؛ ءبىر عاسىرىڭدى ويلاساڭ، جاقسى ادام تاربيەلە» دەيدى.
سوندىقتاندا جاقسى شاكىرت تاربيەلەپ ءوسىرۋ مەنىڭ ومىرلىك ۇستانىمىم جانە دۇرىس قابىلداعان شەشىمدەرىم بولىپ قالا بەرمەك.
You Might Also Like
-
ماڭعىستاۋ وبلىسى، قاراقيا اۋدانى، قۇرىق اۋىلى مكقك «قۇلىنشاق» بالاباقشاسى ءان-ساز جەتەكشىسى نۋركانوۆا گۋلفاريدا كايىربايەۆنا «بالاپان» توبىنىڭ تاربيەلەنۋشىسى: سالاۋات ...
-
ءتىل ادامنىڭ ادامدىق بەلگىسىنىڭ زورى، جۇمسايتىن قارۋىنىڭ ءبىرى. وسى دۇنيەدەگى ادامدار تىلىنەن ايىرىلىپ، سويلەۋدەن قالسا، قانداي كۇيگە تۇسەر ەدى؟! وسى كۇنگى ادامدار جازۋدان ايىرىلىپ، جازا المايتىن كۇي...
