قالامگەرمەن ونلاين كەزدەسۋ
ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلولوگيا جانە الەم تىلدەرى فاكۋلتەتىندە 19-جەلتوقساندا وقىتۋشى اينۇر احمەتوۆا مەن «ستۋدەنتتەردىڭ عىلىمي قوعامى» ۇيىمىنىڭ ۇيىمداستىرۋىمەن جاس قالامگەر تورعىن جولداسبەكقىزىمەن ونلاين كەزدەسۋ ءوتتى. شاراعا فاكۋلتەت وقىتۋشىلارى مەن ستۋدەنتتەر جانە ۇيىم مۇشەلەرى قاتىستى.
ونلاين جۇزدەسۋ بارىسىندا قازىرگى زامانعى مادەني كەڭىستىكتەگى كوركەم ادەبيەتتىڭ دامۋى، باستى باعىت-باعدارلارى مەن قالامگەر تورعىن جولداسبەك قىزىنىڭ شىعارماشىلىق زەرتحاناسى جايىندا كەڭىرەك ايتىلدى. كەش قوناعى ت.جولداسبەك قىزى ستۋدەنتتەرگە بولاشاقتا فيلولوگيا سالاسى بويىنشا قىزمەت اتقارۋدىڭ جولدارىن، ماماندىق پەن قازىرگى زامانا سۇرانىسىنا ساي قابىلەتتەردى يگەرۋگە قاتىستى وزىندىك تاجىريبەسىن ءسوز ەتتى. جازۋشى جيىنعا قاتىسۋشىلاردىڭ قازىرگى ۋاقىتتاعى كىتاپ ساۋداسى، قازاقستانداعى جاس اۆتورلاردىڭ ادەبيەتتى دامىتۋداعى ءرولى مەن ءوزىنىڭ شىعارماشىلىعى تۋرالى ساۋالدارىنا جان-جاقتى جاۋاپ بەردى. جاس قالامگەر ستۋدەنتتىك كەزدەگى قىزىقتى وقيعالارىن ايتىپ، قوناقتارعا جارقىن كوڭىل-كۇي سىيلادى.
كەزدەسۋ ءاربىر ستۋدەنتتىڭ ءوي-ورىسىن كەڭەيتىپ، ىزدەنىسكە دەگەن قۇلشىنىسىن ارتتىرعانى ءسوزسىز. قوناقتاردىڭ ساۋالدارىنا تىڭعىلىقتى، سابىرلى كەيىپپەن جاۋاپ بەرگەن قالامگەردىڭ بولمىسى قوعامنىڭ كوپتەگەن وكىلىنە ۇلگى دەسەك تە بولعانداي. تاعدىرلى جازۋشىنىڭ ومىرلىك ۇستانىمى مەن ومىرگە دەگەن كوزقاراسى وزگەلەردەن ەرەكشە. قاتىسۋشىلار ت.جولداسبەك قىزىنىڭ عيبراتتى اڭگىمەلەرى مەن جۇرەكجاردى سوزدەرى وقىرمان كوڭىلىنەن ايرىقشا ورىن الدى دەگەن سەنىممەن كەزدەسۋدى اياقتادى.
اسەل پسيبايەۆا، فيلولوگيا جانە الەم تىلدەرى فاكۋلتەتىنىڭ 3-كۋرس ستۋدەنتى
You Might Also Like
-
قازاقستان رەسپۋبليكاسىندا، اسا كورنەكتى اعارتۋشى، اقىن، جازۋشى، قوعام قايراتكەرى ءمىرجاقىپ دۋلاتۇلىن بىلمەيتىن ازامات جوق. «1909 جىلى قازاق دالاسىن ءدۇر سىلكىندىرگەن ءۇش كىتاپ شىقتى. ونىڭ ءبىرى ا...
