InfoHub Logo

جاراتىلىستانۋ پاندەرىندە ينتەراكتيۆتى مودۋلدىك وقىتۋ تەحنولوگياسىن پايدالانۋ ارقىلى جەكە تۇلعانى قالىپتاستىرۋ مەن ءبىلىم ساپاسىن كوتەرۋ.
№1 ساباق: وقۋشىلاردى ساباقتىڭ مودۋلدىك قۇرىلىمىمەن تانىستىرۋ. ءار وقۋشى الدىنداعى قويىلعان ماقساتتارمەن تانىستىرۋ
تاقىرىپتى ءتۇسىندىرۋ، تىرەك-سىزبا سىزۋ
№2 ساباق: ماتەريالدى قورىتىندىلاۋ. ءار وقۋشىمەن جەكە تەكسەرۋ جۇمىستارىن جۇرگىزۋ. «ادام مەن قۇرباقا قانىنىڭ قۇرىلىسىمەن تانىستىرۋ»
№3 ساباق: رولدىك ويىن «قان ينستيتۋتى» توپتىق جۇمىس
4 ساباق: زاچەت

№1 ساباق. قان.
ساباقتىڭ بارىسى:
1. ۇيىمداستىرۋ كەزەڭى:
ءمۇعالىم ساباقتى تومەندەگى مودۋل بويىنشا كىرىسپەدەن باستاۋىنا بولادى. قاندى كوپتەگەن جىلدار بويى ەڭ قاسيەتتى كۇش دەپ ەسەپتەدى. مىسالى: ەرتە زاماندا گرەكتەر قۇدايعا جىلدا ءبىر ادامدى قۇربان ەتىپ وتىرعان، قاننىڭ جۇمباق سىرلارىن زەرتتەۋمەن اينالىسقان.

قان ءبىزدىڭ ورگانيزمدەگى ەڭ نەگىزگى دانەكەر ۇلپا. مەملەكەتتى ترانسپورت بايلانىستارىنسىز ەلەستەتە الماساق، سول سياقتى ورگانيزمدى دە قانسىز ەلەستەتۋ مۇمكىن ەمەس. قان تامىرلارى ارقىلى قان بۇكىل دەنەگە وتتەگىن، سۋ، اقۋىز ت. ب. زاتتاردى تاسىمالدايدى. عىلىمنىڭ دامۋىنا بايلانىستى قاننىڭ كوپتەگەن قىر - سىرىن انىقتادى.

قاننىڭ قىزىل تۇيىرشىكتەرى. قاندى زەرتتەگەن يتالياندىق اناتوم، دارىگەر مارسەللو مالپيگي قىزىل تۇيىرشىكتەردىڭ /قان كلەتكالارى/ قالقىپ جۇرگەنىن كورگەن. ولاردى قان كلەتكالارى ەمەس ماي تۇيىرشىكتەرى دەپ ەسەپتەگەن. تەك ميكروسكوپتى جاساپ شىعارعان گوللاندىق انتونيي ليەۆەنگۋك ونى قان تۇيىرشىكتەرى ەكەندىگىن انىقتاپ كەيىن «قان كلەتكالارى»دەپ اتادى.
نەگە ادام قان كوپ جوعالتقان جاعدايدا تىرشىلىگىن توقتاتادى، ال دەر كەزىندە باسقا ادامنىڭ قانىن قۇيۋدىڭ ارقاسىندا ءومىرىن ساقتاپ الۋعا بولادى؟ نەگە؟؟؟ دەگەن كوپتەگەن سۇراقتارعا «قان» تاراۋىنا بەرىلگەن مودۋلدىك ساباق كەزىندە تانىسامىز.

2. لەكسيا. /تىرەك سىزبالالار قوسىمشا بەرىلگەن بولىكتەن كورۋگە بولادى/.
قان دانەكەر ۇلپانىڭ ءبىر ءتۇرى.
قان تومەندەگىدەي قىزمەت اتقارادى:
• قان تامىرلارىنان قان اينالۋ؛
• وتتەگىن تاسىمالداۋ؛
• قور زاتتاردى جەتكىزەدى؛
• كومىرقىشقىل گازى شىعارىلادى؛
• تىنىس الۋعا قاتىسادى؛
• اس قورىتۋ مەن ءبولىپ شىعارۋعا قاتىسادى.

قان دەنە تەمپەراتۋراسىن رەتتەيدى. ىشكى مۇشەلەرگە قاننىڭ قۇيىلۋىنان تەرىنىڭ تەمپەراتۋراسى كوتەرىلەدى. دەنەگە بوگدە زاتتاردىڭ ەنۋىنەن لەيكوسيت كلەتكالارى تىرشىلىگىن توقتاتادى. سونىڭ ارقاسىندا اعزانىڭ قورعانىشتىق قاسيەتى جۇرەدى. قان گۋمورالدىق رەتتەلۋگە جانە ىشكى سەكرەسيا بەزدەرىنىڭ گورموندارىن تاسىمالداۋعا قاتىسادى.