قارا دەگەلەك نەمەسە قارا لايلەك
قارا دەگەلەك نەمەسە قارا لايلەك — كوپكە تانىس اق لايلەكتىڭ كوپ جاعىنان قاراما-قايشىلىعى بولىپ تابىلادى. باسى، موينى، ۇستىڭگى جاعى تۇگەل قارا ءتۇستى. ءۇيدىڭ ءۇستىن ۇيالايتىن اق لايلەكتەن ايىرماشىلىعى، ادامدارمەن كورشىلىكتى كوتەرمەيدى. ۇياسىن قالىڭ ورمانداردا نەمەسە بيىك تاۋ قۇزدارىندا سالادى. ۇيالاۋ ءۇشىن سۋ 10-15 كم-دەن قاشىق بولماۋ كەرەك. قازاقستاننىڭ بارلىق ايماقتارىندا تارالعان، اسىرەسە التايدا قارا لايلەك جاقسى ساقتالعان، ال مارقاكولدە كوپ كەزدەسەتىن قۇس. جەكەلەگەن جۇپ بولىپ قونىستايدى. اۋماقتى ۇيالارىن جارتاستاردا نەمەسە بيىك اعاشتاردا سالادى. 2-5، كەيدە 6 اقشىل جاسىل جۇمىرتقاسىن انالىعى مەن اتالىعى كەزەكتەسىپ 40 كۇندە باسىپ شىعارادى، سودان كەيىن 2 اي اسىرايدى. بالىقتار، باقالار، كەمىرگىشتەر جانە جىلاندارمەن قورەكتەنەدى. تىرشىلىگى تولىق زەرتتەلمەگەن. سيرەك كەزدەسەتىن قۇس قازاقستاننىڭ قىزىل كىتابىنا ەنگىزىلگەن.
وقۋعا كەڭەس بەرەمىز:
قۇستار الەمىنىڭ بيتبوكسەرى - ليراقۇيرىق(ۆيدەو)
You Might Also Like
-
قازىبەك بي كەلدىبەك ۇلى (1665-1765) — قازاقتىڭ مەملەكەت جانە قوعام قايراتكەرى، ءاز تاۋكە حان قۇرعان «بيلەر كەڭەسىنىڭ» مۇشەسى، اتاقتى شەشەن، ورتا ءجۇزدىڭ توبە ءبيى، «جەتى جارعى&r...
