قاراقۇيرىق
سىمباتتى جىڭىشكە اياقتارى بار، اسەم جۇپتۇياقتى جانۋار (دەنەسىنىڭ ۇزىندىعى 1 م، شوقتىعىنىڭ بيىكتىگى 60-75 سم). اتالىعىنىڭ باسىندا ۇزىندىعى 40 سم جىڭىشكە ءمۇيىزى بولادى، انالىعى ءمۇيىزسىز. ءشول ومىرىنە جاقسى بەيىمدەلگەن جانە ۇزاق ۋاقىت بويى سۋ ىشپەي جۇرە بەرەدى، ءبىراق تۇيەمەن سالىستىرۋعا بولمايدى. كوكتەمدە جانە جازدىڭ ءبىرىنشى جارتىسىندا ازداعان توپ بولىپ جۇرەدى، كۇزگە جاقىن، قىستا ۇلكەن ءۇيىر بىرنەشە جۇزدەگەن باس بولىپ جينالادى. 5-6 اي بۋازدىقتان كەيىن، ادەتتە مامىردىڭ باسىندا، انالىعى 1-2 ءتولىن دۇنيەگە اكەلەدى. ءتولى العاشقى كۇندەرى سۋىق پەن بوتەن كوزدەن بۇتالاردىڭ ىعى مەن وي-شۇڭقىرلارعا تىعىلادى. قاراقۇيرىقتىڭ جاۋلارى — قاسقىر، تۇلكى، تولدەرىن كەيدە قىران، بۇركىتتەر الادى، دەگەنمەن ەڭ ۇلكەن ءقاۋىپ — مىلتىقتى ادام. اسىرەسە تۇندە ماشينا جارىعىمەن قاراقۇيرىقتى اۋلاۋ، كەڭ تارالعان براكونەرلىك اڭ اۋلاۋ ءادىسى، جارىققا كوزدەرى شاعىلىسقان جانۋارلار دارمەنسىز بولىپ، ءبىر ورنىندا تۇرىپ قالادى. وسىلاي قاراقۇيرىقتىڭ سانى كۇرت ازايىپ، ۇلتتىق قانا ەمەس، حالىقارالىق قىزىل كىتاپقا دا ەنگىزىلدى. سوڭعى جىلدارى قازاقستاندا بۇل جانۋاردىڭ سانى جايلاپ ءوسىپ كەلەدى.
وقۋعا كەڭەس بەرەمىز:
تاۋتەكە
قىزىل كىتاپقا ەنگەن جانۋارلار (ومىرتقالىلار)
You Might Also Like
-
قاراساي باتىر (1589-1671) — قازاقتىڭ قاھارمان باتىرى، ايگىلى قولباسشىسى، ەسىمى شاپىراشتى رۋىنىڭ ۇرانىنا شىققان اسا كورنەكتى تاريحي تۇلعا. قاراساي باتىر الماتى وبلىسىنىڭ جامبىل اۋدانىنا قاراست...
