قاراقۇلاق
قاراقۇلاق — ەداۋىر ءىرى مىسىق (دەنەسىنىڭ ۇزىندىعى 70-80 سم، قۇيرىعى 20-32 سم، سالماعى 8-12 كگ)، سىلەۋسىننەن شامالى كىشى. سىرتقى تۇرىنە، ياعني قۇلاعىنداعى شاشاعى، قىسقا قۇيرىعى جانە ۇزىن اياقتارىنا، قىسقالاۋ تۇلعاسىنا قاراپ، بەيمارال «ءشول سىلەۋسىنى» دەپ اتاۋعا بولادى. تەرىسى اقشىل، سارعىش، تەك قۇلاعىنىڭ ارتقى جاعى مەن شاشاعى قارا ءتۇستى. شىعىس كاسپيي ماڭى ءشولدى ايماقتارى — ماڭقىستاۋ، بوزاشى، ءۇستىرتتىڭ باتىس جاعىندا مەكەندەيدى. سولتۇستىك قىزىلقۇمدا سيرەك كەزدەسەدى. تۇندە تىرشىلىك ەتەدى. قىستا ءجيى كۇندىز بەلسەندى. كۇشتى جانە ەپتى جىرتقىش. ەرتەدە شىعىس حالقىنىڭ كەيبىرى ونى اۋلاعىش اڭ رەتىندە پايدالانعان (ءتىپتى قاراقۇيرىقتاردى ۇستاعان). كەيدە قوي مەن قوزىلارعا شابۋىل جاسايدى. بوتەن ىندەر مەن نۋ توعايلاردى قونىستايدى. ءساۋىر-مامىردا 2-4 مارقاۋلارى تۋىلادى، كۇزدە ەرەسەكتەرىمەن بىردەي بولادى. سيرەك كەزدەسەتىن ءتۇر رەتىندە قازاقستان قىزىل كىتابىنا ەنگىزىلگەن. سانىنىڭ ازايۋىنىڭ نەگىزگى سەبەپتەرى — قاتال ءارى قارى كوپ قىس پەن قاساقىلىق. قولدا وسىپ-ونەدى. تاشكەنت حايۋاناتتار پاركىندە 1968-1970 جىلدارى ءتورت رەت كۇشىكتەدى. ءۇستىرت قورىعى مەن ەكى قورىقشادا قورعالادى.
وقۋعا كەڭەس بەرەمىز:
ارىستان
جولبارىستار
جان-جانۋارلار اتاۋلارى
You Might Also Like
-
قاراقۇس — ءىرى قىران، بۇركىتكە وتە ۇقساس، كوبىنە بۇركىتپەن شاتاستىرادى. قاراقۇستىڭ ايىرماشىلىق بەلگىسى — يىعىندا اق قاۋىرسىنى بولادى، ءبىراق ول كوبىنە بايقالا بەرمەيدى، بۇل قىرانداردى ايى...
-
الماتى وبلىسى قاراساي اۋدانى "قىرعاۋىلدى اۋىلىنداعى قازاق ورتا مەكتەبى كمم" باستاۋىش سىنىپ ءمۇعالىمى: كيسيبايەۆا زارينا كۋرمانكۋلوۆنا 4 "د" سىنىپ وقۋشىسى سەرجانوۆا ايشات
