InfoHub Logo

بۇگىنگى تاڭدا قارجى ساۋاتتىلىعىن ارتتىرۋ وزەكتى ماسەلەگە جاتادى. اقشا جانە جەكە جيناق قاراجاتى مەن شىعىنداردى باسقارۋ قۇرالدارىن ءبىلۋ ءتۇرلى قارجى ايلا-شارعىلارىنان قورعاۋعا جانە قارجى ءۇشىن جەكە جاۋاپكەرشىلىكتى ارتتىرۋعا كومەكتەسەدى.

قارجى ساۋاتتىلىعىن ۇيرەنۋ ەشقاشان كەش ەمەس. بۇعان قوسا ەگەر ءبىز بالالارىمىزدىڭ قارجىلاي جاۋاپتى جانە قارجىلاي ەركىن بولعانىن قالاساق، قارجى ساۋاتتىلىعىن ەرتە جاستان باستاپ ۇيرەتۋىمىز كەرەك. نەعۇرلىم بالا اقشامەن جۇمىس ىستەۋدى جانە ونى باسقارۋدى ەرتە ۇيرەنسە، سوعۇرلىم بولاشاقتا قارجى جاعدايى تۇراقتى بولماق.

قارجى ساۋاتتىلىعى بالانىڭ ەرەسەك ومىرگە ەنۋى ءۇشىن ەڭ ماڭىزدى تاقىرىپتاردىڭ ءبىرى بولىپ تابىلادى. وكىنىشكە وراي، ءبىزدىڭ مەملەكەتىمىزدە بۇل تاقىرىپ از زەرتتەلگەن. «ەكونوميكا جانە قارجىلىق ساۋاتتىلىق نەگىزدەرى بويىنشا ۇلگىلىك وقۋ جوسپارلارىن بەكىتۋ تۋرالى» ءبىلىم جانە عىلىم مينيسترلىگىنىڭ 2009 جىلعى بۇيرىعىنا بۇيرىق شىعارعانىنا قاراماستان بۇل ءپان مەكتەپتەردە ءالى كۇنگە دەيىن وقىتىلمايدى.

2014 جىلى بانك حوۋم كرەديت ءتۇرلى جاس توپتارىنا، ونىڭ ىشىندە كىشى، ورتا جانە جوعارى سىنىپ وقۋشىلارىنا باعىتتالعان قارجىلىق ساۋاتتىلىقتى ارتتىرۋ جونىندەگى اۋقىمدى باعدارلامانى ۇسىندى. باعدارلاما حالىقتىڭ ەكونوميكالىق جانە الەۋمەتتىك ساۋاتتىلىعىن ارتتىرۋعا، قارىزعا ءتۇسۋ ءقاۋپىن تومەندەتۋگە، تۇراقتى قاراجات كوزدەرىن دامىتۋعا جانە جالپى ەكونوميكالىق ءال-اۋقاتتى ارتتىرۋعا باعىتتالعان. وسىلايشا، قازاقستاننىڭ 18 وڭىرىندەگى بانكتىڭ بارلىق بولىمشەلەرىندە قارجىلىق ساۋاتتىلىق بويىنشا تەگىن سەمينارلار مەن اشىق كۇندەر ۇيىمداستىرىلادى جانە مۇنداي ءىس-شارالار بارىسىندا بانك باسشىلىعى حالىققا كەڭەس بەرەدى جانە ماستەر-كلاستار ۇيىمداستىرادى.

اتالعان باعدارلاما بىرنەشە باعىتتاردى قامتيدى، ولاردىڭ ءبىرى كىشى جانە ورتا مەكتەپ وقۋشىلارىنا ارنالعان «قاراجات الەمىنە ساياحات» جوباسى.

«قارجى الەمىنە ساياحات» جوباسى العاش رەت 2015 جىلى الماتىنىڭ 8 مەكتەبىنىڭ بازاسىندا ىسكە قوسىلدى. بۇل مەكتەپتەردە مەملەكەتتىك جانە ورىس تىلدەرىندە ازىرلەنگەن ارنايى باعدارلاما نەگىزىندە فاكۋلتاتيۆتىك سەمينار ساباقتار وتكىزىلدى. سەميناردا بالالار قارجى جانە كاسىپكەرلىك سالاسىنداعى نەگىزگى تۇسىنىكتەرمەن تانىستى، وتباسىلىق بيۋدجەت، قارجىلىق جوسپار، كىرىستەر، مىندەتتى جانە ەرىكتى شىعىندار، اقشانى ۇنەمدەۋ جانە كوبەيتۋ، قارجىلىق ماقساتتاردى بەلگىلەۋ جانە ولارعا قول جەتكىزۋ سياقتى ۇعىمداردى ۇيرەندى. ەگەر قاتىسۋشىلاردىڭ اراسىندا وقىتۋ باستالعانعا دەيىن وتكىزىلگەن تەست ناتيجەلەرى بويىنشا بالالاردىڭ تەك 85%-ى عانا سۇراقتاردىڭ جارتىسىنا جاۋاپ بەرسە، سەمينار اياقتالعاننان كەيىن تەستتى 100%-عا جاۋاپ بەرگەن بالالاردىڭ ۇلەسى 95%-دى قۇراعان.

سەمينارلاردا جاتتىقتىرۋشىلار رەتىندە كاسىبي، سەرتيفيكاتتالعان، تاجىريبەلى وقىتۋشىلار قاتىسادى.ولار وقۋ ماتەريالىن كوڭىلدى جانە قول جەتىمدى تۇردە تانىستىرا الدى. پراكتيكالىق پسيحولوگ، كىشكەنتاي بالالارمەن جانە جاسوسپىرىمدەرمەن جۇمىس ىستەۋگە ارنالعان باعدارلامالاردىڭ اۆتورى، قارجىلىق ساۋاتتىلىق بويىنشا سەميناردىڭ جەتەكشىسى و. نيكونوۆا جوبا تۋرالى كەلەسىدەي پىكىر ءبىلدىردى:

«دۇرىس قارجىلىق داعدىلاردى نەعۇرلىم  جەتىلدىرەتىن بولساق، ءبىزدىڭ قارجىلىق جاعدايىمىز سوعۇرلىم جاقسى بولارى قۇپيا ەمەس.  ال بۇل ادەتتەردى قالىپتاستىرۋ مەن دامىتۋدى بالا كەزدەن باستاعان دۇرىس. مەن بۇل جوبانى شىن جۇرەكتەن قولدايمىن جانە ۋاقىت وتە مەكتەپتىڭ وقۋ باعدارلاماسىنىنىڭ بولىگىنە اينالادى نەمەسە قوسىمشا ءپان رەتىندە قول جەتىمدى بولادى دەگەنگە سەنەمىن».

بۇل باستامانى قازاقستان رەسپۋبليكاسى ۇلتتىق بانكى قولداپ، جوعارى باعالادى. بانكپەن بىرلەسىپ قارجىلىق ساۋاتتىلىققا ارنالعان تۇڭعىش مەكتەپ وليمپياداسىن ۇيىمداستىردى.

بۇگىنگى تاڭدا وسى جوبانىڭ اياسىندا رەسپۋبليكانىڭ 18 قالاسىندا كوپتەگەن ءبىلىم بەرۋ ءىس-شارالارى، ءبىلىم بەرۋ ويىندارى، قىزىقتى كۆەستتەر، تانىمدىق ۆيدەو-بەينەلەر، ونلاين ساۋالنامالار، قارجىلىق ساۋاتتىلىق دەڭگەيىن انىقتاۋعا ارنالعان تەستتەر وتكىزىلەدى. بانك قالالىق جانە رەسپۋبليكالىق ءىس-شارالارعا قاتىسادى، سونداي-اق ءتۇرلى اقپاراتتىق-ناسيحات جۇمىستارىن جۇرگىزەدى...  بۇل جوبا اياسىندا ەلىمىزدىڭ جاستارى ءۇشىن جاساعان جۇمىسىنىڭ از عانا بولىگى.

سونىمەن قاتار بانك حوۋم كرەديت ەرتە جاستان قارجىلىق ساۋاتتىلىققا ۇيرەتۋدىڭ ماڭىزدىلىعىن ناسيحاتتايتىن Global Money Week حالىقارالىق قوزعالىسىن بەلسەندى تۇردە جىل سايىن قولدايتىن ەكىنشى دەڭگەيلى جالعىز بانك بولىپ سانالادى. وسى ىنتىماقتاستىق اياسىندا بانك قازاقستاننىڭ بارلىق ايماقتارىندا بەسىنشى رەت GMW-2018 وتكىزەدى. سونىمەن بىرگە الدىن Global Money Week قاتىسۋشىلارى سەمينارلارعا بانكتىڭ شاقىرۋىمەن قاتىسقان بولسا،  ەندى جىل سايىن قاتىسۋعا دەگەن قىزىعۋشىلىق ءبىلىم بەرۋ مەكەمەلەرىنىڭ تاراپتارىنان بولىپ وتىر. بۇل بانكتىڭ باعدارلاماسىنىڭ مازمۇنى مەن ادىستەمەسى ديرەكتورلار مەن مۇعالىمدەر تاراپىنان جوعارى باعالانۋدا دەگەندى بىلدىرەدى. سوڭعى جىلدارى قاراجات الەمىنە ساياحات باعدارلاماسىنا 10 000 مىڭنان استام ادام قاتىستى.

بۇگىنگى تاڭدا بانك جاۋاپتى كرەديتتەۋ جانە قارجى ساۋاتتىلىعى بويىنشا مويىندالعان ساراپشى بولىپ تابىلادى. بانكتى «قارجىلىق لەكتورييى»، «22+ كرەديتتەر»، «ISEED - الەۋمەتتىك كاسىپكەرلىك جانە ءبىلىم بەرۋ» سياقتى ۇلتتىق جوبالارعا سەرىكتەس تۇرىندە قاتىسۋعا شاقىرۋ الىپ، ستۋدەنتتەر مەن وقۋشىلارعا ارنالعان ءبىرقاتار ءىس-شارالاردى وتكىزدى. بانك سونداي-اق ەلدەگى قارجىلىق ساۋاتتىلىقتى ارتتىرۋعا ارنالعان جول كارتاسىن ازىرلەۋمەن اينالىساتىن قازاقستان قارجىگەرلەر قاۋىمداستىعىنىڭ جۇمىس توبىنىڭ قۇرامىنا كىرەدى.

جاۋاپتى كرەديتتەۋگە جانە قارجىلىق ساۋاتتىلىقتى ارتتىرۋعا باعىتتالعان ءىس-شارالار حالىققا وڭ اسەر ەتەتىنى ءسوزسىز، ال بۇل ماسەلەلەر بۇگىنگى تاڭدا وزەكتىلىگى مەن ماڭىزدىلىعىن جوعالتپايدى.

---