استانانىڭ التى مەكتەبىندە اجەتحانالاردا سانيتارلىق نورمالار ساقتالماعان
استانا قالاسىندا ورتا ءبىلىم بەرەتىن التى مەكتەپتە اجەتحانالاردا سانيتارلىق نورمالار ساقتالماعانى انىقتالدى، دەپ ەلوردا اكىمدىگىنىڭ مەديا ورتالىعى حابارلايدى.
دۇيسەنبىدە قالالىق ءبىلىم باسقارماسىندا قۇرىلعان جۇمىس توبى تەكسەرىس بارىسىندا قالاداعى كەيبىر مەكتەپتەردىڭ وقۋ جىلى باستالماي تۇرىپ، اعىمدى جوندەۋ جۇمىستارىن ۋاقىتىندا اياقتاۋعا ۇلگەرمەگەندىگىن انىقتادى.
«اعىمداعى جىلدىڭ كوكتەمى مەن جازىندا بارلىق نىساندار تەكسەرىستەن ءوتىپ، انىقتالعان ەسكەرتۋلەر بويىنشا اكتىلەر جاسالعان بولاتىن. ءبىلىم بەرۋ مەكەمەلەرىنىڭ تاراپىنان ۇسىنىلعان بيۋدجەتتىك وتىنىمدەرگە سايكەس نىسانداردى اعىمدى جوندەۋدەن وتكىزۋ جۇمىستارىنا، سونداي-اق، 42 نىسانداعى سانيتارلىق توراپتاردى اۋىستىرۋ مەن جاڭارتۋ شارالارىنا قاراجات قاجەتتى كولەمدە بولىنگەن-دى»، - دەپ حابارلادى قالالىق ءبىلىم باسقارماسىنان.
جوعارىدا كورسەتىلگەن 42 نىساننىڭ التاۋىندا بۇگىنگە دەيىن اجەتحانالار قورشالماسا، 10 مەكتەپتىڭ سانيتارلىق توراپتارىنداعى قورشاۋلاردىڭ ەسىكتەرى ورناتىلماعان.
«باسقا نىساندارداعى سانيتارلىق توراپتار تالاپتارعا ساي كەلەدى. جوعارىدا اتالعاننىڭ نەگىزىندە قىسقى دەمالىستىڭ اياعىنا دەيىن نورمالاردى بۇزۋ فاكتىلەرىن دۇرىستاۋ بويىنشا بارلىق قاجەتتى شارالار قولدانىلاتىن بولادى»، - دەپ مالىمدەدى ءبىلىم باسقارماسىنان.
بۇدان بولەك، جۇمىس توبى تەكسەرىس بارىسىندا باسقا دا سانيتارلىق نورمالاردىڭ بۇزىلعاندىعىن انىقتادى. ماسەلەن، كەي مەكتەپتەردە اجەتحانالارعا جەكە گيگيەنالىق قۇرالدار قويىلماعان.
اتالمىش مەكەمەلەردىڭ جەتەكشىلەرى تارتىپتىك جاۋاپكەرشىلىككە تارتىلاتىن بولادى.
ەستەرىڭىزگە سالا كەتەيىك، تاياۋدا Facebook الەۋمەتتىك جەلىسىندە ەلوردانىڭ №7 گيمنازياسىنداعى اجەتحانالاردىڭ سۋرەتتەرى جاريالانعان بولاتىن. سۋرەتتە ايەلدەرگە ارنالعان اجەتحانادا ارالىق قورشاۋلاردىڭ جوقتىعى كورىنىپ تۇر.
بۇدان كەيىن استانا قالاسى ءبىلىم باسقارماسىنىڭ باسشىسى ءانۋار جانعوزين ەلورداداعى بارلىق مەكتەپتەردىڭ سانيتارلىق نورمالاردى ساقتاۋ-ساقتاماۋىن تەكسەرۋدى بۇيىردى.
You Might Also Like
-
بۇگىنگى تاڭدا قارجى ساۋاتتىلىعىن ارتتىرۋ وزەكتى ماسەلەگە جاتادى. اقشا جانە جەكە جيناق قاراجاتى مەن شىعىنداردى باسقارۋ قۇرالدارىن ءبىلۋ ءتۇرلى قارجى ايلا-شارعىلارىنان قورعاۋعا جانە قارجى ءۇشىن جەكە جاۋ...
