قاسقىر كۇشىگىن قالاي ۇيرەتەدى
جولدا كەلە جاتسام، ارتىمنان ايقاي سالعان داۋىس ەستىلدى، قاراسام باقتاشى بالا ەكەن. ول جازىق دالادا ايقايلاپ، بىردەڭە دەپ قول بۇلعاپ ماعان قاراي جۇگىرىپ كەلەدى. بۇرىلىپ قاراسام تۇزدە ەكى قاسقىر قاشىپ بارادى، بىرەۋى كوكجال قاسقىر، ەكىنشىسى جاستاۋ. جاستاۋ قاسقىر جارىلعان توقتىنى اياعىنان تىستەپ، ۇستىنە ارتىپ قاشىپ بارا جاتىر، ال كوكجالى ءىزىن الا ىلەسىپ كەلەدى. بۇلاردى كورگەن سوڭ، باقتاشىمەن بىرگە ايقايلاپ، مەن دە قاسقىرلاردىڭ سوڭىنا ءتۇستىم. ءبىزدىڭ ايقايىمىزدى ەستىگەن مۇجىقتار دا جەتتى يتتەرىن ەرتىپ.
كوكجال قاسقىر ادامدار مەن يتتەردى كورگەندە، جاس قاسقىردان توقتىنى جۇلىپ الىپ، ارقاسىنا سالىپ الدى دا، جىلدامداتا جۇگىرىپ، كوزدەن تاسا بولدى. ءبارىمىز جينالعاندا باقتاشى بالا ءىستىڭ قالاي بولعانىن ايتتى: سايدىڭ ىشىنەن كوكجال قاسقىر اتىپ شىعىپ، توقتىنى جارىپ، الا قاشادى. الدىنان كىشكەنە قاسقىر شىعىپ توقتىنى وزىنە ارتادى. قارت قاسقىر جاس قاسقىرعا توقتىنى لاقتىرىپ، ءوزى قاسىندا اياڭداپ وتىرادى. ال ءقاۋىپ تونگەن كەزدە قارت كوكجال قاسىنداعى كىشكەنە قاسقىردى باۋلۋدى قويا تۇرىپ، قويدى وزىنە ارتىپ الادى.
اۋدارعان سالاۋات كارىم
You Might Also Like
-
ءبىر كورولدىڭ اسقان سۇلۋ، ءارى مىنەزى وتە كىرپياز قىزى بولىپتى. ول ءوزىن جار ەتۋگە دامەلەنىپ كەلگەندەردىڭ ءبارىن ۇناتپايدى. ۇناتپاعانىمەن قويماي، اربىرىنە ات قويىپ، ايدار تاعىپ مازاققا اينالدىرىپتى. ك...
-
ورمان قوياندارى تۇندە اعاش قابىعىمەن، ال دالا كوجەكتەرى كۇزدىك داقىلمەن، شوپپەن، قىرمان بيدايىمەن قوررەكتەنەدى. تۇندە قار ۇستىندە قويان كوزگە كورىنەتىن تەرەڭ ىزدەر قالدىرادى. قوياندى جەم ەتۋگە ءبارى ءاۋ...
