InfoHub Logo

ورمان قوياندارى تۇندە اعاش قابىعىمەن، ال دالا كوجەكتەرى كۇزدىك داقىلمەن، شوپپەن، قىرمان بيدايىمەن قوررەكتەنەدى. تۇندە قار ۇستىندە قويان كوزگە كورىنەتىن تەرەڭ ىزدەر قالدىرادى. قوياندى جەم ەتۋگە ءبارى اۋەس، ونى ادام دا، يت تە، قاسقىر دا، تۇلكى دە، قارعا دا، قىران دا اۋلايدى. ەگەر قويان تىكەلەي جۇرسە، ونىڭ ىزدەرى ارقىلى ەرتەمەن تاۋىپ الار ەدى؛ قويان قورقاق، سول قورقاقتىعى قوياندى امان ساقتايدى.

قويان تۇندە ورماندا بولماسىن، دالادا بولسىن قورىقپاي تىك ىزدەر قالدىرادى، ال تاڭەرتەڭ ونىڭ جاۋلارى ويانا باستايدى: قويان بولسا ساق قۇلاق، ءيتتىڭ ۇرگەنىن، شانانىڭ سىقىرىن، مۇجىقتاردىڭ داۋىسىن الىستان ەستيدى، نە قاسقىردىڭ سارت-سۇرت دىبىسىن ەستىپ، ارلى-بەرلى جانۇشىرا جۇگىرىپ، جانتالاسا باستايدى. بىرەسە العا زىتادى، بىرەسە زارەسى ۇشىپ ارتقا قاشادى، سىلدىردى ەستىپ دىرىلدەپ سەكىرەدى، تۇرعان جەرىنەن قايتا جۇگىرىپ قاشادى. ءسويتىپ تاڭا اتقانشا سەكىرىپ جۇگىرەدى، تاڭ اتقاندا ۇيقىعا كەتەدى. ەرتەسىندە اڭشىلار قوياننىڭ ءىزىن تابا الماي دال بولادى، ونىڭ قوساق-قوساق، وڭدى-سولدى ورعىعان ىزدەردەن شاتاسىپ، قوياننىڭ ايلاكەرلىگىنە تاڭ قالادى. ال قويان بولسا قۋلىق جاسايمىن دەپ ويلاعان ەمەس، ويتكەنى ول مۇنىڭ ءبارىن قورىققانىنان عانا ىستەيتىن.

اۋدارعان سالاۋات كارىم

---