قاسيەتتى اي
قويشى قارت قويلارىن ورىستەتىپ، جايىلىمعا جايعان سايىن دوڭگە جاقىن وسكەن ءبىر الما اعاشىنىڭ تۇبىنە بارىپ دەم الاتىن، ەگەر جەمىس پىسكەن مەزگىل بولسا، الما اعاشىمەن تىلدەسىپ:-قانە، بالام، قارتتىڭ الماسىن بەرە عوي،-دەيتىن.سويتكەنشە بولماي ءدامى ءتىل ۇيىرەتىن، ءيسى اڭقىعان، بالبىراپ پىسكەن ءبىر الما جەرگە توپ ەتىپ تۇسەتىن.قارت بولسا، كىشكەنە باكىسىمەن الگى المانى اسىقپاي تىلىمدەپ كەسىپ، وزىمەن بىرگە الا كەلگەن تورسىعىنداعى ايرانىمەن قوسا ءسال جۇرەك جالعاعاننان كەيىن اكەسىنەن قالعان قۇرانىن باپپەن قولعا الىپ، جايلاپ وقي باستايتىن.قويشى قارت بۇل الما اعاشىن ومىدان جيىرما جىل بۇرىن وتىرعىزعان كەزدە ءجيى-جيى سۋعارىپ، ناماز الدىندا بەتى-قولىن شايعان دارەت سۋىنىڭ قالعانىن دا ىرىمداپ، سونىڭ تۇبىنە توگەتىن.قارت ءجۇزىن شايعان سول سۋدىڭ شاراپاتى ءتيدى مە، ايتەۋىر، الما اعاشىنىڭ تامىرى تەز جان الىپ، از ۋاقىتتا-اق بوي كوتەرىپ، جەمىس بەرە باستادى.قويشى قارت ول كەزدە جاس بولعاندىقتان قاي ادەمى الماعا كوزى تۇسپەسىن، كىشكەنە عانا ۇمسىنىپ، قول سوزعانى جەتىپ جاتىر ەدى.الايدا، ودان بەرگى قانشاما جىل ىشىندە قارتتىڭ بويى الاسارىپ، بەلى بۇگىلدى، ال الما اعاشىنىڭ بولسا، كەرىسىنشە، بويى بارىنشا بيىكتەپ، شىنار اعاشىنداي جايقالىپ كەتكەن ەدى.ءبىراق، الما اعاشى قانشا جايقالىپ وسكەنىمەن ماپەلەپ وسىرگەن بالانىڭ اتى بالا ەمەس پە؟ ونى بالاسىنداي كورەتىن قارت اعاش بۇتاقتارىن الاقانىمەن جاي عانا سيپاپ تۇرىپ:-قانە، بالام،-دەيتىن،-بۇگىنگى نەسىبەمدى تۇسىرە عوي؟
ايتقانىنداي، كوپ پالسىنبەستەن ءبىر الما ءتۇسۋشى ەدى.بۇل كورىنىس ءدال وسى قالپىندا بىرنەشە جىلدان بەرى قايتالانىپ كەلە جاتقان-دى.ءتىپتى، قارت سۇراعاندا، المانىڭ تۇسپەي قالعان ءبىر دە ءبىر كۇنى كەزدەسكەن ەمەس.
اۋىل ادامدارى بولسا، تاڭعاجايىپ بۇل قۇبىلىستى سىرتتاي بىرنەشە مارتە بايقاپ، قويشى قارتتى "اۋليەگە" جورىسىپ قويعالى قاشان...
قارت كىسى اعاش كولەڭكەسىندە ازداپ تىنىعىپ، نامازىن وقىعاننان كەيىن ادەتتەگىدەي سول كۇنگى الماسىن سۇرادى.الايدا، ءبىر تاڭعالارلىعى، اعاش بۇتاقتارى جەمكسكە تولىپ تۇرسا دا، قارت قولىنا ەشتەڭە تۇسپەدى.قارت ءوز قالاۋىن قانشا قايتالاعانىمەن ءبارىبىر ەشتەڭە تۇسپەدى، تاڭعاجايىپ ورىن المادى.كۇتكەنى ورىندالماي، كىرپىگى مەن ساقالى تارام-تارام جاسقا ورانعان قارت ءۇنسىز عانا الىستاپ قويلارىنا كەتىپ بارا جاتتى.
جەمىس بەرگەلى "بالاسى" قارتتىڭ كوڭىلىن ەش قالدىرىپ كورگەن ەمەس ەدى.ماپەلەپ وسىرگەن بالاسىنا ءدال وسى جولى كوڭىلى قاتتى قالدى.كوڭىلى قۇلازىعان قارت بويى بۇل جولى ءتىپتى شوكىمدەي بوپ، بۇرىنعىدان دا الاسارىپ، بەلى دە بۇرىنعىدان بەتەر بۇكشيە تۇسكەندەي.
مالدارىن قايىرىپ، اۋىلعا بەت العاندا مەشىتتەن اۋەلەپ شىققان ازانعا قۇلاق ءتۇردى.ازان وتە ءبىر ەرەكشە، اۋەزدى ۇنمەن وقىلىپ جاتقانداي.الگى كسىسى بىردەن ىركىلىپ، ەسىن جيناپ الا قويدى.قارت بايعۇس، ومىرگە قايتا كەلگەندەي كۇي كەشتى.ويتكەنى، ەسىنە ءبىر نارسە تۇسكەن ەدى...
بۇل جولى كوزىنە قۋانىشتان جاس الىپ، بالاشا ءماز بولعان قارت بىردەن الگىندەگى الما اعاشىنا قايتادان جەتكەنشە اسىقتى.كەلە سالا ونى اينالىپ-تولعانىپ، كەڭ قۇشاعىن توسەي قۇشاقتاعان قارت:-كۇنىم، اشەيىن،-دەدى يەگى كەمسەڭدەپ، جىلاعان كۇيى،-اينالايىن، بالام جارىعىم! ۇمىتشاق مەن بايعۇستى رەنجىتپەي تۇرىپ-اق بىلدىرسەڭ بولماس پا ەدى؟! بۇگىن ورازا ايىنىڭ العاشقى كۇنى ەكەن عوي؟!...
You Might Also Like
-
1934 جىلى ەلىمىزدىڭ ەڭ الدىڭعى قاتارلى ۋنيۆەرسيتەتى، قاراشاڭىراعىمىز ءال-فارابي اتىنداعى قازاق ۇلتتىق ۋنيۆەرسيتەتىنىڭ ىرگەتاسى قالاندى. بۇگىنگى كۇنى ۋنيۆەرسيتەتىمىزدە 20 000-عا جۋىق ستۋدەنت ءبىلىم ال...
-
دارحاننىڭ سۋسىما قارا شاشى، سۇڭعاق بويى، كۇلگەندە مارجانداي تىزىلەر اپپاق تىستەرى، مازمۇنعا تولى كوزدەرى ونى باسقا ەركەك كىندىكتىدەن دارالاپ، ەرەكشە ەتىپ كورسەتۋشى ەدى.
