توقايەۆ پەن وربان استانا مەن بۋداپەشت اراسىنداعى ستراتەگيالىق ارىپتەستىكتى تەرەڭدەتۋگە كەلىستى
توقايەۆ پەن وربان استانا مەن بۋداپەشت اراسىنداعى ستراتەگيالىق ارىپتەستىكتى تەرەڭدەتۋگە كەلىستى
استانا. مەملەكەت باسشىسى قاسىم-جومارت توقايەۆ ماجارستان پرەمەر-مينيسترى ۆيكتور وربانمەن كەلىسسوز وتكىزىپ، قازاق-ماجار قارىم-قاتىناسىن جان-جاقتى دامىتۋ ماسەلەلەرىن تالقىلادى.
پرەزيدەنت 2023 جىلى بۋداپەشتكە جاساعان مەملەكەتتىك ساپارى اياسىندا قول جەتكىزىلگەن ستراتەگيالىق كەلىسىمدەردى ەسكە الىپ، بۇل ساپار استانا مەن بۋداپەشت اراسىنداعى ءوزارا تۇسىنىستىكتى نىعايتۋدا ماڭىزدى ءرول اتقارعانىن اتاپ ءوتتى.
ساۋدا جانە ينۆەستيسيا – باسىم باعىت. 2024 جىلى ەكىجاقتى ساۋدا كولەمى 200 ملن دوللار بولعان، ال بيىلعى العاشقى توقساندا بۇل كورسەتكىش 37% وسكەن. قازاقستانعا تارتىلعان ماجار ينۆەستيسياسىنىڭ كولەمى 370 ملن دوللاردان استى. قازىرگى ۋاقىتتا 700 ملن دوللاردى قۇرايتىن 16 بىرلەسكەن جوبا جۇزەگە اسىرىلىپ جاتىر. ولار ماشينا جاساۋ، اۋىل شارۋاشىلىعى جانە لوگيستيكا سالالارىن قامتيدى.
كەلىسسوزدە توقايەۆ ەرتەڭ وتەتىن تۇركى مەملەكەتتەرى ۇيىمىنىڭ بەيرەسمي ءسامميتىنىڭ ماڭىزدىلىعىنا توقتالىپ، قازاقستاننىڭ تمۇ اياسىندا بارلىق باسىم باعىت بويىنشا سىندارلى ىنتىماقتاستىقتى جالعاستىرۋعا دايىن ەكەنىن ايتتى.
ۆيكتور وربان ساپارعا شاقىرعانى ءۇشىن العىس ءبىلدىرىپ، ەكى ەل اراسىنداعى قارىم-قاتىناستىڭ قارقىندى جانە تۇراقتى دامۋ ۇستىندە ەكەنىن ەرەكشە اتاپ ءوتتى. پرەمەر-مينيستر قازاقستان تاراپىنا ءسامميتتى ۇيىمداستىرۋدا كورسەتىلگەن قولداۋ ءۇشىن ريزاشىلىعىن جەتكىزدى.
كەزدەسۋ بارىسىندا تاراپتار ەنەرگەتيكا، ساۋدا جانە ينۆەستيسيا سالالارىنداعى بىرلەسكەن جوبالاردىڭ ىسكە اسىرىلۋ بارىسىن، سونداي-اق حالىقارالىق كۇن تارتىبىندەگى وزەكتى ماسەلەلەردى تالقىلادى.
You Might Also Like
-
ۋكراينا پرەزيدەنتى ۆلاديمير زەلەنسكيي رەسەي باسشىسى ۆلاديمير ءپۋتيننىڭ جەڭىس كۇنىنە (9 مامىر) وراي ءبىتىم جاريالاۋ جونىندەگى ۇسىنىسىن قابىلدامايتىنىن مالىمدەدى. بۇل تۋرالى ول جۋرناليستەرمەن كەزدەسۋدە...
-
الەمدىك نارىقتا مۇناي باعاسى ەكى كۇن قاتارىنان تومەندەپ، ينۆەستورلار مەن ترەيدەرلەردىڭ الاڭداۋشىلىعىن تۋدىردى. Brent ماركالى مۇناي ءبىر تاۋلىكتە 3 پايىزعا ارزانداپ، باررەلى 64 دوللار 65 سەنتكە دەيىن...
