InfoHub Logo

ساباقتىڭ تاقىرىبى: قايتالاۋ. قوسۋ مەن ازايتۋدىڭ جازباشا تاسىلدەرى
ساباقتىڭ ماقساتى: ءۇش تاڭبالى ساندار قۇرۋ، ولاردى قوسۋ جانە ازايتۋ تاسىلدەرى تۋرالى بىلىمدەرىن قورىتىندىلاۋ جانە العان بىلىمدەرىن تانىس جاعدايدا قولدانا ءبىلۋ.
1. ۇيىمداستىرۋ كەزەڭى. ساباقتىڭ ماقساتىمەن تانىستىرۋ.
بۇگىن ساباقتا سەندەر قوسۋ مەن ازايتۋ امالدارىن ورىنداۋ تۋرالى بىلىمدەرىڭدى قايتالايسىڭدار. جەتىستىككە قول جەتكىزەم دەسەڭ ساباقتا بەرىلەتىن بارلىق تاپسىرمالاردى ورىنداۋعا تىرىس. ساباق سوڭىندا ءارقايسىڭ ءوز ءبىلىم دەڭگەيلەرىڭدى تەكسەرىڭدەر.
2. تىرەك ءبىلىم، بىلىك، داعدىلارىن بەلسەندىرۋ.

1. تومەندە بەرىلگەن ساندار قاتارىن قالاي تارتىپكە كەلتىرۋگە بولادى؟ «ارتىق» ساندار قايسىسى جانە ولار نەگە «ارتىق»؟
10، 20، 30، 40، 55، 60. (55 - دوڭگەلەك سان ەمەس)
1، 7، 14، 21، 27. (1 سانى 7 - گە بولىنبەيدى)
12، 23، 341، 48، 55، 67، 76. (341 - ءۇش تاڭبالى)
24، 11، 13، 15، 17، 19، 12. (24 - ەكى وندىق)

2. «كومپيۋتەر» ديداكتيكالىق ويىنى تۇرىندە اۋىزشا ەسەپتەۋ،
ويىنىڭ ماقساتى: وقۋشىلاردىڭ ەسەپتەۋ داعدىلارىن جەتىلدىرۋ.
ءمۇعالىم ويىننىڭ ەكى نۇسقاسىن ۇسىنادى: ا) تاقتادا مىسالدار
تىزبەگى بەرىلگەن، بالالار سوڭعى ناتيجەنى تابادى جانە كارتوچكالاردىڭ كومەگىمەن جاۋاپتاردى كورسەتەدى؛ ءا) ءمۇعالىم مىسالدار تىزبەگىن وقيدى، بالالار اۋىزشا ەسەپتەپ، جاۋابىن كورسەتەدى نەمەسە بىرنەشە بالا اۋىزشا جاۋاپ بەرەدى، سونان كەيىن تەكسەرۋ جۇرگىزىلەدى.
ا) 450 - 50 + 2 + 18 - 40 + 500
ءا) 799 +1 - 300 - 5 - 90+10
6) 900 - 800 + 1 + 99 - 40 + 5
تازا جازۋ مينۋتىن ۇيىمداستىرۋ ءۇشىن 3، 4، 5 سيفرلارىنان سانداردىڭ بارلىق مۇمكىن ءنۇسقالارىن قۇراستىرۋدى تاپسىرۋ (345، 354، 435، 453، 534، 543).
- ەڭ كىشى ساندى اتا.
- ەڭ ۇلكەن ساندى اتا.
- 3 جۇزدىك جانە ت. ب. بولاتىن سانداردى اتا.
№1، №7 تاپسىرمالاردى توپپەن نەمەسە جۇننەن ورىنداۋعا بولادى.

3. وتكەن ماتەريالدارمەن جۇمىس.
№2 تاپسىرمانى ورىنداماس بۇرىن سۇراق - جاۋاپ جۇمىسىن جۇرگىزۋ كەرەك:
- قوسۋ (ازايتۋ) كەزىندە ساندار قالاي اتالادى؟
- قوسۋ (ازايتۋ) ناتيجەسى قالاي اتالادى؟ دايىندىعى تومەن بالالارعا تىرەك سىزبا ۇسىنۋ كەرەك: قوسىلعىش + قوسىلعىش = قوسىندىنىڭ ءمانى. ازايعىش - ازايتقىش = ايىرمانىڭ ءمانى.

№2 تاپسىرمانى بالالار وقۋلىقتا بەرىلگەن ۇلگى بويىنشا
ورىندايدى، ونى تاقتادا تۇسىندىرە وتىرىپ جاساۋعا بولادى.
№3 جانە №4 تاپسىرمالار قوسۋ جانە ازايتۋدى تەكسەرۋ امالدارى تۋرالى بىلىمدەرىن قايتالاۋعا باعىتتالعان. №3 تاپسىرما اۋىزشا ورىندالادى. №4 جاتتىعۋدى ۋاقىت بويىنشا شىعارۋعا بولادى.

№5 (ا) تاپسىرمانى وقۋشىلار ءوز بەتتەرىنشە ورىندايدى، سوڭىنان تەكسەرىلەدى. №5 (ءا) تاپسىرمانى ەسەپ شارتتارىن جان - جاقتى تالداۋدان باستاعان ءجون.
- تاپسىرما نە تۋرالى؟ قانداي وقۋلىقتار تۋرالى؟ قازاق ءتىلى، ماتەماتيكا وقۋلىقتارى تۋرالى نە بىلەمىز؟ دۇنيەتانۋ وقۋلىعى نەشەۋ بولدى؟ شارتىن جازۋدى سىزبا نەمەسە قىسقاشا جازبا تۇرىندە ورىنداۋعا بولادى.
انا ءتىلى - 89 و.
ماتەماتيكا - 112 و.
دۇنيەتانۋ -؟ و.
تاپسىرمالاردى ءتۇرلى تاسىلدەرمەن ورىنداعان ءجون.

№7 تاپسىرمادا كەستە بويىنشا ءتۇرلى ورنەكتەر قۇرۋعا بولادى.
مىسالى:
(700+ 30)+ 60
(700 + 30) + (600 - 20)
(700 + 30) + (360 - 80)
(700 + 30) + 150
سىنىپتا وسى كەستەلەردى پايدالانا وتىرىپ، بىرنەشە تاپسىرما
ورىنداۋعا بولادى، ال قالعان ورنەكتەردى بالالار ۇيدە قۇراستىرىپ، شەشۋى كەرەك.
№8 لوگيكالىق تاپسىرما اۋىزشا ورىندالادى.

4. ءۇي تاپسىرماسى. №7 كەستە بويىنشا ءتۇرلى ورنەكتەر قۇرىپ، بالالار №8 تاپسىرماعا ۇقساس تاپسىرما قۇرۋى ءتيىس.
5. ساباقتى قورىتىندىلاۋ.
- ساباقتىڭ ماقساتى قانداي بولدى؟ ساباقتىڭ ماقساتىنا جەتتىڭدەر مە؟ ساباقتا نە قيىندىق كەلتىردى؟ نە جەڭىل بولدى؟ وتكەن تاقىرىپتى دۇرىس قايتالاۋ ءۇشىن ءوز دوستارىڭا قانداي تاپسىرمانى ۇسىناسىڭدار؟ جۇمىستارىڭدى ءوز بەتتەرىڭشە باعالاڭدار.