InfoHub Logo

تاقىرىبى: «انالارعا مىڭ العىس!»
بارىسى:
جۇرگىزۋشى: ارمىسىزدار اق جاۋلىقتى اجەلەر، ارداقتى دا اياۋلى انالار! مەرەكەلەرىڭىز قۇتتى بولسىن! «اققۋ» توبى بۇلدىرشىندەرىنىڭ «انالارعا مىڭ العىس!» اتتى مەرەكەلىك ەرتەڭگىلىگىنە قوش كەلدىڭىزدەر!
مۋزىكا ىرعاعىمەن ۇلدار زالعا كىرىپ، جارتى شەڭبەر بولىپ تۇرادى.
جۇرگىزۋشى: بالالار بۇگىن انالاردىڭ مەرەكەسى عوي. ءبارى دايىن با؟ ەشكىم كەشىككەن جوق پا؟ انە قىزدار دا كەلە جاتىر! قارسى الايىق!
مۋزىكامەن قىزدار كەلەدى.
جۇرگىزۋشى: قاراڭدارشى ءبىزدىڭ قىزدارىمىز قانداي ادەمى بولىپ كەتكەن.
ۇلدار قىزدارعا باسىن ءيىپ، گۇل بەرەدى. ۇلدار تاقپاق ايتادى.
رامازان:
مەنى جاقسى كورەدى
كۇندەي كۇلىپ كەلەدى.
كوپ ەرتەگى بىلەدى
ماعان ايتىپ بەرەدى.
نۇرجان:
انالاردى سۇيەمىز
ءسوزىن ويعا تۇيەمىز
اجەنى دە ارداقتاپ
ادەپپەن باس يەمىز.
جەڭىسبەك:
الپەشتەگەن بالاسىن
انا باقىت، انا كۇن
اركىم ءسۇيىپ ءوزىنىڭ
ماقتان ەتەر اناسىن
ابدۋللا:
جاماندىقتان ساقتاندىرىپ
جاقسى ءىسىمدى ماقتان قىلىپ،
ماپەلەگەن اق مامامدى
جۇرسەم دەيمىن شاتتاندىرىپ.
جۇرگىزۋشى: ءبىزدىڭ ۇلدارىمىز قىزدارعا توسىن سىي دايىنداپ قويىپتى. بىزگە قوناقتاردى شاقىرىپتى. بالالار ولاردى شاقىرامىز با؟
بالالار: يا
زالعا ەكى سايقىمازاق كەلەدى.
جۇرگىزۋشى: سالەمەتسىڭدەر مە، سايقىمازاقتار!
ءبىرىنشى سايقىمازاق: سالەمەتسىڭدەر مە! مەنىڭ اتىم تيلي ۆيلي. مەن سەندەردى قۇتتىقتاۋعا سوناۋ امەريكادان كەلدىم.
ەكىنشى سايقىمازاق: ال مەنىڭ اتىم ۆيلي تيلي. مەندە سەندەردى قۇتتىقتاۋعا كەلدىم. ءبىز ءقازىر مەرەكە بويى سەندەردى كۇلدىرىپ، كوڭىل كۇيلەرىڭىزدى كوتەرەمىز.
سايقىمازاقتار ءتۇرلى اكروباتيكالىق نومەردى كورسەتپەكشى بولادى. ءبىراق قولدارىنان كەلمەيدى.
جۇرگىزۋشى: قوي ۆيلي تيلي. سەندەر ءقازىر جاراقاتتانىپ قالاسىڭدار. وداندا ءبىزدىڭ بالالارىمىزدىڭ ونەرىن تاماشالاڭىزدار.
ءان: «اق اجەم» جۇمات ابدۋللا
جانەل:
ءار ءسوزىمدى جاتتاعان
جۇرەگىمدە ساقتاعان
اناشىم دەپ ماقتانام
اينالايىن اق مامام
ايبەك:
مەن ءمۇعالىم انامنىڭ
ونەگەسىن الامىن
ەرتەڭ مەندە انامداي
وقىتۋشى بولامىن.
بەكزات:
اينالايىن اناشىم
الپەشتەگەن بالاسىن
ەمىپ وسكەن بوبەكپىز
انامىزدىڭ ماماسىن
مەرەي:
شاشىمدى ءورىپ تاراعان
قاباعىما قاراعان
ۇلكەن كىشى دەمەيدى
سىيلايدى ونى بار ادام
بالجان:
مەنىڭ اجەم مەيىربان
مەنى جاقسى كورەدى
قاجەتىنە جاراسىم
جاس بالاشا كۇلەدى.
ىڭكار:
انام مەنىڭ ادەمى
انام مەنىڭ تىرەگىم
انام مەنىڭ جۇرەگىم
انامدى مەن سۇيەمىن
ءبىرىنشى سايقىمازاق: قانداي جاقسى بالالار. ونەرلى ەكەن. تاعى دا تىڭدايىقشى.
جۇرگىزۋشى: جوق تيلي ۆيلي. ءبىز مەرەكەمىزدى جالعاستىرايىق.
وسى كەزدە گۋىلدەگەن ءبىر دىبىس ەستىلىپ، مىستان بيكەش كەلەدى.
مىستان بيكەش: مۇندا نە قىلعان مەرەكە بولىپ جاتىر؟ سەندەر نەگە ءماز بولىپ جاتىرسىڭدار؟
جۇرگىزۋشى: سەن كىمسىڭ؟ نەگە مەرەكەگە كەدەرگى جاسايسىڭ؟
مىستان بيكەش: مەن مىستان بيكەشپىن. مىستان كەمپىردىڭ جالعىز سۇيىكتى نەمەرەسىمىن.
ەكىنشى سايقىمازاق: ال مىستان كەمپىردىڭ ءوزى قايدا؟
مىستان بيكەش: ول زەينەت دەمالىسىندا. مەن ەندى ونىڭ ورنىن باسىپ، بارلىق مەرەكەلەردى بۇزامىن. سەندەردىڭ دە مەرەكەلەرىڭدى بۇزامىن. قايتىڭدار مەرەكە بولمايدى.
جۇرگىزۋشى: قالايشا؟ بالالار بۇگىن انالارىن مەرەكەسىمەن قۇتتىقتاۋعا كەلدى عوي. سەن وداندا بالالاردىڭ ونەرىن تاماشالا.
مىستان بيكەش: بالالاردىڭ قانداي ونەرى بار؟
جۇرگىزۋشى: ءبىزدىڭ بالالاردىڭ ونەرى كوپ. ولار ءان ايتىپ، بي بيلەيدى، تاقپاق ايتادى.
مىستان بيكەش: جارايدى كورسەم كورەيىن.
بي: «بالاپاندار»
انەل:
بالانىڭ دا تىرەگى
دانانىڭ دا تىرەگى
شانشىماسىن ەشقاشان
انالاردىڭ جۇرەگى
اجار:
شاي قايناتىپ بەرەيىن
شەكەر سالىپ جان اجەم
ءوزىم قۇيىپ بەرەيىن
بالداي ءتاتتى جان اجەم.
ايشا:
انا كوركى كوگىمنىڭ
انا نۇرى جەرىمنىڭ
انا باعى بالانىڭ
ماقتانىشى ەلىمنىڭ
ديلنارا:
مەنىڭ اجەم، گۇل اجەم
التىن اجەم كۇن اجەم
انام ءۇشىن، مەن ءۇشىن
ناعىز انا ءتىلى اجەم
ارۋ:
بۇگىنگى كوكتەم كۇنىندە
بارلىق ادام قۋانار
انالاردى مەيراممەن
قۇتتىقتايدى بالالار
دينارا:
انانىڭ ءبىز گۇلىمىز
انا ءبىزدىڭ كۇنىمىز
ۇلانداردى قۋانتىپ
ۇزاق ءومىر ءسۇرىڭىز
جۇرگىزۋشى: مىستان بيكەش ساعان ۇنادى ما؟
مىستان بيكەش: وي بالالار بيلەرىڭ مەن تاقپاقتارىڭ قانداي تاماشا! ماعان ۇنادى. مەندە اجەم مىستان كەمپىردى وسىلاي قۇتتىقتاۋىم كەرەك ەكەن عوي. مەن ەندى سوعان كەتەيىن. سەندەرگە راحمەت. ماعان وسىنى تۇسىنۋگە كومەكتەستىڭدەر.
وسى كەزدە ورتاعا ءبىر بالا شىعىپ: «ەندەشە مىستان بيكەش مىنا گۇلدى ءبىزدىڭ بالالاردىڭ اتىنان مىستان كەمپىرگە اپارىپ بەر»
مىستان بيكەش: راحمەت سەندەرگە بالالار! ساۋ بولىڭدار!
مىستان بيكەش كەتەدى.
جۇرگىزۋشى: مىستان بيكەشتىڭ تۇسىنگەنى قانداي جاقسى بولدى. ەندى مەرەكەمىزدى جالعاستىرايىق.
ءان: «اپاتايىم اناشىم» نۋريدين باعداۋلەت
جانسۇلۋ:
اجەم مەنىڭ ءالى دە
ۇقسامايدى كارىگە
شاي قايناتىپ بەرەدى
قاجەت بولسا بارىنە
ايسانا:
ءوزىڭ مەنى وسىرگەن
اينالايىن اق اجەم
تەنتەك بولسام كەشىرگەن
شولدەدىڭ بە دانا اجەم
اسەم:
مەنىڭ اجەم جىر اجەم
ۇل مەن قىزدىڭ باعى اجەم
ەرتەگى ايتاپ بەر دەسەڭ
ايتاپ بەرەر تاعى اجەم
فاريزا:
اناشىم دەپ ماقتانام
اينالايىن اق مامام
قاسيەت:
بۇگىن ناۋرىزدىڭ سەگىزى
سۇلۋلىقتىڭ سەگىزى
ادەمى ءسوز ادامنىڭ
اناعا ايتار لەبىزى
ەردوس:
سەنە وسكەن بالالار
باتىرلار مەن دانالار
قۇتتىقتايمىز مەيراممەن
قۇرمەتتى انالار!
ءبىرىنشى سايقىمازاق: قانداي تاماشا بالالار!
جۇرگىزۋشى: تيلي ۆيلي بۇگىن انالار مەن قىزداردىڭ عانا مەيرامى ەمەس سونىمەن قاتار اجەلەرىمىزدىڭ دە مەيرامى. ءبىزدىڭ بالالارىمىز اجەلەرىنە جىلى سوزدەرىن ايتقىسى كەلەدى ەكەن.
ويىن: ورتاعا ەكى اجە شىعىپ ورىندىققا جايعاسادى. ال نەمەرەلەرى اجەلەرىنە جەتەم دەگەنشە اجەلەرىنە ارناعان جىلى سوزدەرىن ايتىپ بارىپ، باستارىنا ورامال تاعادى.
ءمولدىر:
مەنىڭ اجەم بۇل اجەم
ايتقان ءسوزى ءدال اجەم
امان بولسا كورەدى
قىزىعىمدى ءالى اجەم
اقبالا:
مەنىڭ اجەم نار اجەم
كوپ جاساعان كارى اجەم
اۋىرعاندا مەن ءۇشىن
ءار سۇيگەنى ءدارى اجەم
نۇرلىبەك:
اجەم ورنەك تەرەدى
سىرماق سىرىپ ويۋلاپ
باسى اۋرا بەرەدى
شاي ىشپەسە قويۋلاپ
ءبىرىنشى سايقىمازاق: جارايسىڭدار بالالار! بالالار مەنىڭ سەندەرگە كورسەتەتىن ءبىر سيقىرىم بار. ءبىر گۇلدى قوراپقا سالىپ: «ءقازىر وسى گۇل باسقا تۇسكە بويالادى». شىعارسا بويالمايدى.
ەكىنشى سايقىمازاق: سەن بىلمەيسىڭ. سيقىرلى سوزدەر ايتۋ كەرەك قوي. بالالار قانداي سىيقىرلى سوزدەر بىلەسىڭدەر؟
بالالار: فوكۋس – موكۋس
ءبىرىنشى سايقىمازاق: قاراڭدارشى بالالار گۇل كامپيتتەرگە اينالىپ كەتتى.
بالالارعا كامپيتتەر تارقاتىلىپ بەرىلەدى.
جۇرگىزۋشى: وسىمەن ءبىزدىڭ مەرەكەمىز اياقتالدى. قىمباتتى دا اياۋلى انالار! مەرەكەلەرىڭىز قۇتتى بولسىن! دەندەرىڭىز ساۋ، كوڭىلدەرىڭىز شات بولسىن، ءارقاشان امان بولايىق. ساۋ بولىڭىزدار!