InfoHub Logo

«قازاننان قاقپاق كەتسە، يتتەن ۇيات كەتەدى» دەيدى. ءبىزدىڭ جاس مەملەكەتىمىزدىڭ قاقپاعى اشىلعان كورىنەدى. سوندىقتان ۇياتى كەتكەندەر تالان-­تاراجعا سالىپ جاتقانى اشىلىپ جاتىر. وسىنداي كۇدىك كوبىمىزدىڭ كوڭىلىمىزدە جۇرگەن. بۇرىننان. قايدا كەتىپ جاتىر، قازاقستاننىڭ بايلىعى دەگەن. ال، ءبىراق، ناق باسىپ، تاپ باسىپ ەشقايسىسىمىز ايتا العان جوقپىز. مۇنايدان تۇسەتىن، كومىردەن تۇسەتىن، التىننان، كۇمىستەن تۇسەتىن، مىستان تۇسەتىن كىرىس دەگەن جوق مىنانىڭ ىشىندە. مىنا ءبىز وسى شەت مەملەكەتتەردەن نەسيە دەگەندى الىپ جاتىرمىز، الىپ جاتىرمىز. امەريكادان جاپونياعا دەيىن. سونىڭ بارلىعى باس­-اياعى قانشا؟! قاي جەرگە جۇمسالدى؟ قاي ماقساتقا كەتتى؟ وسىنىڭ كوزىن اشۋ كەرەك. مىنا باسشىلىقتان، بىلمەيمىن، قولىنان ءازىر ول ارەكەت كەلەتىن ەمەس. مىنا ءسىز بەن ءبىز – حالىق سەنگەن دەپۋتاتتار وسىنىڭ كوزىن اشىپ، ناقتىلاپ، حالىققا ءوزىنىڭ داۋلەتىن ءوزىنىڭ قولىنا بەرەيىك» دەگەن شەرحان مۇرتازانىڭ سوزدەرىنەن سول كەزدىڭ جاعدايىنا قاتتى كوڭىل بولگەنى، حالىقتىڭ قامىن جەگەن ناعىز زامانىنىڭ دەپۋتاتى ەكەنىڭ اڭعارۋعا بولادى.

نەگە بۇل شەرحان مۇرتازانىڭ ءسوزىن قايتا ورتاعا سالىپ وتىرمىن؟

قازىردە ەلىمىزدە وسىنداي جاعدايلار جوق ەمەس. حالىق كۇنكورىسىنە اقشا جەتكىزە الماعاندا، بيلىكتەگىلەردىڭ سايرانداپ ءجۇرۋى جاراماس تى. بيلىكتىڭ حالىق جاعدايىنا بەي-جاي قاراعان زامانى وسى بولدى. ءتۇرلى كەلەنسىز زاڭدار شىعىپ، نەشە ءتۇرلى پروبلەمار تۋىنداپ جاتىر. بايىرعى بابالارىمىز امانات قىلعان ەل مەن جەرگە قازىرگە تاڭدا قيانات جاسالعانداي. اركىم ءوز دەگەنىمەن، ءوز بىلگەنىمەن جۇرگەن سىنايلى. بۇگىندە بيلىك ايتسا حالىق نارازىلىق تۋدىرىپ، كەلىسپەۋشىلىكتەر ورىن الۋدا. بۇل جاعدايدا كىمدى جاقتارىندى بىلمەگەنىننىڭ ءوزى قورقىنىش ۇيالاتادى. وسىنىڭ بارلىعى ەڭ ءبىرىنشى حالىققا اۋىر تيەتىن جاعداي. سول زاماندا شەرحان مۇرتازا ايتىپ كەتكەندەي «حالىقتىڭ بايلىعىن ءوز قولىنا بەرەيىك» دەگەن ءبىر اۋىز ءسوزىن جەرگە تاپتاعان بيلىك وكىلدەرى اماناتقا قيانات جاسادى دەسەك تە قاتەلەسپەيمىز. زامان اعىمىنا ساي وزگەرىپ وتىرعان الەمدە، نەگە قازاق حالقىنىن جاعدايى وزگەرمەدى؟!

---