InfoHub Logo

«ەلىڭنىڭ ۇلى بولساڭ، ەلىڭە جانىڭ اشىسا، ازاماتتىق نامىسىن بولسا، قازاقتىڭ ۇلتتىق جالعىز مەملەكەتىنىڭ نىعايىپ – كوركەيۋى جولىندا جان تەرىڭدى سىعىپ ءجۇرىپ ەڭبەك ەت. جەردىڭ دە، ەلدىڭ دە يەسى ءوزىڭ ەكەنىڭدى ۇمىتپا!» (ن.نازاربايەۆ).

تالاي – تالاي قاس باتىرلار جانىن قيىپ، قورعاپ قالعان، تالاي ارۋلار ماحاببات قۇربانى بولعان، تالاي وزەگى ورتەنگەن وكىنىشتى جاندار مەن قۋانىشتان جۇرەگى جارىلا شاتتانعان پەندەلەردىڭ كۋاگەرى بولعان قاسيەتتى وتانىمىز – قازاقستان!

قازاقستان – تاۋەلسىز ەل. سول تاۋەلسىزدىك جولىندا قازاق بابام نە كورمەدى دەسەڭىزشى؟! ەلىمىزدىڭ باسىنان ازاپ تا، اشتىق تا، سۇم سوعىستا ءوتتى. اسىرەسە، حح عاسىر قازاق حالقى ءۇشىن اۋىر ءتيىپ، قايعىعا تولى كەزەڭىمەن ەستە قالدى.

«وتكەنىمىزدى ۇمىتساق، بولاشاق ءبىزدى كەشىرمەيدى» دەگەن ۇلى دانالىق ءسوز بار ەمەس پە؟ وسى دانالىقتىڭ ءاردايىم جادىمىزدا ساقتالعانىن قالايمىن.

تاۋەلسىزدىك – ۇلتتىق ءتىلدىڭ، ءداستۇردىڭ، سالت — سانانىڭ مىزعىماس تىرەگى، كۇشى، التىن دىڭگەگى، حالىقتىڭ ب ا ق جۇلدىزى. تاۋەلسىزدىك – ارمان! جەر بەتىندە قانشا ۇلت بولسا، سونشا ارمان بار. سول ارمانعا ءبىزدىڭ قازاق حالقى جەتتى.

1991 جىل — ەلىمىزدىڭ قازاقستان دەگەن اتپەن بۇكىل الەمگە العاش قادام باسقان جىلى. سول ساتتەن بەرى مىنە 25 جىل دا وتە شىقتى. قازىرگى قازاقستان الەم ساحناسىندا ماقتانارلىقتاي بەدەلگە يە. جاس مەملەكەتىمىز وسىنداي از عانا ۋاقىتتىڭ ىشىندە كوپتەگەن ءىرى ەكونوميكالىق، ساياسي جانە الەۋمەتتىك جەتىستىكتەرگە قول جەتكىزدى. قازىرگى تاڭدا قازاقستان جاس مەملەكەت بولا تۇرا، كوپتەگەن ەلدەردەن الدەقايدا الدا. ەلىمىزدىڭ اياعىنان نىق تۇرۋى، ۇلتتىق قاۋىپسىزدىكتى قامتاماسىز ەتۋ جانە ەكونوميكامىزدىڭ جەدەل قارقىنمەن دامۋى — قازىرگى تاڭدا نەگىزگى ستراتەگيالىق باعىتتار. بۇگىنگى قازاقستان – تەك ءوزى ورنالاسقان ايماقتا عانا ەمەس، بۇكىلالەمدىك پروبلەمالاردى تالقىلاۋدا جانە شەشۋدە ىقپالدى ءرول اتقاراتىن ەل. قازاقستان ءۇشىن، قازاق حالقى ءۇشىن تاۋەلسىزدىك اسپاننان تۇسكەن سىي ەمەس ەدى. حالقىمىز بوستاندىقتى اڭساپ، تاۋەلسىزدىككە زارىعىپ جەتتى. تاۋەلسىزدىك دەگەن ۇلى جەڭىسكە قول جەتكىزۋدە ءالى دە جاڭعىرىپ تۇرعان كەشەگى جەلتوقساننىڭ دا سەپتىگى از بولعان جوق – ستۋدەنت جاستاردىڭ كوشەگە شىعىپ ۇندەۋى جانە ەگەمەندىك ءۇشىن زارداپ شەگۋگە دايىن ەكەندىگىن كورسەتە ءبىلۋى بارشا حالىققا سەنىم مەن جىگەر بەرگەن بولاتىن.

قازىرگى تاڭدا تاۋەلسىزدىك — بارلىعىمىز ءۇشىن ەرەكشە قاسيەتتى كۇن. بىرلىكتىڭ، ىنتىماقتاستىق پەن تاتۋلىقتىڭ كۇنى. مەملەكەتىمىزدىڭ تاۋەلسىزدىگى — ەڭ الدىمەن حالقىمىزدىڭ باقىتى. العاشقى جىلداردا باسىم ماقساتتاردىڭ قاتارىندا ەگەمەندىكتى نىعايتۋ، ۇلتتىق قاۋىپسىزدىكتى قامتاماسىز ەتۋ، ەكونوميكاداعى قيىنشىلىقتارعا جاۋاپ بەرۋ بولعان ەدى. سوندىقتان بۇگىنگى كۇنى حالقىمىز وتكەننەن قالعان تاريحي ونەگەنى، وتانسۇيگىشتىكتى، ۇلتىنا دەگەن ماحابباتتى جوعالتپاي، ءارى قاراي جاستاردىڭ پاتريوتتىق سەزىمىنە ەنگىزۋگە ەرەكشە كوڭىل ءبولۋى كەرەك دەپ ويلايمىن.
تاۋەلسىزدىگىمىزدى جاريالاعاننان بەرگى مەزگىل ىشىندە كوپتەگەن ەلەۋلى تابىستارعا قول جەتكىزدىك. ەلىمىزدىڭ تىنىشتىعى مەن قاۋىپسىزدىگى، كوپ ۇلتتى قازاقستان حالقىنىڭ جاراستىعى مەن ىنتىماقتاستىعى پرەزيدەنتىمىزدىڭ جۇرگىزىپ وتىرعان پاراساتتى كورەگەن ساياساتىنىڭ ناتيجەسى.

قازاقستان – قازاق حالقىنىڭ اتا-بابا مەكەنى، ەجەلگى قونىسى. ەلىمىز ولشەۋسىز تابيعات بايلىعىمەن عانا ەمەس، ەڭ الدىمەن سان ءتۇرلى ۇلتتاردان قۇرالعان حالقىمەن ەرەكشە ەكەنىن ۇمىتپاعان ابزال. بۇگىنگى بەيبىت تە شۋاقتى كۇندەردى باعالاي وتىرىپ، جاڭا بيىكتەردە ۇمتىلۋ – ءبىزدىڭ بۋىننىڭ باعىتى بولۋى ءتيىس.

الماتى قالاسى
قازاق مەملەكەتتىك قىزدار پەداگوگيكالىق ۋنيەرسيتەتىنىڭ
بيولوگيا كافەدراسىنىڭ ءمۇعالىمى: ساۋرانبايەۆا گۋلجان كەمەلبەكوۆنا

---