قازاقستان اۋىلدارىنىڭ وقۋشىلارىنا اعىلشىن ءتىلى ۇيرەتىلەدى
شەتەلدىكتەر قازاقستاننىڭ اۋىل مەكتەپتەرىنىڭ وقۋشىلارىنا اعىلشىن ءتىلىن ۇيرەتەتىن بولادى. بۇل جونىندە وكق-دا «جاس وتان» جاستار قاناتىنىڭ ءتوراعاسى دانيار سۇندەتبايەۆ ءمالىم ەتتى.
«ەلباسى اعىلشىن ءتىلىن تەرەڭدەتىپ وقۋ جالپىالەمدىك ترەندكە اينالعانىن ەرەكشە اتاپ كەتتى. ءبىزدىڭ جوبا بويىنشا ارىپتەسىمىز «بولاشاقپەن» بىرىگىپ جاساپ جاتقان جۇمىسىمىز ءبىلىمدى، باسەكەگە قابىلەتتى جاستاردى تاربيەلەۋگە باعىتتالعان. سوندىقتان «جاستار-وتانعا» جاستار ساياسي لاگەرى اياسىندا «English for Jastar» جوباسىن ىسكە قوستىق»، - دەدى دانيار سۇندەتبايەۆ.
«جاس وتان» جاستار قاناتىنىڭ اتقارۋشى حاتشىسى داۋلەت كارىبەكتىڭ ايتۋىنشا، جوبانىڭ نەگىزگى ماقساتى - وقۋشىلاردىڭ اعىلشىن تىلىنەن دەڭگەيىن كوتەرىپ، كوممۋنيكاسيالىق داعدىلارىن جاقسارتۋ.
«جوبا 84 اۋىلدىڭ 7000 وقۋشىسىنا ارنالعان. قازىرگى ۋاقىتتا جوبا مىندەتتەرىن جۇزەگە اسىرۋ ءۇشىن اعىلشىن ءتىلىن جوعارى دەڭگەيدە مەڭگەرگەن وتاندىق 141 مامان تارتىلدى»، - دەدى د. كارىبەك.
«بولاشاق» قاۋىمداستىعىنىڭ اتقارۋشى ديرەكتورى لاۋرا دەمەسىنوۆانىڭ ايتۋىنشا، اعىلشىن تىلىندە سولەيتىن 28 ادام مەن قاتارىندا ق ر پارلامەنتى ءماجىلىسىنىڭ دەپۋتاتى، وليمپيادا چەمپيونى سەرىك ساپييەۆ بار 140-تان استام وتاندىق ماماندار 2018 جىلعى قاراشا ايىنان باستاپ 9-11 سىنىپ وقۋشىلارىنا ءتىل ۇيرەتۋگە اتتانادى.
ساباقتار تەك بالالاردىڭ قولى بوس كەزىندە وقىتىلىپ، نەگىزگى وقۋ پروسەسىنە كەدەرگى كەلتىرمەيدى.
جوباعا اكادەميالىق تۇرعىدان «Interpress» ءتىل ورتالىعى قولداۋ كورسەتتى. وقۋشىلار ورتالىققا تيەسىلى Oxford University Press (انگليا) باسپاسىنىڭ «Solutions» اتتى وقۋلىقتارىمەن ءبىلىم الاتىن بولادى.
You Might Also Like
-
سۋ – دەنەمىزدەگى بۇكىل مۇشەلەر، تىندەر جانە بۋىنداردىڭ ەڭ ماڭىزدى جانە نەگىزگى قاجەتتىلىگى. دەنەمىزدەگى بارلىق مۇشەنىڭ بولمىسى سۋعا بايلانىستى. دەنەمىزدىڭ 75% سۋدان تۇرادى. ميدىڭ 85%، قاننىڭ ...
