InfoHub Logo

قازاقستانداعى جوعارى وقۋ ورىندارىنداعى ءبىلىم بەرۋ باعدارلاماسى رەيتينگىنىڭ ءبىرىنشى كەزەڭ اياسىندا 33 ماماندىقتىڭ رەيتينگى جاسالدى\.

ق ر ءبىلىم جانە عىلىم ۆيسە-مينيسترى تالعات ەشەنقۇلوۆتىڭ اتاپ وتۋىنشە، زەرتتەۋ جۇمىسقا ورنالاسقان تۇلەكتەر پايىزى مەن ولاردىڭ ورتاشا ەڭبەكاقىسى، باعدارلامانىڭ وزەكتىلىگىن باعالاۋ، سونداي-اق تۇلەكتەردىڭ ساۋالناما قورىتىندىسى ماڭىزدى ولشەم بولاتىن ادىستەمەگە سايكەس جۇرگىزىلدى.

سونىمەن قاتار، سالالىق ساراپشىلاردى قاتىستىرا وتىرىپ، ءبىلىم بەرۋ باعدارلامالارىنىڭ مازمۇندىق الشاقتىعى باعالانىپ، تالداندى. «قۇرىلىس» ماماندىعى 35 جوعارى وقۋ ورنىندا بار ەكەنى انىقتالدى.

بۇدان بولەك، ورتالىق ازيا ۋنيۆەرسيتەتى، كاسپيي قوعامدىق ۋنيۆەرسيتەتىنە ءىس جۇزىندە تاجىريبەسى بار وقىتۋشىلاردى ىزدەستىرۋگە كوپ كوڭىل بولۋگە كەڭەس بەرىلدى.

تاراتىلعان مالىمەتتەرگە قاراعاندا، ەلىمىز بويىنشا جوعارى ەڭبەكاقى «مۇناي-گاز ءىسى» ماماندىعىندا تىركەلگەن، ورتاشا ەڭبەكاقى  - 250 000 تەڭگە. ال ەڭ تومەنگى ەڭبەكاقى «بيوتەحنولوگيا» ماماندىعىن ءتامامداعان ( ورتاشا ەڭبەكاقى - 70 000 تەڭگە) تۇلەكتەر ۇلەسىندە.

سونىمەن قاتار، جوعارى وقۋ ورنىن بىتىرگەننەن كەيىنگى العاشقى جىلى جۇمىسقا ورنالاسۋ دەرەگى دە ماڭىزدى. «مۇناي-گاز ءىسى» ماماندىعى بويىنشا ءبىلىم العان تۇلەكتەردە ۇزدىك كورسەتكىش 84 پايىز بولسا،  «بيوتەحنولوگيا» ماماندىعىن بىتىرگەن تۇلەكتەردىڭ جۇمىسقا بىردەن ورنالاسۋ كورسەتكىشى تومەندەۋ، ياعني 56 پايىزدى قۇرايدى.

ايتا كەتەيىك، وسى جىلدىڭ سوڭىنا دەيىن ۇلتتىق كاسىپكەرلەر پالاتاسى 50-دەن استام ماماندىقتىڭ رەيتينگىن ۇسىناتىن بولادى.

ق ر ءبىلىم جانە عىلىم مينيسترلىگى مەن «اتامەكەن» ق ر ۇلتتىق كاسىپكەرلەر پالاتاسى جوعارى وقۋ ورىندارىنىڭ ءبىلىم بەرۋ باعدارلامالارىن (باكالاۆريات) باعالاۋ جۇمىسىن بىرلەسە اتقارىپ وتىر.

---