InfoHub Logo

اينالاڭىزداعى جانداردىڭ كوڭىلى cىزگە تارتىپ تۇرسىن دەسەڭىز وسى كەڭەستەردى نازارىڭىزعا الا ءجۇرىڭىز.

اقشاسىنىڭ، اسقان سۇلۋلىعىنىڭ، بايلانىستارىنىڭ بولماعانىنا قاراماستان بويىنان كەرەمەت ەنەرگيا مەن سەنىمدىلىك تاسىپ تۇراتىن ادامدار بار. ادامداردىڭ وزدەرى ولاردىڭ تارتىمدىلىعىنىڭ قۇرساۋىنا قالاي ءتۇسىپ قالعانىن بايقاماي قالىپ جاتادى.

وسىنداي تارتىمدى ادامدار ومىرگە قۇشتار كەلەدى. ءدال سولارعا جانىنداعىلار كومەككە كەلىپ، كەڭەس سۇراپ، نەمەسە جاي عانا دوستىق كوڭىلىن ءبىلدىرىپ جاتادى.  ال ونداي تارتىمىلىق قاسيەتى جوقتار، كەرىسىنشە، جالعىزدىقتا قالىپ: «ولاردى نە تارتىمدى قىلادى؟» دەگەن سۇراققا جاۋاپ ىزدەپ، شارق ۇرادى.

مۇنىڭ قۇپياسى نەدە؟ ىشتەي وزىنە دەگەن سەنىمدىلىگىندە.

تارتىمدى ادامدار وزىنە دەگەن سەنىمدىلىگى سونشا، باسقالاردىڭ ماقۇلداۋىن قاجەت ەتە بەرمەيدى. ولارعا ورتاق تاعى ءبىر بەلگى  — ولار كۇن سايىن كەرى شەگىنبەستەن، الدىنا قويعان ماقساتتارىنا ۇمتىلىپ، جەتپەيىنشە توقتامايدى. تۇسىنگەنىڭىزدەي — ءتارتىمدىلىق جاي عانا جولى بولعىشتىق ەمەس. ولاي بولسا تارتىمدى اداماردىڭ ادەتتەرى مەن قىلىقتارىن زەرتتەپ، سول قاسيەتتەردى ءوز بويىمىزعا دارىتۋعا تىرىسايىق.

1. اينالاڭداعىلاردى قۇرمەتتە

مەيلى ءىرى كليەنتپەن كەلىسسوز جۇرگىزىپ جاتسا دا، داياشىعا شىرىنعا تاپسىرىس بەرسە دە تارتىمدى ادامدار بۇنى اسقان سىپايىلىقپەن، قۇرمەتپەن جاسايدى. سونىمەن قاتار ول، ەگەر، بىرەۋدىڭ باسقا ادامدى تومەن ساناپ، مەنسىنبەگەن سىڭاي تانىتقانىنا كۋا بولسا، بۇنداي ادىلەتسىزدىككە جول بەرمەسى انىق. ويتكەنى تارتىمدى ادام اينالاسىنداعىلاردى بىردەي قۇرمەتتەپ، ءبىرىن ارتىق، ءبىرىن كەم كورمەيدى.

2. پلاتينالىق ەرەجەگە ىلەسىڭدەر

قارىم قاتىناستىڭ التىن ەرەجەسى — اينالاڭداعىلار سەنىمەن قانداي قارىم-قاتىناستا بولعانىن قالاساڭ، ءوزىڭ ولارعا سونداي قارىم-قاتىناس جاسا. الايدا بۇل ەرەجەنىڭ كەمشىل تۇسى دا جوق ەمەس. سەبەبى، ادامداردى ءار ءتۇرلى نارسەلەر ىنتالانىرادى. ەگەر بىرەۋگە كوپشىلىك الدىندا جاسالعان ۇسىنىستار ۇناسا، ەندى باسقاسىنا ەلدىڭ نازارىندا بولۋ استە ۇنامامايتىنى ەسكەرىلمەگەن.

قارىم-قاتىناستىڭ پلاتينالىق ەرەجەسى: اينالاڭداعىلارعا ولار قالايتىنداي قارىم-قاتىناس جاسا.

تارتىمدى ادامار ادام تابيعاتىن جاقسى بىلەدى. سويلەسۋ ءستيلىن، ءجۇرىس-تۇرىسىن، مىنەز-قۇلقىن اينالاسىنداعىلار ءۇشىن جايلى بولاتىنداي ەتىپ يكەمدەپ الادى.

3. بوس اڭگىمەلەردەن اۋلاق بولىڭىز

بىرەۋدىڭ قىزىعۋشىلىعىنا بولا بوس، مىلجىڭ اڭگىمە باستاۋدىڭ قاجەتى جوق. كەيدە سونداي تۇككە تۇرعىسىز اڭگىمەنى باستاعان كەزدە، جانىڭداعى ادام بىردەن سىزدەن كوڭىلى قالىپ، ءتىپتى سىزگە دەگەن كوزقاراسى ءبىرجولا وزگەرىپ كەتۋى مۇمكىن. تارتىمدى ادامدار اڭگىمە باستاردا، ءتىپتى بولماشى نارسەلەردەن دە تەرەڭ ماعىنا تابۋعا تىرىسادى. ولاردىڭ ادامدارعا دەگەن قىزىعۋشىلىعى كەز-كەلگەن سۇراقتارعا وڭاي جاۋاپ بەرىپ، ءومىردىڭ ءتۇرلى سالالارىنداعى وزدەرى ماڭىزدى دەپ تاپقان دۇنيەلەر جايلى اڭگىمەلەۋىنە سەپتىگىن تيگىزەدى.

4. اينالاسىنداعى ادامدارعا كوپ كوڭىل بولەدى

تارتىمدى ادامدار ءوزىن قورشاعان جاندارعا قىزىعۋشىلىقپەن قارايدى. وسىنىڭ ناتيجەسىندە ول ءوزى جايلى ويلاۋعا كوپ ۋاقىتىن جۇمسامايدى. ياعني وزگەلەر جايلى كوپ ويلاعاندىقتان، ءوزىنىڭ بويىنان ءمىن ىزدەپ، باس اۋىرتۋعا ۋاقىت تاپپايدى. مىنە، سوندىقتان «تارتىمدى بولۋ» ولار ءۇشىن ەش قيىنعا سوقپايدى.

وسى ادەت سىزگە دە دارىسىن دەسەڭىز، سمارتوفونىڭىزدى شەتكە قويىڭىز دا، اينالاداعى ادامارعا نازارىڭىزدى اۋدارىڭىز. ءسىزدىڭ جاۋابىڭىزعا ەمەس، ولاردىڭ سويلەگەنىنە ءمان بەرىڭىز. ادامدار وزدەرى جايلى اڭگىمەلەگەندە، ولارعا ءوزىڭىزدىڭ قىزىعۋشىلىعىڭىزدى كورسەتۋ ءۇشىن سۇراقتار قويا وتىرىڭىز.

5. تىم قاتتى تىرىسپاڭىز

تارتىمدى ادامدار اڭگىمەلەسۋ بارىسىندا ءوزىنىڭ اقىلدى، جولى بولعىش ادام ەكەندىگىن ايتىپ، جانىنداعىلاردىڭ ۋاقىتىن المايدى. ماقتانۋعا تۇرارلىق ەشتەڭەسى جوق ەمەس، ارينە. ماقتانۋ ولاردىڭ ويىنا دا كەلمەيدى، سەبەبى ولار بارىنە ۇناعىسى كەلەتىن ادامنىڭ اينالاسىنا قانشالىقتى تارتىمسىز كورىنەتىنىن بىلەدى.

6. جاي عانا پىكىر مەن ايقىن دەرەكتىڭ ارا-جىگىن ءتۇسىن

پىكىر-تالاسقا تولى تاقىرىپتارع اتارتىمدى ادامدار وتە مۇقيات ارالاسادى. بەلگىلى ءبىر شەكاراسىنان اتتامايى. مەيلى ول ساياسات، جاھاندىق ماسەلەلەر، مۇزىقتاردىڭ ەرۋى، مىندەتتى ەكپەلەر جايلى بولسىن، ولار پىكىرىن جاسىرمايدى، سونداي-اق باسقانىڭ پىكىرىن تىڭداپ، وعان قۇرمەتپەن قارايدى. سەبەبى، ءار اقىلى بار ادامنىڭ وسى سىندى ماسەلەلەر جونىندە ءوز پىكىرى بارىن تارتىمدى ادامدار جاقسى بىلەدى.

7. شىنايى بولىڭىز

تارتىمدى ادامدار شىنايىلىقتى ۇستانادى. ولار الدىن-الا ىس-ارەكەتتەرىنە جوسپار قۇرىپ ابىگەر بولمايدى. ەشكىمگە جاساندىلىق ۇنامايتىنىن بىلەتىندىكتەن، كەز-كەلگەن ارەكەتىن شىنايىلىققا نەگىزدەپ اتقارادى.

ادامدارعا شىنايى دارالىعى ۇنايدى سەبەبى بۇنداي ادامدارعا سەنىم ارتۋعا بولادى.

ادامنىڭ شىن مانىندە كىم ەكەنىن، ونىڭ سەزىمدەرىن بىلمەي جاتىپ، ونىڭ كەۋدەسىنەن يتەرۋدەن وڭاي نارسە جوق ەكەنىن ەسكەرە جۇرىڭىزدەر.

8. ءادىل بولىڭىز

ءادىل جاندار قاراپايىمدىعىمەن ءارى اشىقتىعىمەن تارتىمدى كورىنەدى. نەگىزىندە ءادىل ادام بولۋ وڭاي سياقتى، الايدا، ىس-جۇزىندە ادىلدىكتى ساقتاۋ الدەقايدا قيىن. ءوزىنىڭ ادىلىگىن كورسەتۋ ءۇشىن تارتىمدى ادامدار ءوزىنىڭ ۇستانىمىنا ىلەسىپ وسەك-اياڭعا جاقىنداماي، اششى دا بولسا تەك شىندىقتى ايتادى.

9. كۇلىمدەڭىز

ادام سۇحباتتاسىپ وتىرعان ادامنىڭ ايناسى ءتارىزدى. اينالاڭداعىلار ءسىزدى تارتىمدى دەپ تاپسىن دەسەڭىز، كۇلىمدەپ ءجۇرىڭىز. سوندا اڭگىمەلەسىپ وتىرعان ادام اڭگىمە بارىسىندا سىزدەن جاعىمدى اسەر الىپ وتىرادى.

10. ءوزىڭىزدى جاقسى جاعىڭىزدان كورسەتۋگە تىرىسىڭىز (ءبىراق تىم ارتىق كەتپەڭىز)

تارتىمدى ادامدار ءوزىن جاقسى جاعىنان كورسەتۋگە بارىن سالادى، بۇل قوناق كەلەردىڭ الدىندا ءۇيدى جيناپ، تازالاۋ سياقتى — ياعني ماقتانىش ءۇشىن ەمەس، جاي عانا جانىنداعىلارعا قۇرمەت كورسەتۋ بولىپ سانالادى. ءبىراق ءبىر مارتە ءوزىن جاقسى جاعىنان كورسەتىپ، بۇل جايدى كەيىن ەسىنەدە الماي كەتەدى.

11. ءومىردى ءسۇيىڭىز

تارتىمدى ادامدار — ومىرگە قۇشتار، ءارى باسقالارعا بەي-جاي قاراي المايتىن جاندار. ولار ەشقاشان زەرىكپەيدى. سەبەبى، ولاردىڭ ءومىرى قىزىقتى ساتتەرگە تولى، ءارى سول قىزىققا ورتاقتاساتىن ادامداردى قۋانا قابىلدايدى.

بۇل تارتىمدى ادامداردىڭ ۋايىمى جوق دەگەن ءسوز ەمەس. ءتىپتى ۇلكەن ۋايىمى بولسا دا، ولار بۇنى «شەشىلمەيتىن قيىندىق» دەپ قاراماي، «ۋاقىتشا كەلەڭسىزدىكتەر» دەپ قابىلدايدى. باسىنا قيىن كۇن تۇسكەندە تارتىمدى ادامدار: بۇل تەك سىناق — دەپ، ەرتەڭ ، نە كەلەسى اپتادى، يا كەلەسى ايدا ءبارى جاقسى جاققا قاراي وزگەرەتىنىنەن ءۇمىت ۇزبەيدى.

تارتىمدى ادامداردىڭ جانىنان تابىلا بەرەتىن سيقىرلى پەريزاتتارى بولمايدى. ءبىراق، ولاردىڭ وسىنداي  جاعىمدى قاسيەتتەردى بويىنا دارىتىپ وتىراتىن ادەتتەرى بولادى. ولار وزىنەن گورى وزگەنى كوبىرەك ويلايدى. سونىسىمەن قويماي اينالاسىنداعى اداماردى دا تارتىمدى قىلۋعا سەپتىگى تيەدى. ەسىڭىزدە بولسىن: باسقالارعا قانشالىقتى كوڭىل بولسەڭىز سوعۇرلىم ءوزىڭىز تارتىمدى كورىنە الاسىز.

---