قازاقستان مەن وپەك+ مۇناي ءوندىرىسىن ۇلعايتپاق – نارىقتى تۇراقتاندىرۋ جوسپارى جالعاسادى
قازاقستان مەن وپەك+ مۇناي ءوندىرىسىن ۇلعايتپاق – نارىقتى تۇراقتاندىرۋ جوسپارى جالعاسادى
قازاقستان وپەك+ ۇيىمىنا مۇشە جەتى ەلمەن بىرگە مۇناي ءوندىرىسىن كەزەڭ-كەزەڭىمەن ارتتىرۋ تۋرالى ورتاق كەلىسىمگە كەلدى. قىركۇيەك ايىنان باستاپ اتالعان مەملەكەتتەر تاۋلىكتىك ءوندىرىستى 547 مىڭ باررەلگە كوبەيتەدى. بۇل شەشىم – 2023 جىلى قابىلدانعان ءوندىرىستى شەكتەۋ تۋرالى كەلىسىمنەن بىرتىندەپ باس تارتۋ جوسپارىنىڭ جالعاسى. بۇعان دەيىنگى شەكتەۋ بويىنشا، ءوندىرىس كولەمى تاۋلىگىنە 2،2 ميلليون باررەلگە قىسقارتىلعان بولاتىن.
وپەك+ كواليسياسى مۇنداي قادام الەمدىك نارىقتى رەتتەۋگە، ۇسىنىس پەن سۇرانىس اراسىنداعى تەپە-تەڭدىكتى ساقتاۋعا باعىتتالعانىن مالىمدەدى. سونىمەن قاتار ۇيىم جاعدايعا بايلانىستى جوسپارلانعان ءوندىرىس ءوسىمىن توقتاتۋ نەمەسە ۋاقىتشا شەكتەۋ ەنگىزۋ قۇقىعىن ساقتاپ قالاتىنىن اتاپ ءوتتى.
كەلەسى ونلاين فورماتتاعى وتىرىس 7 قىركۇيەكتە وتەدى. وندا نارىقتاعى قازىرگى احۋالعا باعا بەرىلىپ، قاجەت بولعان جاعدايدا جاڭا شەشىمدەر قابىلدانۋى مۇمكىن.
بۇل شەشىم قازاقستان ەكونوميكاسى ءۇشىن دە ماڭىزدى. ءوندىرىستىڭ ارتۋى بيۋدجەت كىرىسىن كوبەيتۋگە جانە ەنەرگەتيكالىق سەكتورداعى بەلسەندىلىكتى جانداندىرۋعا ىقپال ەتەدى. الايدا ساراپشىلار مۇناي باعاسىنىڭ قۇبىلمالىلىعىن ەسكەرە وتىرىپ، اتالعان وزگەرىستەرگە ساقتىقپەن قاراۋ قاجەتتىگىن ەسكەرتۋدە.
You Might Also Like
-
12 شىلدەدەن باستاپ بەتتى تولىق جاباتىن كيىمدەرگە شەكتەۋ قويىلادى
-
بىرىككەن ۇلتتار ۇيىمىنىڭ ادام قۇقىقتارى جونىندەگى جوعارعى كوميسسارى فولكەر تيۋرك يرانداعى ءولىم جازالارى سانىنىڭ كۇرت ارتۋىنا الاڭداۋشىلىق ءبىلدىردى. ونىڭ مالىمەتىنشە، 2025 جىلدىڭ العاشقى جارتىجىلدىع...
