پرەزيدەنت توقايەۆ: الماتىنىڭ جوعارى بولىگىندە قۇرىلىسقا ۋاقىتشا تىيىم سالىنادى
پرەزيدەنت توقايەۆ: الماتىنىڭ جوعارى بولىگىندە قۇرىلىسقا ۋاقىتشا تىيىم سالىنادى
مەملەكەت باسشىسى قاسىم-جومارت توقايەۆ الماتى قالاسىنا جاساعان جۇمىس ساپارى بارىسىندا قالا اكىمى دارحان ساتىبالدىمەن كەزدەسىپ، مەگاپوليستى دامىتۋعا قاتىستى ءبىرقاتار ماڭىزدى تاپسىرما بەردى. ەڭ باستى شەشىمدەردىڭ ءبىرى – الماتىنىڭ جوعارى بولىگىندە كوپپاتەرلى تۇرعىن ۇيلەر مەن اۋماقتى تارىلتاتىن قۇرىلىس نىساندارىنا موراتوريي ەنگىزۋ.
پرەزيدەنت بۇل تىيىم قالانىڭ باس جوسپارىندا بەلگىلەنگەن الەۋمەتتىك ينفراقۇرىلىم نىساندارى مەن تۋريستىك كلاستەر جوبالارىنا قولدانىلمايتىنىن ناقتى ايتتى. سونىمەن بىرگە، قاسىم-جومارت توقايەۆ باس جوسپارعا تابيعي ورتانى قورعاۋ، تاۋ بوكتەرىندەگى قۇرىلىسقا جول بەرمەۋ جانە قالانى جۇيەلى دامىتۋ باعىتىندا شۇعىل وزگەرىستەر ەنگىزۋدى تاپسىردى.
بۇل باستاما ەكولوگيالىق قاۋىپسىزدىك پەن قالا كەلبەتىنىڭ ساقتالۋىنا، سونداي-اق الماتى تۇرعىندارىنىڭ ءومىر ءسۇرۋ ساپاسىن جاقسارتۋعا باعىتتالعان. ساراپشىلاردىڭ پىكىرىنشە، بۇل شەشىم قالا ماڭىنداعى ەكوجۇيەنى ساقتاۋ ءۇشىن ماڭىزدى قادام بولماق.
You Might Also Like
-
تايلاندتا بىرنەشە جىل بويى يتتەرمەن بىرگە ءومىر سۇرگەن بالا تابىلدىاناسى جاردەماقى الىپ تۇرعان، ءبىراق بالا مەكتەپكە بارماعان
-
رەسەيدە ۇلتتىق مەسسەندجەر قۇرۋ باستاماسى زاڭمەن بەكىتىلىپ، پرەزيدەنت ۆلاديمير پۋتين قول قويعان. بۇل قادام شەتەلدىك مەسسەندجەرلەردى، سونىڭ ىشىندە WhatsApp-تى بۇعاتتاۋ جوسپارىنا جول اشۋى مۇمكىن.
