قازاقستان رەسپۋبليكاسىنىڭ مەملەكەتتىڭ حاتشىسى قازۇۋ-دىڭ جاعدايىمەن تانىستى
ءبىلىم ورداسى كەشەنىن ارالاۋ بارىسىندا قىرىمبەك كوشەربايەۆ ۋنيۆەرسيتەت مۇراجايىنا، جاعداياتتىق باسقارۋ ورتالىعىنا، بيزنەس-قۇزىرەتتىلىكتى دامىتۋ كلاستەرىنە، «كەرەمەت» سقكو-عا، ىت-تەحنوپاركىنە باردى، جاس عالىمداردىڭ «جاسىل ەنەرگەتيكا» بويىنشا يننوۆاسيالىق جۇمىستارىمەن جانە بىرەگەيستۋدەنتتىك ستارت-اپتارىمەن تانىستى.
سونان سوڭ ءال-فارابي ورتالىعىندا قىرىمبەك كوشەربايەۆ فيلوسوفيا عالىمدارىمەن جانە پروفەسسورلارىمەن كەزدەستى.
مەملەكەتتىك حاتشى ءال-فارابي مۇرالارى ءدال بۇگىنگى تاڭدا ەرەكشە وزەكتىلىككە يە ەكەندىگىن جانە تۇلعا تاقىرىبى، ادامگەرشىلىكتى جەتىلدىرۋ، زياتكەرلىك دەڭگەيدى ارتتىرۋ، بارلىق ادامزاتتىڭ ەركىندىك پەن باقىتقا قول جەتكىزۋى سياقتى ۋاقىت تالاپتارىنا جاۋاپ بەرەتىندىگىن اتادى.
«كورنەكتى فيلوسوفتىڭ يدەياسى قولدانبالى سيپات الۋ كەرەك. ۋنيۆەرسيتەت تاراپى جانە تانىمال عالىم-فارابيتانۋشىلار جاساعان جۇمىستاردى وزەكتى ەتۋىمىز كەرەك. ەگەر ەل تاۋەلسىزدىگىنىڭ العاشقى جىلدارىندا ءبىز ءوزىن-وزى انىقتاۋ ماسەلەلەرىمەن اينالىسساق، ەندى كەلەسى كەزەڭگە كوشۋىمىز كەرەك، ول – مەملەكەتتىڭ ءال-اۋقاتتىلىعىنا سىناق، ءبىزدىڭ الدىمىزدا الەمنىڭ باسەكەگە قابىلەتتى ەلدەرىنىڭ قاتارىنا كىرۋ ماڭىزدى مىندەتى تۇر. بۇلاردىڭ بارلىعىنىڭ نەگىزىندە بەلسەندى تۇردە ناسيحاتتاۋدى قاجەت ەتەتىن ءال-فارابي مۇرالارى جاتقانىنا سەنىمدىمىن. 2020 جىلى ۇلى عۇلامانىڭ 1150 جىلدىعىن مەرەكەلەۋ بويىنشا مەملەكەتتىك كوميسسيانىڭ كەلەسى وتىرىسىن قازۇۋ-داعى ءال-فارابي ورتالىعىندا وتكىزۋدى ۇسىنامىن»، - دەدى قىرىمبەك كوشەربايەۆ.
ساپار سوڭىندا قوناققا ۋنيۆەرسيتەت اتىنان ءال-فارابي ءومىرى مەن شىعارماشىلىعى جايلى كىتاپ سىيعا تارتىلدى.
تەمىربولات مادينا مەيرانگازى قىزى
ءال-فارابي اتىنداعى قازۇۋ-دىڭ 2 كۋرس ماگيسترانتى
بولات سايلان
ءال-فارابي اتىنداعى قازۇۋ-دىڭ ت.ع.د.،پروفەسسورى
You Might Also Like
-
XXI عاسىردا دۇنيە ءجۇزىنىڭ عالىمدارىن تولعاندىراتىن ماسەلە ول قازىرگى كەزدە جاسوسپىرىمدەر اراسىندا ءجيى كەزدەسەتىن-سۋيسيد. ءبادسۇ-نىڭ سوڭعى مالىمەتتەرى بويىنشا 15-24 جاس ارالىعىنداعى ءجاسوسپى...
-
ءمۇعالىم ماماندىعى – بارلىق مامانىقتاردىڭ اناسى. مۇعالىمگە بارلىق ادام باس يەدى، ول مەيلى قوعم قايرەتكەرى بولسىن، ول ەل باسقارىپ وتقان باسشى بولسىن، نە قاراپايىم جۇمىسشى دا ءبارى ءمۇعالىمن...
