قازاقستاندا 250 وقۋشى ۇبت-نى اعىلشىن تىلىندە تاپسىرادى
ق ر ءبىلىم جانە عىلىم ءمينيسترى ەرلان ساعادييەۆ ۇلتتىق ءبىرىڭعاي تەستىلەۋدى تاپسىرۋداعى سوڭعى جاڭالىقتاردى ايتىپ بەردى.
«ءبىز گرانتتى الۋ كەزىندە وقۋا تۇسەتىندەر ءۇشىن تەڭ جاعدايدى قامتاماسىز ەتۋگە ۋادە بەرگەن بولاتىنبىز. ءوز سوزىمىزدە تۇردىق. ەندى «التىن بەلگى» يەگەرى وزگە دە مەكتەپ تۇلەكتەرىمەن بالدارى تەڭ بولعان جاعدايدا عانا باسىمدىقتى قۇقىققا يە. جالپى، ۇبت-نى تاپسىرۋ فورماتى بۇرىنعىسىنشا قالادى. تەك قانا سۇراقتاردىڭ ەلەۋلى كولەمى اۋىستى. بىلتىر سۇراقتاردىڭ 25 پايىزىن اۋىستىرعان ەدىك، بيىل تاعى دا 25 پايىزى وزگەردى»، - دەدى مينيستر ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
سونىمەن قاتار ە. ساعادييەۆ اعىمداعى جىلى ۇبت-نى اعىلشىن تىلىندە تاپسىرۋ مۇمكىندىگى ەنگىزىلگەنىن ەسكە سالىپ ءوتتى.
«250-گە جۋىق ادام العاش رەت ۇبت-نى اعىلشىن تىلىندە تاپسىرادى دەپ كۇتىلۋدە. ءدال سول سۇراقتار ەنگىزىلەدى، ەشقانداي جەڭىلدىك بەرىلمەيدى. ياعني بۇل وقۋشىلاردىڭ وزدەرىنىڭ نيەتى بويىنشا جاسالىپ وتىر»، - دەدى مينيستر.
قازاقپارات
You Might Also Like
-
سپورتمەن شۇعىلداناتىن وقۋشىلاردىڭ وقۋ ۇلگەرىمىن جەتىلدىرۋ ءۇشىن جاعداي جاسالادى. بۇل تۋرالى ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ق ر ءبىلىم جانە عىلىم ءمينيسترى ەرلان ساعادييەۆ...
-
ناعىز اقشانىڭ سەريالىق ءنومىرى، ەرەكشە ديزاينى جانە سۋتاڭبالارى بولاتىنىن ءبارى بىلەدى. ءبىراق ماسەلە مۇنىمەن شەكتەلمەيدى: تەحنولوگيانىڭ دامۋىمەن جالعان اقشادان قورعانۋدىڭ ءمىنسىز ادىستەرى پايدا بولىپ ...
