مەكتەپتەردە دەنە شىنىقتىرۋ ساباقتارى قىسقارا ما
سپورتمەن شۇعىلداناتىن وقۋشىلاردىڭ وقۋ ۇلگەرىمىن جەتىلدىرۋ ءۇشىن جاعداي جاسالادى. بۇل تۋرالى ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
«الەۋمەتتىك جەلىلەردە دەنە شىنىقتىرۋ ءپانىنىڭ ءۇشىنشى ساعاتى بولمايتىنى تۋرالى جازىلۋدا. دەنە شىنىقتىرۋدىڭ ءۇشىنشى ساعاتىنان باس تارتۋ جوسپارى بىزدە جوق جانە بولعان ەمەس. بۇل ءتارتىپ زاڭنامادا جازىلعان»، - دەدى مينيستر.
ونىڭ سوزىنە قاراعاندا، بۇل ماسەلە اپتاسىنا ءۇش ساعاتتان ارتىق ۇيىرمەلەردە سپورتپەن شۇعىلداناتىندارعا قاتىستى بولعان. وسى ورايدا، بۇل بالالاردى دەنە شىنىقتىرۋ ساباعىنان بوساتۋ تالقىلاندى.
«ءبىز مۇنداي شەشىمدى اتا-انالاردىڭ كوپتەگەن ءوتىنىشى بويىنشا قابىلدادىق. ەندى وسى بالالار مەكتەپتەگى پەداگوگيكالىق كەڭەستىڭ شەشىمىمەن، ءبىرىنشى كەزەكتە اتا-انالاردىڭ وتىنىشىمەن بارلىق قۇجاتتارعا سايكەس، ساباقتان بوساتىلۋى مۇمكىن»، - دەپ ناقتىلادى ۆەدومستۆو باسشىسى.
«بۇل تۇرعىدا اتالعان بالالار نە ىستەيدى دەگەن ساۋال ءجيى قويىلادى. ءقازىر اكادەميالىق ەركىندىكتى پايدالا وتىرىپ، مەكتەپتەر بوساعان مۇعالىمدەردىڭ ارنايى ساباقتارىن قۇرۋدا. بۇل بالالار ءوز ەركىمەن ءبىلىمىن جەتىلدىرىپ، وقۋ باعدارلاماسىن قۋىپ جەتە الادى. سەبەبى سپورتشى بالالار جارىستارعا ءجيى بارعاندىقتان، مەكتەپ باعدارلاماسىنان قالىپ قويۋ جاعدايى كەزدەسەدى. سوندىقتان دا ءبىز وسىنداي بالالارعا جەڭىلدىك جاساي وتىرىپ، دەنە شىنىقتىرۋدان بوساتقىمىز كەلەدى. ولار وقۋ ۇلگەرىمى بويىنشا سىنىپتاستارىنا جەتىپ الۋى ءتيىس»، - دەپ ءتۇيدى ە. ساعادييەۆ.
قازاقپارات
You Might Also Like
-
ەرتەڭ ومىردەن كەتەتىنىڭىزدى ەلەستەتىڭىزشى. ارتىڭىزدا نە قالدىراسىز؟
-
ق ر ءبىلىم جانە عىلىم ءمينيسترى ەرلان ساعادييەۆ ۇلتتىق ءبىرىڭعاي تەستىلەۋدى تاپسىرۋداعى سوڭعى جاڭالىقتاردى ايتىپ بەردى.
