قازاقستاندا العاش رەت قىز بالالار اسكەري ماماندىق الىپ شىعادى
وسى جىلى ق ر قورعانىس مينيسترلىگىنىڭ باستاماسى بويىنشا بارلىق ازاماتتىق جوعارى وقۋ ورىندارىنداعى اسكەري كافەدرالاردا ستۋدەنت قىزدارعا ارنالعان ماماندىقتار اشىلدى، دەپ حابارلايدى ق ر قم باسپا ءسوز قىزمەتى.
اسكەري كافەدراعا وقۋعا ءتۇسۋ ءۇشىن قىز بالالارعا مەديسينالىق كۋالاندىرۋدان ءوتىپ، دەنە دايارلىعى بويىنشا نورماتيۆتەر مەن پسيحولوگيالىق تەستىلەۋ تاپسىرۋ قاجەت. بارلىق وسى كورسەتكىشتەر كوميسسيا وتىرىسىندا قارالادى.
«اسكەري كافەدرادا ءبىلىم بەرە وتىرىپ، ءبىز قىزدارعا بىردەن ق ر قارۋلى كۇشتەرىنىڭ وفيسەرى رەتىندە ءوزىن ايقىنداۋعا مۇمكىندىك بەرەمىز. ءادىل بولۋ ءۇشىن جانە بىردە-بىر جوعارى وقۋ ورنىنىڭ بويجەتكەندەرى نازاردان تىس قالماۋ ءۇشىن ءبىز كافەدرانى بارلىق جوعارى وقۋ ورىندارىندا اشتىق. وقۋ اياقتالعاننان كەيىن بارلىق ۇيرەنۋشىلەرگە «زاپاستاعى لەيتەنانت» اسكەري اتاعى بەرىلەدى جانە ولار اۆتوماتتى تۇردە ق ر قارۋلى كۇشتەرىنىڭ جۇمىلدىرۋ رەزەرۆىسىنە ەنگىزىلەدى»، - دەدى ق ر قم ءبىلىم جانە عىلىم دەپارتامەنتىنىڭ باستىعى ايگۇل تولەمبايەۆا.
«ءبىزدىڭ اسكەري كافەدرادا قىزدار ءتورت ماماندىق بويىنشا دايىندىقتان وتەدى. ستۋدەنت قىزداردىڭ كوبىسى بولاشاقتا وزدەرىنىڭ ءومىرىن ق ر قارۋلى كۇشتەرىندە قىزمەت ەتۋمەن بايلانىستىرۋدى جوسپارلايدى. بەرىلگەن تاپسىرمالاردى قىزدار ءساتتى ورىندايدى. جانە مەنىڭ ويىمشا، ولاردىڭ ءبىرشاماسى ءارى قاراي قىزمەت جاساۋعا دايىن»، - دەدى قازاق-گۋمانيتارلىق زاڭ ۋنيۆەرسيتەتىنىڭ اسكەري كافەدرا باستىعى، زاپاستاعى پولكوۆنيك امانگەلدى يبرايەۆ.
You Might Also Like
-
جاقىن ارادا قازاقستاندىق جالپى جانە ورتا ءبىلىم بەرەتىن مەكتەپتەردە «نازاربايەۆتانۋ» ءپانى ەنگىزىلۋى مۇمكىن، - دەپ حابارلايدى Tengrinews.kz. بۇل يدەيانىڭ اۆتورى شىمكەنت ۋنيۆەرسيتەتىنىڭ پروف...
-
كۇيەۋىنىڭ قولى ءتيىپ كەتكەن ەدى. بۇرىنعى سەزىممەن قوسىلىپ تۇرمىسقا شىققان كوڭىلىندە سودان كەيىن وعان دەگەن پايدا بولعان وكپە مە، رەنىش پە، ايتەۋىر، بىردەڭە بۇرىنعى وعان ارنالعان جۇرەگىندەگى سۇيىسپەن...
