InfoHub Logo

ق ر ءبىلىم جانە عىلىم مينيسترلىگى جاڭا وقۋ جىلىندا باكالاۆر ستۋدەنتتەرىنىڭ قالاي وقيتىنىن ءتۇسىندىردى.

باكالاۆريات. 1 كۋرس

كۇزگى سەمەستر قاشىقتان ۇيىمداستىرىلادى جانە 1 قىركۇيەكتەن باستالادى. بۇل كۇنى بارلىق شارالار ونلاين رەجيمدە وتەدى. 1 كۋرس ستۋدەنتتەرىنە جوو ساياساتىمەن جانە قاشىقتان وقىتۋ فورماتىمەن تانىسۋ ءۇشىن 24 تامىزدان باستاپ ونلاين رەجيمدە اپتالىق وتەدى. شالعاي جانە ينتەرنەتى جوق وڭىرلەردەن كەلگەن جانە وقۋ قۇرالى (نوۋتبۋك جانە ت.ب.) جوق ءبىلىم الۋشىلار كورپۋسقا بارماي-اق ونلاين وقىتۋدى قامتاماسىز ەتەتىن كومپيۋتەرلىك تەحنيكاسى بار جاتاقحانالاردا تۇرۋعا بولادى.

باكالاۆريات. 2-4 كۋرس

2-4 كۋرس ستۋدەنتتەرىنە وقۋ 1 قىركۇيەكتە باستالادى. 20 تامىزدان باستاپ جوو-لار ءوز ستۋدەنتتەرىمەن ونلاين كەزدەسۋلەر وتكىزەدى. پەداگوگيكالىق، گۋمانيتارلىق، الەۋمەتتىك جانە IT-باعىتتار بويىنشا وقۋدى تولىق قاشىقتىقتان وقىتۋ فورماتىنا كوشىرۋ ۇسىنىلادى. ال جاراتىلىستانۋ عىلىمدارى، تەحنيكالىق، اۋىل شارۋاشىلىعى، دەنساۋلىق ساقتاۋ جانە ونەر باعىتتارى بويىنشا ارالاس وقىتۋ فورماتى كوزدەلگەن. دارىستەر مەن سەمينارلار ونلاين فورماتتا، زەرتحانالىق، پراكتيكالىق جانە ستۋديالىق ساباقتار – كامپۋس اۋماعىندا وتەدى، ءبىراق قازان ايىنان كەيىن باستالادى.

وفلاين رەجيمدە وتەتىن پاندەر تۋرالى اقپارات الۋ ءۇشىن ستۋدەنتتەر جوعارى وقۋ ورىندارىنا جۇگىنۋى كەرەك. شالعاي جانە ينتەرنەتى جوق وڭىرلەردەن كەلگەن جانە وقۋ قۇرالى (نوۋتبۋك جانە ت.ب.) جوق ستۋدەنتتەر كورپۋسقا بارماي-اق ونلاين وقىتۋدى قامتاماسىز ەتەتىن كومپيۋتەرلىك تەحنيكاسى بار جاتاقحانالاردا تۇرا الادى.

---