بالاباقشاعا ورىندى ۇلەستىرۋدىڭ جاڭا جۇيەسى بەلگىلى بولدى
ق ر ءبىلىم جانە عىلىم ءمينيسترى اسحات ايماعامبەتوۆ بالاباقشامەن 100 پايىزعا قامتۋ قاي كەزەڭدە شەشىلەتىنىن ايتتى.
«مەملەكەت باسشىسىنىڭ جولداۋىندا ءبىلىم مەن عىلىم سالاسىن دامىتۋ بويىنشا تاپسىرمالار بەرىلدى. بۇل تاپسىمالاردى ىسكە اسىرۋدى قامتاماسىز ەتۋ بويىنشا جۇمىستى باستادىق. باستى باعىتتارىنا توقتالساق، 6 جاسقا دەيىنگى بالالاردى بالاباقشامەن 100 پايىز قامتۋ جونىندەگى مىندەت 2025 جىلعا قاراي كەزەڭ-كەزەڭمەن ىسكە اسىرىلادى»، — دەدى مينيستر ۇكىمەت وتىرىسىندا.
ونىڭ ايتۋىنشا، بۇل جۇمىس جەكەمەنشىك بالاباقشالاردىڭ ۇلەسىن كوبەيتۋ ارقىلى ورىندالادى.
«قازىرگى جاعدايدا قاي بالاباقشا مەملەكەتتىك تاپسىرىستى الاتىنىن اۋدان، قالا ءبىلىم بولىمدەرى شەشسە، ال بۇدان كەيىن ونى اتا-انالاردىڭ وزدەرى ۆاۋچەرلىك قارجىلاندىرۋ پرينسىپىمەن شەشەتىن بولادى. ياعني، ناقتى ءبىر بالانىڭ بالاباقشاعا كەزەگى كەلگەندە، اتا-اناسى ۆاۋچەردى الىپ، ونى ءوزى قالاعان بالاباقشاعا بەرۋگە مۇمكىندىك الادى. بۇل سايكەسىنشە، باسەكەلەستىكپەن بىرگە ساپانى دا كوتەرەتىنى ءسوزسىز»، — دەدى ا. ايماعامبەتوۆ.
You Might Also Like
-
ق ر ءبىلىم جانە عىلىم مينيسترلىگى جاڭا وقۋ جىلىندا باكالاۆر ستۋدەنتتەرىنىڭ قالاي وقيتىنىن ءتۇسىندىردى.
-
ۇزدىكسىز ءبىلىم بەرۋ تۇجىرىمداماسىن ازىرلەۋ قازىرگى ۋاقىتتا ەرەكشە ماڭىزعا يە. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى.
