قازاقستاندا مۇگەدەكتىك بەلگىلەۋ پروسەسى جەڭىلدەتىلۋدە
2025 جىلدىڭ باسىنان باستاپ مۇگەدەكتىك توبىن انىقتاۋ ءۇشىن مەديسينالىق-الەۋمەتتىك ساراپتامانى (ءماس) سىرتتاي جۇرگىزۋ جوباسى ىسكە قوسىلدى. بۇل پيلوتتىق جوبا اياسىندا قازاقستاننىڭ بارلىق وڭىرلەرىندە 24،5 مىڭ ءوتىنىم قارالدى. قازىرگى تاڭدا سىرتتاي كۋالاندىرۋ 30 ءتۇرلى اۋرۋ بويىنشا جۇرگىزىلۋدە.
2024 جىلى 96،9 مىڭ ءوتىنىم سىرتتاي قارالىپ، بۇل جالپى كۋالاندىرىلعان مۇگەدەكتىگى بار ازاماتتاردىڭ 37،4%-ىن قۇرادى.
جاڭا جۇيە قالاي جۇمىس ىستەيدى؟
مۇگەدەكتىك توبىن بەلگىلەۋ ءۇشىن ازامات تۇرعىلىقتى جەرىندەگى ەمحاناعا جۇگىنىپ، قاجەتتى تەكسەرۋدەن وتەدى. قالعان بارلىق پروسەسس اۆتوماتتاندىرىلعان جۇيە ارقىلى جۇرگىزىلەدى، ازاماتتىڭ جەكە قاتىسۋىنسىز جۇزەگە اسادى.
بۇل جۇيەنىڭ ارتىقشىلىقتارى:
اكىمشىلىك جانە بيۋروكراتيالىق كەدەرگىلەر جويىلادى
ءماس شەشىمدەرىنىڭ اشىقتىعى قامتاماسىز ەتىلەدى
قىزمەتتەردى ۇيدەن شىقپاي-اق الۋ مۇمكىندىگى
قىزمەت الۋشى مەن قىزمەت بەرۋشىنىڭ تىكەلەي بايلانىسىن بولدىرمايدى، بۇل ءوز كەزەگىندە سىبايلاس جەمقورلىق تاۋەكەلدەرىن ازايتادى
بۇل باستاما ۇلتتىق قوعامدىق سەنىم كەڭەسىنىڭ VI وتىرىسىندا مەملەكەت باسشىسى بەرگەن تاپسىرماعا سايكەس ىسكە اسىرىلۋدا. ق ر ەڭبەك جانە حالىقتى الەۋمەتتىك قورعاۋ مينيسترلىگى دەنساۋلىق ساقتاۋ جانە سيفرلىق دامۋ مينيسترلىكتەرىمەن بىرلەسىپ، بارلىق 20 وڭىردە پيلوتتىق رەجيمدە سىرتتاي مەديسينالىق-الەۋمەتتىك ساراپتامانى ەنگىزدى.
جاڭا جۇيە مۇگەدەكتىگى بار ادامداردىڭ قۇقىعىن قورعاۋعا جانە ولاردىڭ ءومىرىن جەڭىلدەتۋگە باعىتتالعان ماڭىزدى قادام بولماق.
You Might Also Like
-
قازاقستان پرەزيدەنتى قاسىم-جومارت توقايەۆ اقش پرەزيدەنتى دونالد ترامپ پەن رەسەي پرەزيدەنتى ۆلاديمير پۋتين اراسىنداعى ۋكراينا ماسەلەسى بويىنشا تەلەفون ارقىلى وتكەن كەلىسسوزدەردىڭ ناتيجەسىن قولدايتىن...
-
ءماجىلىس دەپۋتاتتارى جىنىس اۋىستىرۋعا زاڭ جۇزىندە تىيىم سالۋ باستاماسىن كوتەردى. بۇل ماسەلە بويىنشا دەپۋتات ماگەررام ماگەرراموۆ ۇكىمەت باسشىسىنا ساۋال جولداپ، جىنىس اۋىستىرۋ رۇقساتىن قايتا قاراۋ قاج...
