قازاقستاندا ەۋروپالىق يممۋنداۋ اپتالىعى باستالدى
قازاقستاندا 27 ءساۋىر مەن 3 مامىر ارالىعىندا ەۋروپالىق يممۋنداۋ اپتالىعى وتۋدە. بيىل شارا «بارلىعىن يممۋنداۋعا قول جەتكىزۋ – ءبىزدىڭ قولىمىزدا» ۇرانىمەن ۇيىمداستىرىلىپ وتىر.
اپتالىقتىڭ باستى ماقساتى – ۆاكسيناسيانىڭ ءومىردى ساقتاۋداعى ماڭىزدىلىعىن ەسكە سالۋ. ەگۋدىڭ ارقاسىندا ەلىمىزدە 1996 جىلدان بەرى پوليوميەليت، 2009 جىلدان باستاپ ديفتەريا اۋرۋلارى تىركەلمەگەن. سونداي-اق ەپيدپاروتيتپەن سىرقاتتانۋ 100 ەسەدەن، ا گەپاتيتى 32 ەسە، ۆ گەپاتيتى 92 ەسە، ال قىزامىقپەن سىرقاتتانۋ 2000 ەسەدەن استام تومەندەدى.
قازىرگى تاڭدا ۇلتتىق يممۋنداۋ باعدارلاماسى 21 ينفەكسيادان قورعاۋدى قامتاماسىز ەتەدى. دەگەنمەن سوڭعى ۋاقىتتا قىزىلشا جانە كوكجوتەل بويىنشا ەپيدەميولوگيالىق جاعداي الاڭداتۋدا: قىزىلشا بويىنشا 75% جانە كوكجوتەل بويىنشا 87% جاعداي جوسپارلى ۆاكسيناسيا الماعان بالالار اراسىندا تىركەلگەن.
جاڭا وزگەرىستەرگە ساي، 2024 جىلدان باستاپ ۇلتتىق ۆاكسيناسيا كۇنتىزبەسىنە 11-13 جاس ارالىعىنداعى قىزدارعا ادام پاپيللوما ۆيرۋسىنا (اپۆ) قارسى ەگۋ ەنگىزىلدى. ءقازىردىڭ وزىندە ءبىر دوزامەن 133 169 قىز، ال ەكى دوزامەن 21 194 قىز ەگىلگەن.
You Might Also Like
-
ءوزىن-وزى قول جۇمساۋ — قازىرگى قوعامداعى ەڭ اۋىر جانە كۇردەلى پسيحولوگيالىق ماسەلەنىڭ ءبىرى.
-
باسى داۋعا قالعان بلوگەر Daricorn بۋللينگە ۇشىراعان بالانىڭ وتباسىنان كەشىرىم سۇرادى،دەپ حابارلايدى Infohub.kz.
