جامبىلدا ءۇش ءبۇلدىرشىن گازدان ۋلانىپ كوز جۇمدى: وتباسىعا قولداۋ كورسەتىلۋدە
جامبىل وبلىسىنىڭ مەركى اۋدانىندا ءۇش بىردەي بالانىڭ ءومىرى مەزگىلسىز ءۇزىلىپ، ەلدى ەسەڭگىرەتكەن وقيعا تىركەلدى. 4، 6 جانە 8 جاستاعى قىز بالالار ءيىس گازىنان ۋلانعان. الدىن الا مالىمەت بويىنشا، ولاردىڭ اناسى سول كۇنى جالدامالى پاتەردە بالالارىن جالعىز قالدىرعان.
ايەل ۇيگە ورالعاندا گازدىڭ وتكىر ءيىسىن سەزىپ، دەرەۋ قىزدارىن اۋرۋحاناعا جەتكىزبەك بولعانىمەن، دارىگەرلەر ولاردىڭ ءومىرىن ساقتاپ قالا المادى.
جەرگىلىكتى بيلىك مارقۇم بالالاردىڭ وتباسىنا ءتيىستى الەۋمەتتىك كومەكتىڭ تۇراقتى تۇردە بەرىلىپ كەلگەنىن ايتتى.
"وتباسى اتاۋلى الەۋمەتتىك كومەكپەن، بىررەتتىك جاردەماقىمەن، اليمەنتپەن جانە مەكتەپ فورماسىنا ارنالعان قاراجاتپەن قامتاماسىز ەتىلگەن. اناسى 2025 جىلدىڭ قاڭتارىنان بەرى رەسمي جۇمىس ىستەگەن"، – دەپ حابارلادى اكىمدىك.
قايعىلى جاعدايدان كەيىن وتباسىعا پسيحولوگيالىق جانە الەۋمەتتىك قولداۋ كورسەتۋ ءۇشىن ارنايى جۇمىس توبى قۇرىلعان.
You Might Also Like
-
ۆولونتەر پەريزات قايراتتىڭ ءىسى بويىنشا تەرگەۋ اياقتالدى.كەلتىرىلگەن زالال مولشەرى - 3،5 ملرد تەڭگە. سوت الدىندا ونىمەن بىرگە اناسى دا جاۋاپ بەرەدى.
-
قاندى وقيعا بويىنشا ايىپتالعان توعىز كۇدىكتىنىڭ ءبىرى – مەكتەپ وقۋشىسى دۋمان ىسقاققا مارقۇم شەرزات پولاتتىڭ تۋىستارى كەشىرىم بەردى. مارقۇمنىڭ اكەسى ونىڭ بۇل ىسكە مۇلدە قاتىسى جوق ەكەنىن، ءتىپتى وقيعا...
