مۇناي باعاسى قايتا تومەندەدى: Brent پەن WTI قۇنى قۇلدىراپ جاتىر
الەمدىك نارىقتا مۇناي باعاسى ەكى كۇن قاتارىنان تومەندەپ، ينۆەستورلار مەن ترەيدەرلەردىڭ الاڭداۋشىلىعىن تۋدىردى. Brent ماركالى مۇناي ءبىر تاۋلىكتە 3 پايىزعا ارزانداپ، باررەلى 64 دوللار 65 سەنتكە دەيىن تومەندەدى. ال WTI مۇنايى 2 پايىزعا قۇنسىزدانىپ، قازىرگى ۋاقىتتا 61 دوللار 74 سەنت شاماسىندا ساۋدالانۋدا.
باعانىڭ قۇلدىراۋىنا اقش پەن يران اراسىنداعى گەوساياسي جاعدايدىڭ وزگەرۋى اسەر ەتتى. بۇعان دەيىن اق ءۇي مەن جۇڭگو اراسىنداعى ساۋدا كەلىسىمى نارىققا تۇراقتىلىق سىيلاعانىمەن، سوڭعى كەزدەرى يرانمەن جۇرگىزىلگەن كەلىسسوزدەر مۇناي نارىعىنا جاڭا بەلگىسىزدىك الىپ كەلدى. ەگەر تاراپتار ورتاق مامىلەگە كەلىپ، تەگەرانعا سالىنعان سانكسيالار جويىلسا، يران مۇنايى قايتا ەكسپورتقا شىعۋى مۇمكىن. بۇل ءوز كەزەگىندە مۇناي ۇسىنىسىنىڭ ارتىپ، باعانىڭ ودان ءارى تومەندەۋىنە سەبەپ بولماق.
ساراپشىلاردىڭ ايتۋىنشا، مۇناي نارىعى الداعى ۋاقىتتا دا ساياسي شەشىمدەرگە تاۋەلدى بولا بەرەدى.
You Might Also Like
-
الماتى حالىقارالىق اۋەجايى جاڭا دامۋ كەزەڭىنە قادام باسىپ وتىر. قازاقستاننىڭ كولىك مينيسترلىگى، الماتى اكىمدىگى، «الماتى حالىقارالىق اۋەجايى» اق جانە TAV Holding اراسىندا ىنتىماقتاستىق تۋرالى مەمور...
-
مەملەكەت باسشىسى قاسىم-جومارت توقايەۆتىڭ توراعالىعىمەن قاۋىپسىزدىك كەڭەسىنىڭ وتىرىسى ءوتىپ، وندا ەلىمىزدىڭ كولىك-لوگيستيكا سالاسىن دامىتۋ ماسەلەلەرى قارالدى. جيىن بارىسىندا كولىك ءمينيسترى مارات قاراب...
