قازاقستاندا وقۋشىلار 1 قىركۇيەكتەن باستاپ ءبىرىنشى توقسانداعى ساباقتاردى قاشىقتان وقيدى
قازاقستاندا وقۋشىلار 1 قىركۇيەكتەن باستاپ ءبىرىنشى توقساندى قاشىقتان وقيتىن بولدى.
ۇكىمەت وتىرىسىندا ءسوز سويلەگەن ءبىلىم جانە عىلىم ءمينيسترى اسحات ايماعامبەتوۆ باستى باسىمدىق — بالالار مەن مۇعالىمدەردىڭ ءومىرى مەن دەنساۋلىعى ەكەنىن جەتكىزدى.
«وسىعان قاراي كەلەسى شەشىمدەردى ۇسىنامىن: بىرىنشىدەن، شالعايدا ورنالاسقان شاعىن جيناقتى مەكتەپتەردى قوسپاعاندا 1 قىركۇيەكتەن باستاپ ەلىمىزدىڭ بارلىق مەكتەبىندەگى 1-11 سىنىپ وقۋشىلارى ءۇشىن وقۋ جىلىنىڭ العاشقى توقسانىن قاشىقتان وقىتۋ فورماتىندا وتكىزۋ»، — دەدى ول.
ءوز كەزەگىندە ۇكىمەت باسشىسى اسقار مامين دەنساۋلىق ساقتاۋ مەن ءبىلىم جانە عىلىم، سيفرلاندىرۋ مينيسترلىكتەرى بويىنشا 1 قىركۇيەكتەن باستاپ ورتا مەكتەپتەردە ءبىرىنشى توقساندى قاشىقتان وقىتۋ فورماتىندا وتكىزۋگە دايىن بولۋىن قامتاماسىز ەتۋدى تاپسىردى.
«قاجەت بولعان جاعدايدا باستاۋىش سىنىپ وقۋشىلارى اتا-انالارىنىڭ جازباشا وتىنىشتەرى بويىنشا سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ، كەزەكشى سىنىپتاردىڭ قىزمەتىن قامتاماسىز ەتۋدى تاپسىرامىن»، — دەدى ول.
You Might Also Like
-
ايبەكتىڭ كوكەسى جاقسى جاڭالىق اكەلدى. جاڭا پاتەر الاتىن بوپتى. «الاتاۋ» شاعىن اۋدانىنان. ءۇشىنشى پودەزد. توعىزىنشى قابات.
-
ەگەر اتا-انالاردىڭ وتىنىشتەرى بولسا، باستاۋىش سىنىپتار بويىنشا ۋاقىتشا سىنىپتاردى اشىپ بەرۋگە دايىنبىز. بۇل تۋرالى ورتالىق كوممۋنيكاسيالار قىزمەتىندە وتكەن ونلاين-بريفينگتە ق ر ءبىلىم جانە عىلىم ميني...
