قازاقستانداعى ۇستازدارعا 8 ناۋرىزعا وراي گۇل سىيلاۋعا بولا ما
ءبىلىم جانە عىلىم ۆيسە-مينيسترى ەلميرا سۋحانبەردييەۆا 8 ناۋرىز مەرەكەسىندە ۇستازدارعا گۇل سىيلاۋعا ەشكىم تىيىم سالماعانىن ءمالىم ەتتى.
«بۇل سۇراق ءقازىر كوپ اتا-انانى الاڭداتىپ وتىر ەكەن. ويتكەنى، مينيسترلىككە قوڭىراۋ شالىپ، سۇراق قويعان اتا-انالار كوپ بولدى. ءبىراق، 8 ناۋرىز مەرەكەسىنە وراي، ءبىزدىڭ قۇرمەتتى ۇستازدارعا گۇل سىيلاماسىن دەگەن قاۋلى بولعان جوق، بولمايدى دا، بولعان دا ەمەس. ءقازىر ءبىز ءتيىستى ورگاندارعا حات جىبەرىپ، ولاردىڭ ايماعىندا سونداي قاۋلى بولدى ما دەگەن ماسەلەنى تەكسەرىپ جاتىرمىز. ال، قازاقستان رەسپۋبليكاسىنىڭ ءبىلىم جانە عىلىم مينيسترلىگى بۇكىل جەرگىلىكتى ورگاندارعا، اۋداندىق، وبلىستىق ءبىلىم باسقارمالارىنا مۇنداي قاۋلى جولداعان جوق. بۇنى رەسمي تۇردە مالىمدەگىمىز كەلەدى»، - دەدى ۆيسە-مينيستر.
ەستەرىڭىزگە سالا كەتەيىك، الەۋمەتتىك جەلىدە 8 ناۋرىز مەرەكەسىنە وراي قازاقستاندىق ۇستازدارعا ەندى سىيلىق جاساۋعا، سونىڭ ىشىندە گۇل سىيلاۋعا بولمايدى دەگەن اقپارات تارادى. «بۇل تۋرالى قارجى پوليسياسى ەسكەرتتى» دەگەن اقپاراتتا ۇستازدارعا سىيلانعان كەز كەلگەن سىيلىق پارا بولىپ ەسەپتەلەتىنى دە ايتىلعان بولاتىن.
You Might Also Like
-
بۇگىن ورتالىق كوممۋنيكاسيالار قىزمەتىندە بريفينگ وتكىزگەن ءبىلىم جانە عىلىم مينيسترلىگىنىڭ وكىلدەرى «قازاق ءتىلى» مەن «قازاق ادەبيەتى» پاندەرى جالپى جىكتەۋىشتەن الىنباعانىن رە...
