قازاقستاندىق وقۋشىلار قاي كۇندەرى قىسقى دەمالىسقا شىعادى
قازاقستاندىق مەكتەپتەردە ەكىنشى توقسان اياقتالىپ قالدى. قىسقى دەمالىس 2023 جىلدىڭ 29 جەلتوقسانىنان 2024 جىلدىڭ 7 قاڭتارىن قوسا العاندا 10 كۇنگە سوزىلادى.
وقۋ-اعارتۋ مينيسترلىگى مەكتەپ وقۋشىلارىنىڭ قىسقى دەمالىسىن جانە بوس ۋاقىتىن ءتيىمدى، ءارى تۇلعالىق دامىتۋ ماقساتىندا مەكتەپىشىلىك قىسقى كانيكۋل ءىس-شارالارىنىڭ جوسپارىن ازىرلەۋدە «ءبىرتۇتاس تاربيە باعدارلاماسىن» نەگىزگە الۋدى ۇسىنادى.
مەكتەپىشىلىك ءىس-شارا جوسپارىنا عىلىمي جوبا جۇمىستارى مازمۇنى تۋرالى اقپاراتتىق-تانىمدىق ساباقتار ۇيىمداستىرۋدا جوعارى سىنىپ وقۋشىلارى مەن اتا-انالار بىرلەسىپ، جوو وقىتۋشىلارىمەن كەزدەسۋ، عىلىمي جوبا تۋرالى سۇحبات جۇرگىزۋ ەنگىزىلگەن.
«بالالار كىتاپحاناسى» جوباسى اياسىندا – «ۇنەمى وقيتىن ادام – تابىستى ادام» تاقىرىبىندا وقىرماندارمەن كەزدەسۋ، وقىعان كىتاپتارى تۋرالى تالقىلاۋ بار.
«ۇلتتىق مەكتەپ ليگاسى» جوباسى نەگىزىندە – ءبىلىم الۋشىلاردىڭ دەنساۋلىعى مەن ءال-اۋقاتىن نىعايتۋدا ءبىلىم ۇيىمدارىمەن بىرلەسە «ۇلتتىق ويىن – ۇلت قازىناسى» سپورتتىق ويىندار وتكىزۋگە بولادى.
«وقۋعا قۇشتار مەكتەپ» جوباسىندا – «مەن وقىعان ءبىر ەرتەگى»، «پاراساتتىلىق تۋرالى» تاقىرىپتارىندا ءبىلىم الۋشىلارمەن اڭگىمەلەسۋ؛
«اتا-انالار مەكتەبى» جوباسىن ورىنداۋدا مينيسترلىك – «قىز نامىسى – ۇلت نامىسى»، «اكەڭنىڭ تورىنە سەنبە، ەتكەن ەڭبەگىنە سەن»، «وتباسىلىق تالانتتار» تاقىرىپتارىندا اتا-انالار جينالىستارىن وتكىزۋدى ۇسىنادى.
«قۇقىقتىق ساۋاتتىلىق پەن قۇقىقتىق مادەنيەتتى قالىپتاستىرۋ بويىنشا ءىس-شارالار ۇيىمداستىرۋ ۇسىنىلادى. اتاپ وتەيىك، اتالعان ءىس-شارالار ءبىلىم بەرۋ ۇيىمدارىنا ادىستەمەلىك ۇسىنىم رەتىندە جىبەرىلەدى»، - دەپ جازىلعان مينيسترلىك حابارلاماسىندا.
You Might Also Like
-
عالامتور تاريحى حح عاسىردىڭ 50 جىلدارىنان باستالادى. انىعىراق ايتار بولساق 1957 جىلى كسرو العاشقى جاساندى سەرىك جىبەرگەن كەزدەن باستاۋ الادى. العاشقى كومپيۋتەرلەر جارىق كورگەننەن كەيىن، ولاردى ءبىرت...
