InfoHub Logo

عالامتور تاريحى حح عاسىردىڭ 50 جىلدارىنان باستالادى. انىعىراق ايتار بولساق 1957 جىلى كسرو العاشقى جاساندى سەرىك جىبەرگەن كەزدەن باستاۋ الادى. العاشقى كومپيۋتەرلەر جارىق كورگەننەن كەيىن، ولاردى ءبىرتۇتاس جەلىگە بىرىكتىرىپ، اقپاراتپەن جىلدام الماسۋ يدەياسى پايدا بولدى. اقش ۇكىمەتىنىڭ بەلسەندى قولداۋىمەن، بۇل تاپسىرمانى ورىنداۋعا ARPA دەپ اتالاتىن عىلىمي جوبالار اگەنتتىگى كىرىستى. ولار 1967 جىلى ARPANET پاكەتتىك جەلىسىن ۇسىنىپ، 1969 جىلى 2 قىركۇيەكتە لەونارد كلەينروك باستاعان عالىمدار توبى كابەل ارقىلى ءبىر كومپيۋتەردەن ەكىنشى كومپيۋتەرگە دەرەكتەردى تابىستاۋ ارناسىن قۇردى. ەكى كومپيۋتەردى بىردەن جەلىگە قوسۋ امالى ءساتسىز اياقتالعانىمەن، بۇل باعىتتا ۇلكەن قادام جاسالدى.

1969 جىلدىڭ 29 قازانىندا بىر-بىرىنەن 640 كم قاشىقتىقتا ورنالاسقان ەكى كومپيۋتەر اراسىندا جەلىلىك بايلانىستى ورناتۋ ارەكەتى جاسالدى. وسى جولى عالىمدار ءوز ماقساتىنا جەتىپ، بۇل ءساتتى ينتەرنەتتىڭ تۋعان كۇنى دەپ اتاۋعا بولادى. 1973 جىلى ARPANET حالىقارالىق دەڭگەيدە دامىپ، ۇلىبريتانيا مەن نورۆەگياداعى جەلىلەردى بىرىكتىردى. 1983 جىلى 1 قاڭتاردا ARPANET NCP حاتتاماسىنان TCP/IP-گە اۋىستى، بۇل حاتتاما قازىرگى ۋاقىتتا دا جەلىلەردى بىرىكتىرۋ ءۇشىن قولدانىلادى. 1984 ولارعا «NSFNet» دەپ اتالاتىن مىقتى باسەكەلەس تابىلدى. ونىڭ قۇرامىنا كوپتەگەن شاعىن جەلىلەر كىرىپ، وتكىزۋ قابىلەتتىلىگى ARPANET-كە قاراعاندا ەداۋىر جوعارى بولدى. وسى فاكتور، NSFNet كومپيۋتەرلىك جەلىسىنىڭ الدىڭعى قاتارعا شىعۋىنا سەبەپ بولدى.

ءبىز بىلەتىن بۇكىلالەمدىك ينتەرنەت جەلىسىنىڭ ىرگەسىن بريتاندىق تيم بەرنەس-لي ەسىمدى عالىم قالادى. ول كوپتەگەن گيپەرماتىندىك قۇجاتتاردى ءبىرىڭعاي جۇيەگە بىرىكتىرىپ، ولارعا جەلىدەگى كەز-كەلگەن تەحنيكالىق توراپتان قوسىلۋعا مۇمكىندىك جاسادى. 1991 جىلى CERN دەپ اتالاتىن ەۋروپالىق فيزيكا زەرتحاناسى ايگىلى — www (World Wide Web) حاتتاماسىن قۇردى. ال، 1993 جىلى مارك اندرەەسەن Mosaic ۆەب-براۋزەرىن جاساپ شىعارعان سوڭ، عالامتور قولدانۋشىلارىنىڭ سانى 2 ميلليوننان اسىپ، سايتتاردىڭ سانى 600-گە جەتتى.

وقۋعا كەڭەس بەرەمىز:

ينتەرنەت تاريحى

5G جايلى 5 ميف

سپام دەگەنىمىز نە؟

قوعامدىق ورىنداردا Wi-Fi-دى قولدانباۋ كەرەكتىگىنىڭ 8 سەبەبى

---