InfoHub Logo

قازاقستان ۇلتتىق بانكى بازالىق مولشەرلەمەنى 18%-دان 17%-عا دەيىن تومەندەتۋ تۋرالى شەشىم قابىلدادى. بۇل قادام ەلدەگى دەپوزيتتەرگە قالاي اسەر ەتەدى جانە حالىق ءوز اقشاسىن بانكتەردەن الا باستاي ما دەگەن سۇراقتار تۋىندادى.

بۇل تۋرالى Infohub.kz اقپارات اگەنتتىگى حابارلايدى.

دەپوزيتتەر ءالى دە ءتيىمدى بولادى

ۇلتتىق بانك ءتوراعاسى تيمۋر سۇلەيمەنوۆتىڭ ايتۋىنشا، بازالىق مولشەرلەمەنىڭ تومەندەۋى دەپوزيتتەرگە دە اسەر ەتەدى. الايدا، ول قازاقستاندىقتار ءۇشىن دەپوزيتتەر ءالى دە ءتيىمدى بولاتىنىن اتاپ ءوتتى.

«دەپوزيتتەردىڭ مولشەرلەمەسى ادەتتە بازالىق مولشەرلەمەنىڭ وزگەرۋىنە سايكەس كەلەدى. ءبىراق ەڭ باستىسى – ينفلياسيا مەن دەپوزيت مولشەرلەمەسى اراسىنداعى ايىرماشىلىق. قازىرگى ينفلياسيا 10،4% بولسا، دەپوزيت مولشەرلەمەسى شامامەن 19،2% قۇرايدى. ەگەر مولشەرلەمە 1%-عا تومەندەسە دە، دەپوزيتتەر ينفلياسيانى ءالى دە جابا تۇسەدى»، – دەدى سۇلەيمەنوۆ.

بانك جۇيەسىنە سەنىم مول

ۇلتتىق بانك باسشىسى دەپوزيتتەر كولەمىنىڭ كۇرت ازاياتىنىن كۇتپەيتىنىن جەتكىزدى. سەبەبى، دەپوزيتتەر ءالى دە قاراجاتتى ساقتاۋدىڭ تارتىمدى قۇرالى بولىپ قالا بەرمەك. ول قازاقستاننىڭ بانك جۇيەسىنىڭ مىقتىلىعىن جانە دەپوزيتتەردىڭ مەملەكەتتىك قورمەن كەپىلدەندىرىلگەنىن ەرەكشە اتاپ ءوتتى. بۇل ولاردى باسقا ينۆەستيسيالىق قۇرالدارعا قاراعاندا ءقاۋىپسىز ەتەدى.

باعالى قاعازدار نارىعىن دامىتۋ قاجەت

سونىمەن قاتار، تيمۋر سۇلەيمەنوۆ قازاقستاندىقتاردىڭ تەك جىلجىمايتىن مۇلىك پەن دەپوزيتتەرگە عانا ەمەس، باعالى قاعازدار نارىعىنا دا ينۆەستيسيا سالۋى ءۇشىن ونى دامىتۋ كەرەكتىگىن ايتتى. بۇل حالىقتىڭ اقشاسىن ءارتاراپتاندىرۋعا جانە ەكونوميكانىڭ وسۋىنە ىقپال ەتەدى.