InfoHub Logo

«قازاقتىڭ باعى دا، بايلىعى دا – تاۋەلسىزدىك!»

ماقساتى: قازاقستان رەسپۋبليكاسىنىڭ تاۋەلسىزدىككە جەتۋ جولىنداعى ايشىقتى ىسىنە شولۋ جاساپ تۇسىنىك بەرۋ؛ وقۋشىلاردىڭ ويلاۋ قابىلەتى مەن سويلەۋ مادەنيەتىن ارتتىرۋ جانە ەلىن سۇيەتىن ۇلتجاندى ازامات ەتىپ تاربيەلەۋ.
كورنەكىلىگى: سۋرەتتەر، پرەزەنتاسيا، ۇلاعاتتى سوزدەر.

تاربيە ساعاتىنىڭ بارىسى:
1 - جۇرگىزۋشى (تۋرتكارايەۆا ايدانا):
قازاقستان – كوك بايراقتى نۇر ەدىڭ،
سەن دەگەندە لۇپىلدەيدى جۇرەگىم.
ءوزىڭ مەنىڭ قۋانىشىم، باقىتىم،
ءوزىڭ مەنىڭ ماقتانىشىم، تىرەگىم.
قىران قۇسىم كوك اسپاندا سامعاسىن،
جەلبىرەسىن كوك بايراعىڭ سان عاسىر
جاس ۇلاندار، بەرىك ۇستا تۋىڭدى
جارقىراتىپ تۋعان ەلدىڭ تاڭباسىن!

ءانۇران ورىندالادى.
2 - جۇرگىزۋشى ( ورىنباسار احمەت):
قۇرمەتتى ۇستازدار مەن وقۋشىلار، اتا – انالار، بۇگىنگى كەشكە قاتىسۋشى قوناقتار! 16 جەلتوقسان قازاقستاننىڭ تاۋەلسىزدىك العان كۇنىنە ارنالعان «قازاقتىڭ باعى دا، بايلىعى دا – تاۋەلسىزدىك» اتتى كەشىمىزگە قوش كەلدىڭىزدەر!
1 - جۇرگىزۋشى (تۋرتكارايەۆا ايدانا):
تاۋەلسىزدىك – بۇل ەگەمەندى ەلىمىزدىڭ ەڭ بيىك تۇعىرى. بۇل تاۋەلسىزدىك جولىندا قانشاما عاسىردى باستان كەشىردىك. ازاماتتىق تۋى كوكتە جەلبىرەپ، بوستاندىق قىرانى كوگىمىزدە ەركىن سامعاپ قالىقتاۋى ءۇشىن وتكەلى قيىن، بۇرالاڭ جولداردان وتتىك. باتىرلىعىمىز بەن جىگەرلىگىمىزدىڭ جانە رۋحىمىزدىڭ جوعارلىعىنىڭ ارقاسىندا اڭساعان تاۋەلسىزدىككە دە قول جەتكىزدىك.

2 - جۇرگىزۋشى ( ورىنباسار احمەت):
مىنە بيىل تاۋەلسىزدىگىمىزدىڭ ارايلاپ اتقان تاڭىنا 22 جىل! وسى جىلدار ىشىندە ساياسي جۇيەسى تۇراقتى، ەكونوميكاسى دامىعان، باسەكەگە قابىلەتتى، حالىقارالىق بەدەلى زور قۋاتتى مەملەكەتكە اينالدىق.
1 - جۇرگىزۋشى (تۋرتكارايەۆا ايدانا):
ءبىز تاۋەلسىزدىككە قول جەتكىزۋ ارقىلى مادەنيەتىمىز بەن سالت – ءداستۇرىمىزدى، ءدىنىمىزدى، ءتىلىمىزدى قايتا وركەندەتتىك. تاۋەلسىزدىگىمىزدىڭ ءرامىزى سانالاتىن ءانۇرانىمىزدى، تۋىمىزدى، ەلتاڭبامىزدى جانە ءتول تەڭگەمىزدى سايلادىق. بىرلىگىمىز بەن بەيبىتشىلىگىمىزدىڭ نەگىزى كونستيتۋسيالىق زاڭدى بەكىتىپ، ايبارلى ايبارىمىزدى قۇردىق.

2 - جۇرگىزۋشى ( ورىنباسار احمەت):
كوپتەگەن ەلدەرمەن ەكونوميكالىق قارىم – قاتىناس ورناتۋ ارقىلى بۇكىل الەمگە قايتپاس قايسار قازاق دەگەن حالىقتىڭ بار ەكەندىگىن جاريا ەتتىك. ەندىگى ماقساتىمىز – باسەكەگە بارىنشا قابىلەتتى دامىعان ەلۋ ەلدىڭ قاتارىنا ەنۋ.
وقۋشىلار ولەڭ جولدارىن وقيدى.

1 - وقۋشى ( اتىگايەۆا اسەم):
مەن قازاقپىن مىڭ ءولىپ، مىڭ تىرىلگەن،
جورگەگىمدە تانىستىم مۇڭ تىلىمەن.
جىلاعاندا جۇرەگىم كۇن تۇتىلىپ،
قۋانعاندا كۇلكىمنەن ءتۇن تىرىلگەن.
2 - وقۋشى ( ۋتەگەنوۆ اليحان):
مەن قازاقپىن، بيىكپىن، بايتاق ەلمىن،
قايتا تۋدىم، ومىرگە قايتا كەلدىم.
مەن مىڭ دا ءتىرىلدىم ماڭگى ولمەسكە،
ايتا بەرگىم كەلەدى، ايتا بەرگىم.
ايتا بەرگىم كەلەدى، ايتا بەرگىم.

3 - وقۋشى ( يماش ديلناز):
مەن قازاقپىن قانىممەن، سۇيەگىممەن،
ءسان – سالتانات سالتىمدى سۇيەمىن مەن.
ب ا ق ورناتام باسىنا مولانىڭ دا،
مۇراگەرمىن وعان دا، يەمىن مەن.

4 - وقۋشى ( مۋستافايەۆ نۋرلىبەك):
تاعدىر مەنى ميراستان ارىلتپاسىن،
توقتاتپاسىن، توستىرىپ سارىلتپاسىن.
ۇزىن بولىپ اياققا ورالماسىن،
تۇساۋ بولىپ ادىمدى تارلتپاسىن.
ەكراننان پرەزەنتاسيا كورسەتىلىپ تۇرادى. باياۋ ءان ويناپ تۇرادى.

1 - جۇرگىزۋشى (تۋرتكارايەۆا ايدانا):
1991 جىل. قازاقستان رەسپۋبليكاسى تاۋەلسىزدىگى جاريالاندى.
تۇڭعىش قازاق عارىشكەرى توقتار اۋباكىروۆ عارىشقا ۇشتى.
2 - جۇرگىزۋشى ( ورىنباسار احمەت):
1992 جىل. قازاقستان رەسپۋبليكاسىنىڭ ىشكى اسكەرى قۇرىلدى.
4 - ماۋسىمدا مەملەكەتتىك رامىزدەر قابىلداندى.

1 - جۇرگىزۋشى (تۋرتكارايەۆا ايدانا):
1993 جىل. قازاقستان رەسپۋبليكاسىنىڭ ۇلتتىق ۆاليۋتاسى 15 - قاراشادا اينالىمعا ەنگىزىلدى.
2 - جۇرگىزۋشى ( ورىنباسار احمەت):
1994 جىل. ناۋرىز ايىندا تاۋەلسىز قازاقستان عارىشكەرى تالعات مۇسابايەۆ عارىشقا ۇشتى.
1 - جۇرگىزۋشى (تۋرتكارايەۆا ايدانا):
1995 جىل. 30 – تامىزدا قازاقستان رەسپۋبليكاسىنىڭ اتا زاڭى قابىلداندى.

قوستاناي قالاسى، ى. التىنسارين اتىنداعى
دارىندى بالالارعا ارنالعان مەكتەپ - ينتەرناتى
وتكىزگەن: سايپيلوۆا ا. س.