InfoHub Logo

ءال-فارابي اتىنداعى قازاق ۇلتتىق ۋنيۆەرسيتەتى
شىعىستانۋ فاكۋلتەتى،
قىتايتانۋ كافەدراسىنىڭ 4 كۋرس ستۋدەنتى
كالييەۆا نازىم
جەتەكشىسى : شارىپقازى ءنۇرتالىپ

مەكتەپتى بىتىرگەن سوڭ ، قاي ۋنيۆەرسيتەتتى تاڭدايتىنىمدى بىلمەدىم. مەن كوپتەگەن  ۋنيۆەرسيتەتتەر تۋرالى بارلىق اقپاراتتى وقىدىم، ءبىراق مەن قازۇۋ-دى تاڭدادىم. بۇل ۋنيۆەرسيتتەتى تاڭداعانىما وتە قۋانىشتىمىن. قازۇۋ قازاقستاننىڭ مەملەكەتتىك جوعارى وقۋ ورىندارىنىڭ اراسىندا  مىقتى ۋنيۆەرسيتەتتەردىڭ ءبىرى بولىپ تابىلادى. سەبەبى،ءبىز بىرىنشىدەن ۋنيۆەرسيتەتكە ەڭ جاقسى جانە ساپالى ءبىلىم الۋ ءۇشىن تۇسەمىز.

1934 جىلى ىرگەسى قالانعان ءبىلىم مەكەنى كۇننەن- كۇنگە الەمدىك ءبىلىم بەرۋ جۇيەسىندە وزىندىك ورنىن ايقىنداپ كەلەدى. بۇگىنگى كۇنى ۋنيۆەرسيتەتىمىزدە 20 000-عا جۋىق ستۋدەنت ءبىلىم الادى. ونىڭ دالەلى رەتىندە، بەلگىلى QS World University Ranking حالىقارالىق رەيتينگ اگەنتتىگىنىڭ 2018 جىلى جاريالاعان زەرتتەۋ قورىتىندىسىنا سايكەس، ءال-فارابي اتىنداعى قازاق ۇلتتىق ۋنيۆەرسيتەتى الەمدەگى ۇزدىك 800 ۋنيۆەرسيتەت اراسىندا 165 ورىنعا يە . بۇل دەڭگەيدە تمد ەلدەرى بويىنشا ەشقانداي وقۋ ورنى كىرمەيدى

جالپى دامۋ باعىتى حالىقارالىق ءبىلىم بەرۋ ستاندارتى بويىنشا قابىلدانعان ۋنيۆەرسيتەت بىلىكتى مامانداردى دايارلاۋعا، وندىرىسكە ەنگىزىلەتىن ىرگەلى جانە قولدانبالى زەرتتەۋلەردى دامىتۋعا باعىتتالعان كەڭ كولەمدەگى عىلىم، ءبىلىم، رۋحاني-تاربيەلىلىك، يننوۆاسيالىق جانە ءوندىرۋشى نەگىزىنە يە. بۇل وقۋ ورنى ەرتەڭگى ەل تىرەگى جاس ۇرپاقتى بىلىكتى مامان رەتىندە عانا ەمەس، قوعامدا وزىندىك ورنىن تابا بىلەتىن سانالى ازامات ەتىپ قالىپتاستىرۋدا دا ايرىقشا ءرول اتقارىپ وتىر. ۋنيۆەرسيتەتتە جاستاردىڭ جارقىن بولاشاعى ءۇشىن بارلىق جاعداي جاسالعان. اتاپ ايتساق، ەلىمىزدەگى ەڭ ءىرى كىتاپحانالاردىڭ ءبىرى- ءال-فارابي كىتاپحاناسى، ينتەرنەت ورتالىعى، «كەرەمەت» ستۋدەنتتەرگە قىزمەت كورسەتۋ ورتالىعى، ءو.جولداسبەكوۆ اتىنداعى ستۋدەنتتەر سارايى – ءبارى دە ءبىلىم الۋشى ستۋدەنتتەردىڭ يگىلىگى ءۇشىن ەرەكشە ورىندار بولىپ سانالادى. سونىمەن بىرگە، ۋنيۆەرسيتەت قۇرامىندا 20 عىلىمي-زەرتتەۋ ينستيتۋتى، 14 فاكۋلتەتتىڭ قۇرامىنداعى 98 كافەدرا جانە تەحنوپارك جۇمىس ىستەيدى.  ودان دا باسقا ءبىزدىڭ ۋنيۆەرسيتەتىمىز ستۋدەنتتەردى شەتەلگە وقۋعا جىبەرەدى. وسىنىڭ ءبارى وقۋ ورداسىنىڭ مەرەيىن ودان ءارى اسقاقتاتا تۇسەتىنى ءسوزسىز.

قازۇۋ - سىيلاستىق پەن شىنايى دوستىقتىڭ مەكەنى. قازۇۋ – ادامنىڭ تۇلعا بولىپ قالىپتاسۋىنا ىقپال ەتىپ، تۇلعانىڭ جان-جاقتى قابىلەتىن اشىپ كورسەتۋىنە مۇمكىندىك بەرەدى. سوندىكتان مەن قازۇۋدىڭ ستۋدەنتى بولعانىمدى ماكتان تۇتامىن جانە دە ومىرىمدەگى جەتىستىگىم دەپ سانايمىن.

---