InfoHub Logo

تۇلا بويى تاريحقا تۇنعان ەلىمىزدەگى ەڭ ۇزدىك جوعارى وقۋ ورىندارىنىڭ ءبىرى ءارى بىرەگەيى ءال-فارابي اتىنداعى قازاق ۇلتتىق ۋنيۆەرسيتەتى بۇگىندە الدىڭعى قاتارلى وقۋ ورنى بولىپ تابىلادى. قازاق حالقىنىڭ باعىنا قۇرىلىپ، بوي كوتەرگەن التىن ۇيامىز 1934 جىلدىڭ 15 قاڭتارىنان باستاپ ءوز قىزمەتىن رەسمي تۇردە باستاعان. قازىرگى كەزدە ءال-فارابي اتىنداعى قازاق ۇلتتىق ۋنيۆەرسيتەتى ەلىمىزدىڭ جەتەكشى كلاسسيكالىق ۋنيۆەرسيتەتى مارتەبەسىنە يە بولىپ وتىر. بۇگىنگى كۇنى ەلىمىزدەگى ءبىلىم مەن عىلىمنىڭ ءىرى ورتالىعىنا اينالىپ، ۋنيۆەرسيتەت يننوۆاسيالىق دامۋدىڭ كوشباسشىسىنا اينالدى. وتانىمىزداعى بىلىكتى ماماندار دايالاۋعا زور ۇلەس قوسىپ كەلە جاتقان ىرگەلى عىلىم ورداسى. 

ەلباسىنىڭ جولداۋىندا ايتىلعانداي «ءبىز ۋنيۆەرسيتەتتىك ءبىلىم مەن عىلىمدى دامىتۋدى جاڭا دەڭگەيمەن قامتاماسىز ەتۋگە مىندەتتىمىز» دەگەن بولاتىن. ۋنيۆەرسيتەتىمىز جان-جاقتى باعىتتا ءبىلىم بەرۋ باعدارلامالارى بويىنشا تابىستى وتكەن ۋنيۆەرسيتەت. ۋنيۆەرسيتەتتە كوپسالالى جوعارى كاسىبي ءبىلىم جۇيەسى بويىنشا كوپتەگەن ستۋدەنتتەر ءبىلىم الۋدا. قازاق ۇلتتىق ۋنيۆەرسيتەت قالاشىعىندا ءبىلىم الىپ جاتقان ستۋدەنتتەرگە بارلىق جاعداي جاسالعان. ياعني، ۋنيۆەرسيتەتىمىزدە وقىپ جاتقان ستۋدەنتتەر تەك ءبىلىم نارىمەن سۋسىنداپ قانا قويمايدى. ماسەلەن، ينتەرنەت ورتالىعى،  ءو.ا. جولداسبەكوۆ اتىنداعى ستۋدەنتتەر سارايى، تاماقتاندىرۋ كومبيناتى، ستۋدەنتتەرگە قىزمەت كورسەتۋ ورتالىعى «كەرەمەت»، كومپيۋتەرلى-تەحنيكالىق جابدىقتار، WI-FI سىمسىز ينتەرنەت جەلىسى، وقۋ بازاسىمەن قامتىلعان زاماناۋي باسپا-پوليگرافيالىق كەشەن، اۋقىمى كەڭ سپورتتىق كەشەن، دميتريي بالاندين اتىنداعى 25 مەترلىك ءجۇزۋ باسسەينى سياقتى ورتالىقتار ورنالاسقان. ونىمەن قوسا ەڭ باي كىتاپحانا –  ءال-فارابي اتىنداعى كىتاپحانا ورنالاسقان. كىتاپحانا ءوز كەزەگىندە قويناۋىندا 2 ميلليوننان استام كىتاپ قورى بار ءزاۋلىم مەكەمەدە كەز-كەلگەن ستۋدەنت وزىنە قاجەتتى مالىمەتتەرگە ەش قيىندىقسىز قول جەتكىزە الادى. ۋنيۆەرسيتەت ءوزىنىڭ جان-جاقتى قىزمەتىن كەڭ اۋقىمدا جۇرگىزىپ، قارقىندى دامىپ، جاستاردىڭ بويىندا ازاماتتىق، ۇلتجاندىلىق سەزىمدەرىن، ۇرپاقتار ساباقتاستىق ءداستۇرلى ءۇردىسىن قالىپتاستىرۋدا زور ەڭبەك ەتۋدە.

تاعى دا ءبىر ماڭىزدى قارالاتىن ماسەلەلەر قاتارىنا الەمنىڭ 700 ۇزدىك ۋنيۆەرسيتەتىنىڭ اراسىندا جۇرگىزىلەتىن Quacquarelli Symonds اگەنتتىگىنىڭ رەيتينگىسىنە قازاقستان جوو كوشباسشىسى قازۇۋ ءبىرىنشى رەت 2009 جىلى قاتىسىپ، سول كەزدىڭ وزىندە-اق 60-650 شەپتەن ورىن العان بولاتىن. سول باستاما ۋنيۆەرسيتەتكە سەرپىلىس بەرىپ، جوعارى تالاپتار قويدى. قازۇۋ ءبىر جىل ىشىندە توپ-ۋنيۆەرسيتەتتەردىڭ 40-450 ساتىسىنا كوتەرىلدى. بۇل رەتتە قازۇۋ الەمدىك ۇزدىك ۋنيۆەرسيتەتتەردىڭ ورتاڭعى بولىگىنە جاقىنداعان ورتالىق ازياداعى تۇڭعىش ۋنيۆەرسيتەت بولىپ سانالادى.

ۋنيۆەرسيتەتىمىزدىڭ نەگىزگى ماقساتى – جوعارعى بىلىكتى مامانداردى دايارلاۋعا، الەمدىك ءبىلىم كەڭىستىگىندە ينتەگراسيالاۋعا، وندىرىسكە ەنگىزىلەتىن ىرگەلى جانە قولدانبالى زەرتتەۋلەردى دامىتۋعا باعىتتالعان كەڭ كولەمدەگى رۋحاني-تاربيەلىك ءمانى زور ءبىلىم مەن عىلىم نارىمەن سۋسىنداتۋ. ءال-فارابي اتىنداعى قازاق ۇلتتىق ۋنيۆەرسيتەتىندە بۇگىندە بىلىكتى ماماندار دايارلايتىن فاكۋلتەتتەردە بەدەلدى عىلىمي زەرتحانالار مەن مەكتەپتەر شوعىرلانعان. سونىڭ ىشىندە جانىما جاقىن، قازىرگى تاڭدا ءوزىم ءبىلىم الىپ جاتقان تاريح، ارحەولوگيا جانە ەتنولوگيا فاكۋلتەتى.

ءال-فارابي اتىنداعى قازاق ۇلتتىق ۋنيۆەرسيتەتىنىڭ تاريح فاكۋلتەتى – وتاندىق جانە شەتەل تاريحى، ارحەولوگيا، ەتنولوگيا، مۋزەي ءىسى مەن ەسكەرتكىشتەردى قورعاۋ، مۇراعاتتانۋ سالاسىندا جوعارى دارەجەلى مامان دايىنداۋ ىسىندە ەلىمىزدەگى كونەكوز، ەڭ مىقتى، ءبارى مويىنداعان ورتالىق بولىپ تابىلادى. قازاقستاننىڭ كوپتەگەن عىلىمي، ساياسي، قوعامدىق جانە ىسكەر ەليتاسى تاريح فاكۋلتەتىنىڭ تۇلەكتەرى.

تاريح فاكۋلتەتى رەسپۋبليكادا العاشقىلاردىڭ ءبىرى بولىپ Phd دوكتورانتۋرادا تاريح، دۇنيە ءجۇزى تاريحى باعىتتارى بويىنشا ماماندار دايىنداي باستاعان.

قازاق ۇلتتىق ۋنيۆەرسيتەتى ادامنىڭ تۇلعا بولىپ قالىپتاسۋىنا ىقپال ەتىپ، تۇلعانىڭ جان-جاقتى قابىلەتىن اشىپ كورسەتۋىنە مۇمكىندىك بەرەتىن مەكەن. سول سەبەپتى دە، قازۇۋ ستۋدەنتى بولۋ ءومىردىڭ ۇلكەن ساتتىلىكتەرىنىڭ ءبىرى دەپ سانايمىن.

قازاق ۇلتتىق ۋنيۆەرسيتەتىندە وقىپ جۇرگەن جاستاردىڭ ءقازىر دە، بولاشاقتا دا جەتىستىكتەرگە جەتۋ جولىنداعى مۇمكىندىكتەرى وتە زور. سونىمەن قاتار، ءال-فارابي اتىنداعى قازاق ۇلتتىق ۋنيۆەرسيتەتى – ادامگەرشىلىكتىڭ ءدانى ەگىلگەن، جاستىق شاقتىڭ ەستەن كەتپەس، ماڭگىلىك مەكەنى بولىپ قالماق.
ت.ع.ك.، دوسەنت حاسانايەۆا ل.م. 1-كۋرس ماگيسترانتى دايروۆا گ.ق.

---