قازۇۋ قالاشىعىنداعى "كورىسۋ كۇنى"
14 ناۋرىز - قازاقتىڭ قىستان امان شىعىپ، بىر-بىرىمەن ديدارلاسىپ، " قىستان امان-ەسەن شىقتىڭ با؟" ، "مال-جان امان با؟" دەسىسىپ، كورىسەتىن كۇنى. سوندىقتان ونى ەجەلدەن قازاقتار "كورىسۋ كۇنى" دەپ اتاپ كەتكەن. بۇل مەيرامنىڭ ەرتەدەن ماڭىزى زور بولدى، سەبەبى 6 اي قىستان حالىق قىستاۋدا كۇنەلتىپ، بىر-بىرىنەن حابارسىز كەتكەن، سونان سوڭ كوكتەم تۋىپ، اينالا كوگالدانا باستاعاندا كوكتەۋگە كوشىپ، حالىق بىر-بىرىمەن جۇزدەسىپ، ءبىر شۋلاسىپ قالاتىندى-مىس. ءبىراق، بۇگىنگى كۇنى الەۋمەتتىك جەلى دامىعان،ۇيالى تەلەفونسىز ادام جوق، كوشىپ-قونباي، بارلىعى جىل 12 اي ءوز باسپانالارىندا وتىرادى، سوندىقتان بولار، بۇل مەيرامنىڭ ءقازىر قادىر-قاسيەتى تومەندەپ كەتتى. قازاقستاننىڭ باتىس ايماعىنىڭ كەي وڭىرلەرىندە عانا بۇل ءداستۇر ءالى جالعاسۋدا.
سونداي كونەنىڭ كوزى بولعان داستۇرلەرىمىزدى جاستارعا ناسيحاتتاپ، قازۇۋ قالاشىعىندا كەڭ كولەمدە "كورىسۋ كۇنى" اتالىپ ءوتىلدى. ۇلكەن الاڭدا اۋىلدار تىگىلىپ، ىشىنە ۇلتتىق تاعامدارمەن داستارحان جايىلدى. ول مەيرامعا بارلىق ستۋدەنتتەرىمەن قوسا، شەت ەل ازاماتتارى دا ءوز ۇلەستەرىن قوستى. ءارتۇرلى ۇلت-وكىلدەرى دە داستارحان جايىپ،ءوز مادەنيەتتەرىمەن تانىستىردى.ءۇندىستان،كورەيا،جۇڭگو،تۇرىك،اراب،وزبەك مەنتاليتتەرىن ءبىلۋ بىزگە وتە قىزىقتى بولدى. بارلىعى بىر-بىرىمەن كورىسىپ،سامارقانىڭ كوك تاسى جىبىگەن كۇنى قىدىر اتا كەلىپ، باتا بەردى. الاڭدا كونسەرت بولىپ، ءبىر دۋ-دۋمان ورىن العان بولاتىن. وسىنداي سانامىزدان شىعىپ، ءوشىپ بارا جاتقان مەيرامدارىمىزدىڭ ءبىرىن بىزدەرگە كورسەتىپ، ناسيحاتتاعان قازۇۋ رەكتورى مەن وقىتۋشىلارىنا العىسىم شەكسىز. ۇلت ءتاعدىرى-بىزدىڭ قولىمىزدا. سانالى ۇرپاق تاربيەلەۋ ارقىلى ءبىز ۇلتىمىزدىڭ بولاشاعىن ساقتايمىز.
ءال-فارابي اتىنداعى قازاق ۇلتتىق ۋنيۆەرسيتەتىنىڭ 1 كۋرس ستۋدەنتى ابىزوۆا اقمارال
جەتەكشىسى: قازاقستان تاريحى كافەدراسىنىڭ دوسەنتى دجولدىبايەۆا ۋ.م.
You Might Also Like
-
قازاق حالقىندا «اۋرۋ قالسا دا، ادەت قالمايدى» دەگەن جاقسى ماقال بار. ادەت— ادامنىڭ كۇندەلىكتى تىرشىلىك قاجەتىنە بايلانىستى قالىپتاسقان تۇراقتى مىنەز، ءىس-قيمىل ەرەكشەلىگى بولىپ تاب...
-
مەملەكەتتىك رامىزدەرىمىز بۇگىنگى تاڭدا ەلىمىزدىڭ ەگەمەندىگى مەن تۇعىرى بيىك تاۋەلسىزدىگىمىزدىڭ ءبىرتۇتاستىعىن بەينەلەيتىن، حالىقتىعىمىزدىڭ بەرىك نەگىزى ىسپەتتەس. تاۋەلسىزدىكتىڭ ارايلاعان اق تاڭى قاز...
