InfoHub Logo

قازاق حالقىندا «اۋرۋ قالسا دا، ادەت قالمايدى» دەگەن جاقسى ماقال بار. ادەت— ادامنىڭ كۇندەلىكتى تىرشىلىك قاجەتىنە بايلانىستى قالىپتاسقان تۇراقتى مىنەز، ءىس-قيمىل ەرەكشەلىگى بولىپ تابىلادى. “اۋرۋ قالسا دا ادەت قالمايدى” دەۋ، ادەتتىڭ تۇراقتى قاجەتتىلىككە اينالعانىن كورسەتەدى. ادەتتىڭ دە ۇنامدى، ۇنامسىز تۇرلەرى بولادى.

وسى سوزىمە دالەل رەتىندە مىنا ءبىر يگى جاقسى ادەتكە اينالعان ءداستۇردى ايتقىم كەلەدى. مەكتەپ قابىرعاسىندا وقىپ جۇرگەنىمدە وسى وقيعاعا اسا ءمان بەرمەپپىن. ءقازىر ويلانىپ وتىرسام ۇلگى ارالىقتاي جاعداي ەكەن. مەكتەبىمىز دىنمۇحاممەد احمەت ۇلى قونايەۆ اتىندا بولعاندىقتان، مەكتەپتە 12 قاڭتار كۇنى اتامىزدىڭ تۋعان كۇنىنە وراي ارنايى شارا وتكىزىلىپ، جەتى شەلپەك تاراتىلادى. ديماش اتامىزدىڭ ءارۋاعىنا قۇران باعىشتالادى.

بۇنى مەكتەبىمىزدىڭ ءداستۇرى دەپ قاراساق تا بولار ەدى. ءبىراق، ءدال وسى جاعدايدى ادام بويىندا قالىپتاسقان جاقسى ءبىر ادەت دەر ەدىم. بۇنى كورىپ وسكەن ءاربىر وسكەلەڭ ۇرپاق تاپ سول ساتتە ۇعىنا الماسا دا، مەن سەكىلدى ەس بىلە كەلە وزىنە جاقسى ءبىر ادەت ەتەرى ءسوزسىز.

بۇل ماقالانى جازۋعا سەبەپ: ينستاگرامم الەۋمەتتىك جەلىسىن اقتارىپ وتىرىپ، مەكتەبىمىزدىڭ الەۋمەتتىك پاراقشاسىندا وسى ءبىر كورىنىستەن ۇزىندىلەر كورىپ قالدىم. ال، سول فوتوسۋرەتتەردى قاراپ وتىرعان مەن مەكتەپ قابىرعاسىندا وتكەن بال-بالالىق شاققا ساياحات جاساپ قانا قويماي، مەكتەبىمدەگى ءار ۇرپاقتىڭ بويىندا وسىنداي ماقتان تۇتارلىق ادەت قالىپتاسىپ جاتقانىنا سۇيسىنە قارادىم. جانە دە بولاشاق پەداوگوگ رەتىندە وسى ادەتتى ءوز شاكىرتەرىمنىڭ بويىنا سىڭىرەمىن دەپ نيەت ەتتىم.

«اۋرۋ قالسا دا، ادەت قالمايدى» دەگەن ماتەلدى ءبىز كۇندەلىكتى ومىردە، باسپا ءسوز بەتتەرىندە ءجيى قولدانامىز. ءبىراق وسى ءسوزدى كوبىنەسە قوعامنىڭ نە  ادامنىڭ تەرىس مىنەزدەرىن اقتاۋ ءۇشىن قولداناتىمىزدى بايقايمىز با؟ ءار نارسەنى جاقسى ەتۋدە، جامان ەتۋ دە، سونداي-اق جاقسى سويلەۋ مەن قابىلداۋدا ءبىزدىڭ ەنشىمىزدەگى دۇنيە.

سوندىقتان، جاقسىلىققا باستار، ونەگەلى ۇلگى بولار ادەتتەرىمىز كوپ بولعاي!

ءنۇسىپبالى داريعا قازاقستان تاريحى كافەدراسىنىڭ دوسەنتى دجولدىبايەۆا ۋ.م.

---