قازاق ۇلتتىق ۋنيۆەرسيتەتى - مۇمكىندىكتەر مەكەنى
مەكتەپ قابىرعاسىنان تۇلەپ ۇشقاننان كەيىنگى العاشقى ەرەسەك ومىرگە قادام "جوعارعى وقۋ ورىنى" اتتى باسپالداقتى اتتاعانننان كەيىن جاسالادى دەۋگە ابدەن بولادى. سەبەبى، ءومىر اتتى ۇلكەن جولدىڭ بۇرىنعىدان دا كۇردەلىرەك ءبىر تارماعىنا اياق باساسىڭ جانە دە سول جولدا قاي باعىتتا جۇرەتىنىڭدى ءوزىڭ تاڭدايسىڭ ءارى سول تاڭداۋىڭا ءوزىڭ جاۋاپتى بولاسىڭ. ماڭىزدىسى، وسى جولدا قانداي جاندار ساعان سەرىك بولادى، الداعى الىس تا، كەرى قايتارا المايتىن جولدى وزىڭە دە، وزگەگە دەپ پايدالى ءارى ەستە قالارلىق ساتتەرگە تولى ەتىپ وتكىزۋىڭ سول جاندارعا تىكەلەي بايلانىستى. وسى ساتتە مەن قازاق ۇلتتىق ۋنيۆەرسيتەتىندە مەحانيكا-ماتەماتيكا فاكۋلتەتىندە ءوز ورتامدى تاۋىپ، جولىم بولدى دەپ ايتا الامىن. وتانىمىزداعى ءبىلىم وردالارىنىڭ قارا شاڭىراعى ءال-فارابي اتىنداعى قازاق ۇلتتىق ۋنيۆەرسيتەتى ناعىز مۇمكىندىكتەر مەكەنى. وسىلاي سەنىممەن ايتا الۋىما تولىقتاي نەگىز بار، سەبەبى العاش ستۋدەنتتىك ومىرگە قادام جاساعاننان ساتتەن-اق مەن كوپتەگەن اقىلدى، تاربيەلى جانداردى جولىقتىردىم، ءارقايسىسىنىڭ تالىم-تاربيەسى مەن بەرەر ءبىلىمى ءبىر توبە بولاتىن ۇلاعاتتى ۇستازداردان ساباق الۋ مۇمكىندىگىنە يە بولدىم. قوعامداعى وزەكتى ماسەلەلەرمەن اينالىساتىن مەيىرىمدى جانداردان قۇرالعان "كومەك" اتتى ستۋدەنتتىك ۇيىمنىڭ مۇشەسى بولدىم. سونىڭ ارقاسىندا جوعارعى وقۋ ورىنى تەك بىلىكتى مامان يەسىن عانا ەمەس، سونىمەن قاتار ەلىمىزدەگى بولىپ جاتقان جاعدايلارعا بەي-جاي قارامايتىن تۇلعالاردى تاربيەلەپ شىعا الاتىندىعىنا كوزىم جەتتى.
مەحانيكا ماماندىعى بويىنشا قورشاعان ورتاداعى ماڭىزدى ەكولوگيالىق ماسەلەنى قوزعايتىن مۇنايمەن لاستانۋ تاقىرىبىندا عىلىمي جەتەكشىممەن بىرگە ديپلومدىق جۇمىس جازىپ، "جاراتىلىستانۋ عىلىمدارىنىڭ باكالاۆرى" دارەجەسىنە يە بولدىم. ءارى قاراي وسى جۇمىسىمدى جان-جاقتى ءارى تولىقتاي زەرتتەپ شىعۋ ماقساتىمەن، مەحانيكا-ماتەماتيكا فاكۋلتەتىندە ماگيستراتۋراعا تۇسەمىن دەگەن شەشىمگە كەلدىم. تاڭداۋىم "مەحانيكا-ەنەرگەتيكا" ماماندىعىنا ءتۇستى. سەبەبى، اتالعان ماماندىق ستۋدەنتتەرگە ءبىرقاتار مۇمكىندىكتەر بەرەدى. اتاپ وتەتىن بولسام، فاكۋلتەت فرانسياداعى نانسي قالاسىنداعى لوتارينگيا ۋنيۆەرسيتەتىمەن بايلانىس ورناتقان، سونىڭ ارقاسىندا ستۋدەنتتەر ماگيستراتۋرا كەزىندە لوتارينگيا ۋنيۆەرسيتەتىندە ءبىلىم الا الادى. ونىمەن قوسا، باعدارلاما اياسىندا "اباي-ۆەرن" شاكىرتاقىسى قاراستىرىلعان. ۋنيۆەرسيتەت قابىرعاسىندا العان ءبىلىمىن پايدالانا وتىرىپ جانە دە شەتەلدىك مۇعالىمدەردىڭ كومەگىمەن ءبىلىمىن تولىقتىرا وتىرىپ، وتانىمىزعا قوس-ديپلومدى مامان يەسى بولىپ ورالۋعا جاعدايلار جاسالعان. بىرنەشە جىلدار بويى قالىپتاسىپ قالعان جۇيەنىڭ ارقاسىندا، كوپتەگەن مەحانيك-ينجەنەرلەر ءار جىل سايىن لوتارينگيا ۋنيۆەرسيتەتىنە بارۋدا. مەنىڭ دە ماقساتىم، فاكۋلتەتىمىزدىڭ وسى ءبىلىم بەرۋ باعدارلاماسىن پايدالانا وتىرىپ، قوس-ديپلومدى مەحانيك-ينجەنەر ماماندىعىنىڭ يەسى بولۋ.
بولاشاقتا ۋنيۆەرسيتەت قابىرعاسىندا العان ءبىلىمىم مەن تاجىريبەمدى پايدالانا وتىرىپ، ەلىمىزدىڭ دامۋىنا ۇلەس قوساتىن مامان يەسى بولامىن دەپ ويلايمىن جانە دە وسىنداي مۇمكىندىككە جول اشقان قازاق ۇلتتىق ۋنيۆەرسيتەتىنە جانە مەحانيكا-ماتەماتيكا فاكۋلتەتىنىڭ ۇلاعاتتى ۇستازدارىنا العىسىم شەكسىز.
ايتحوجا جانسايا
قازۇۋ مەحانيكا-ماتەماتيكا فاكۋلتەتىنىڭ 1 كۋرس ماگيسترانتى
فيلولوگيا فاكۋلتەتىنىڭ اعا وقىتۋشىسى ۋرازگالييەۆا س.ا جەتەكشىلىگىمەن
You Might Also Like
-
ءال-فارابي اتىنداعى قازاق ۇلتتىق ۋنيۆەرسيتەتى (قازۇۋ) - قازاقستان رەسپۋبليكاسىنىڭ جەتەكشى كوپسالالى جوعارى وقۋ ورىندارىنىڭ ءبىرى. جالپى ۋنيۆەرسيتەت، دۇنيەجۇزىلىك جەتەكشى ۋنيۆەرسيتەتتەر ىشىندە 150ء-شى ...
-
1934 جىلى الماتى قالاسىندا قازىرگى ءال- فارابي اتىنداعى قازاق ۇلتتىق ۋنيۆەرسيتەتى قۇرىلدى. الەمنىڭ ۇزدىك 150 جوعارعى وقۋ ورىندارىنا كىرەتىن جالعىز قازاق ۇلتتىق ۋنيۆەرسيتەتى 16 فاكۋلتەت، سونىڭ ءىشىند...
