قىمباتشىلىق: حالىق جاعدايى...
ازىق-تۇلىك باعاسى حالىق ءۇشىن ۇلكەن پروبلەماعا اينالۋدا. تابىستىڭ بارلىعى دەرلىك ازىق-تۇلىككە جۇمسالادى. كۇندەلىكتى ازىق-تۇلىكتەن باستاپ، قۇرىلىس ماتەريالدارى، ەت، ۇن، شاي، جۇمىرتقا، مال ازىعى – ءبارىنىڭ باعاسى كۇن سايىن وسۋدە. ءبىراق حالىقتىڭ جالاقىسى نارىقتاعى باعانىڭ وسۋىمەن بىرگە ءوسىپ، زەينەتاقى مەن جاردەماقىعا باسقا ەشتەڭە قوسىلمايدى. سونىڭ سالدارىنان ادامدار تاماقسىز، ەرتەڭگى كۇنگە جوسپار قۇرماي، كۇندە تاماق تاۋىپ ءومىر ءسۇرۋ قالىپتى جاعدايعا اينالدى.
قازاق حالقى ەتتى ءجيى تۇتىناتىن ۇلتپىح، ءتىپتى ەتسىز تاماقتان اس وتپەيدى. بۇگىندە بۇل ەتتىڭ باعاسى ءوسىپ جاتىر. مىسالى، جىلقى ەتىنىڭ كەلىسى 2400 تەڭگەدەن اسىپ كەتسە، سيىر ەتى 2200-2250 تەڭگە، قوي ەتى 2200 تەڭگە بولۋى مۇمكىن. كارتوپتىڭ كۇندەلىكتى تۇتىنۋى – 200 تەڭگە، ءسابىز – 180 تەڭگە، 5 ليتر ماي – 3700 تەڭگە، ءبىر قاپ ۇن (50 كەلى) – 10000 تەڭگە. ماسەلەن، قوعامدىق جۇمىستا ىستەيتىن ازاماتتىڭ تابىسى 42500 تەڭگە بولسا، وعان نارىقتا نە كەلەدى؟ ءبىر ايعا قاجەتتى ازىق-تۇلىككە نە كىرۋى مۇمكىن؟ سارالاپ كورەيىك. ەڭ ءبىرىنشى ۇن (10000 تەڭگە)، سۇيىق ماي (3800 تەڭگە)، 10 كەلى ەتى 1 ايعا ( 22000 تەڭگە)، 10 كەلى كارتوپ (2000 تەڭگە)، 10 كەلى ءسابىز (2000 تەڭگە). مىنە، وسىنشاما ساناۋلى عانا زاتتى الۋعا مۇمكىندىگى بار. ودان بولەك، قانشاما كەرەك جاراقتارى بار دەسەڭىزشى!
حالقىمىز ەڭ كوپ تۇتىناتىن،تۇتىنباساق باسىمىز اۋىراتىن الەۋمەتتىك ءونىمنىڭ ءبىرى – شاي باعاسى دا شارىقتاپ كەتكەن. ءساۋىر ايىنىڭ قورىتىندىسى بويىنشا قازاقستان بويىنشا ورتاشا ەسەپپەن شايدىڭ 12،4%-عا قىمباتتاعانى بايقالدى. سونىمەن قاتار قازاقستاننىڭ 17 ءوڭىرىنىڭ 7-ىندە شاي باعاسى ورتاشا دەڭگەيدەن بىردەن ءوستى. ماسەلەن، باتىس قازاقستان وبلىسىندا شاي بىردەن 25،3%-عا، پاۆلودار وبلىسىندا 21،4%-عا، شىمكەنتتە 19،3%-عا قىمباتتادى. سونىمەن قاتار، قازان ايىندا جاپىراقتى قارا شايدىڭ ءبىر كيلوگرامى ورتا ەسەپپەن 3 063،3 تەڭگەنى قۇرادى، بۇل 2018 جىلعى قازانمەن سالىستىرعاندا 6،8%-عا قىمبات.
جانارماي باعاسى دا تۇراقتى ەمەس. كوپشىلىك ءجيى تۇتىناتىن اي-92 ماركالى بەنزين 180 تەڭگەدەن، ديزەل 230 تەڭگەدەن، بەنزين 110-115 تەڭگەدەن ساتىلۋدا. كولىك تىزگىندەگەندەر قالتاسىنا اۋىر ءتيدى دەيدى.
اۆتورى: كاميلا تاستانبەك
You Might Also Like
-
جۋرناليستەر ەڭ الدىمەن - بۇقارالىق اقپارات قۇرالدارى ارقىلى اقپاراتتى جيناۋ، وڭدەۋ ونى حالىققا تاراتۋ قىزمەتىن اتقارادى. قازىرگى الەم اقپاراتتىق تەحنولوگياداردىڭ جوعارى دەڭگەيدە دامىعان ۋاقىتى. وسى...
-
بىرىنشىدەن، بۇل ادەتتە جاڭالىق. قوعامدىق ءومىردىڭ بارلىق سالاسىندا – ساياساتتا، ەكونوميكادا، عىلىمدا، مادەنيەتتە، سپورتتا جاڭالىق ىزدەۋ – جۋرناليست ءۇشىن ەڭ باستىسى. الايدا جۋرناليستيكا ءال...
